Bændablaðið - 10.03.2022, Qupperneq 8

Bændablaðið | Fimmtudagur 10. mars 20228
FRÉTTIR
Deild eggjabænda á Búgreinaþingi 2022:
Hætta á að matvