Bændablaðið - 10.03.2022, Side 53
53Bændablaðið | Fimmtudagur 10. mars 2022
Nú á komandi vori verða sveitar
stjórnarkosningar. Þar með lýkur
fyrsta kjörtímabili sveitarstjórnar
í hinu nýja sveitarfélagi Múlaþing.
Margs er að minnast á þessum
18 mánuðum og ber þar einna hæst
tvennt. Í fyrsta lagi skriðuföllin á
Seyðisfirði sem dundu yfir okkur og
Guðs mildi að ekki hlutust stórslys
af. Var engu líkara en að einhver
verndarhendi væri yfir Seyðisfirði.
Múlaþing lagði allt sitt í þessar
náttúruhamfarir og stóðu starfsmenn
vaktina þarna af stakri prýði og
ber að þakka fyrir það. Ekki má
gleyma Seyðfirðingum sjálfum
sem stóðu sig einnig með stakri
prýði í þessu öllu saman, þurftu
í skyndingu að yfirgefa heimili
sín, misstu húseignir, hvort sem
var heimili eða atvinnuhúsnæði.
Takk, Seyðfirðingar, fyrir ykkar
framlag, þið stóðuð ykkur eins
og hetjur.
Þarna sá maður hversu mikilvægt
það var að búið var að sameina þessi
sveitarfélög. Marga heyrði ég hafa
orð á því og ekki síst Seyðfirðinga
sjálfa, einnig heyrðist talað um það
á landsvísu hversu vel var staðið að
hreinsunarstarfinu.
Hið síðara er ber hæst er
heimsfaraldurinn sem dundi
yfir okkur með öllu sem honum
tilheyrði, fjöldatakmörkunum og
fleiru, sem varð til þess að allir
fundir og fundarhöld fara fram í
tölvu, þökk sé þessari tækni sem
til er nú og nettengingum sem
eru svo mikilvægar. Skipta þurfti
vinnustöðum í einingar svo ekki
of margir hittust og átti það við á
starfsstöð Múlaþings á Egilsstöðum
eins og öðrum.
Þetta hefur kennt okkur
landanum að það er ekkert mál
að funda landshluta á milli án
tilheyrandi kostnaðar vegna ferða
og uppihalds, svo ég tali nú ekki um
tímasparnaðinn. Að mínu mati er
þetta komið til að vera. Þarna skiptir
mestu máli að nettengingar séu
góðar. Í Múlaþingi er búið að gera
stórátak í lagningu ljósleiðara, flest
öll heimili komin með ljósleiðara
eða sambærilega tengingu.
Skipulag og atvinna
Ég sit í umhverfis- og framkvæmda-
nefnd og þar hefur verið mikið af
málum, bæði mál sem komin voru af
stað í hinum gömlu sveitarfélögum
sem við héldum áfram með, einnig
mikið af nýjum málum sem komið
hafa inn. Mislangur tími fer í mál
eðli málsins samkvæmt.
Umhverfissviðið er endalaust
að fara yfir verkferla, hvort ekki
sé hægt að stytta tíma án þess að
það komi niður á lagakerfinu.
Við Íslendingar erum nefnilega
snillingar í að kalla yfir okkur lög
og reglur sem ævinlega lengja alla
ferla. Það á ekki bara við í þessu
tilfelli heldur mjög víða annars
staðar. Mér finnst að við þurfum
að taka til í laga- og regluverkinu
hvað þetta varðar, til þess þurfum
við að fá í lið með okkur stjórnvöld
og stofnanir. Þetta er verkefni sem
þarf að vinna til að stytta ferlið.
Allur sá tími sem fer í breytingu
á aðal- og deiluskipulagi: umsagnar-
aðilar þurfa sinn tíma, kærufrestur
þarf sinn tíma, svo þarf að vinna úr
athugasemdum, taka málið fyrir í
nefndum, ráðum og sveitarstjórn,
síðan að gefa út öll tilheyrandi leyfi,
allt tekur þetta sinn tíma.
Á árinu 2021 lágu 48 umsóknir um
breytingar á aðal- og deiluskipulagi
fyrir, að auki 22 ný deiliskipulög, 33
kláruðust og 37 eru í vinnslu.
Í árslok 2021 eru 89 lausar lóðir
í Múlaþingi og eru 44 af þeim á
Fljótsdalshéraði.
Það er margt að gerast í atvinnu-
málum í Múlaþingi, þar má t.d. nefna
uppbyggingu á Djúpavogi, hún er
mest vegna meiri umsvifa í fiskeldi.
Á Seyðisfirði er fyrirhöguð breyting
á hafnaraðstöðunni sem mun m.a.
breyta miklu fyrir smábáta, skútur og
skemmtiferðaskip. Á Egilsstöðum
er það Egilsstaðaflugvöllur,
flughlað og akbraut sem vonandi
verður byrjað á sem fyrst svo
flugvöllurinn uppfylli skilyrði sem
alþjóðaflugvöllur. Ferðaþjónusta
er vaxandi á Borgarfirði og eru
ferðaþjónustuaðilar að bregðast við
því með meiri uppbyggingu.
Samgöngur
Margt er ógert í samgöngum í
Múlaþingi, þótt eitthvað þokist í rétta
átt, sem dæmi á Borgarfjarðarvegur
að vera kominn með varanlegt
slitlag á hausti komandi, einnig
Efradalsvegur á Jökuldal við
Arnórsstaði, sem skiptir miklu máli
vegna mikils ferðamannastraums að
náttúruperlunni Stuðlagili. Þessar
vegabætur eru ekki síst mikil lífskjör
fyrir þá íbúa sem þarna búa og þurfa
að sækja öll sín aðföng eftir þessum
vegi, það virðist vera tilhneiging til
að íbúar gleymist þegar kemur að
bættum samgöngum.
Ný Lagarfljótsbrú þarf að komast
sem fyrst í framkvæmd, þessi brú
er farartálmi þungaumferðar. Það
eru ekki mörg ár í að bannað verður
að fara þar um með þungaumferð.
Þess vegna er brýnt að koma þessari
framkvæmd sem fyrst af stað.
Seyðisfjarðargöng undir
Fjarðarheiði svo og Öxi eru verkefni
sem okkur er lofað en þarna má
ekkert til slaka og halda áfram að
berjast fyrir, þetta eru samgöngur
sem skipta okkur öll miklu máli.
Til að vinna að öllum þessum
málum hef ég ákveðið að bjóða
mig fram í 1.–3. sæti í prófkjöri
Sjálfstæðisflokksins sem fram fer
12. mars næstkomandi.
Ég tel mig geta unnið að öllum
þessum málum þar sem ég hef langa
reynslu af sveitarstjórnarmálum og
mun vinna að heilum hug fyrir alla
kjarna Múlaþings og þar á ég einnig
við hina dreifðu byggð í Múlaþingi.
Byggjum öflugt samfélag.
Jakob Sigurðsson
Borgarfirði eystra
Forritari
Ráðgjafarmiðstöð landbúnaðarins auglýsir eftir
forritara sem gæti sinnt fjölbreyttum þróunar- og
hugbúnaðarverkefnum í landbúnaði.
Starfs- og ábyrgðarsvið
• Þátttaka í þróunarteymum RML sem sinna hugbúnaðargerð og upplýsingatækni.
• Vinna við hugbúnaðargerð vefforrita RML.
• Vinna við Oracle gagnagrunna.
• Önnur verkefni s.s. líkanagerð í Excel og þróunarverkefni.
Menntunar og hæfniskröfur
• Háskólapróf sem nýtist í starfi.
• Þekking eða framhaldsmenntun á sviði tölvunarfræði eða verkfræði.
• Starfsreynsla við forritun æskileg
• Sjálfstæð og skipulögð vinnubrögð.
• Þekking á verkefnastjórnun kostur sérstaklega Agile/Scrum aðferðafræði.
• Góðir samskiptahæfileikar.
• Æskileg reynsla
√ Python, Django og Linux
√ Java
√ Javascript, jQuery o.fl.
√ Oracle – PL/SQL
Við leitum að einstaklingi með brennandi áhuga á tölvunarfræði í sínum víðasta
skilningi og hefur metnað og frumkvæði til að vinna að þróun á hvers kyns tækni-
lausnum fyrir landbúnað. Gert er ráð fyrir að starfsstöð viðkomandi verði á
Akureyri en aðrar staðsetningar á starfstöðvum RML kæmu einnig til greina.
Ráðgjafarmiðstöð landbúnaðarins er ráðgjafarfyrirtæki í eigu bænda sem sinnir
landbúnaðarráðgjöf um allt land. Starfsemin er dreifð um landið. Við bendum
áhugasömum á heimasíðu fyrirtækisins www.rml.is þar sem sótt er um starfið, en
þar er einnig hægt að kynna sér starfsemina enn frekar.
Umsóknarfrestur er til og með 25. mars. Nánari upplýsingar veita Karvel L.
Karvelsson framkvæmdastjóri klk@rml.is og Þorberg Þ. Þorbergsson verkefnastjóri
á fjármála og tæknisviði thorberg@rml.is.
LESENDARÝNI
Öflugt samfélag
Jakob Sigurðsson.
Kemur næst út 24. mars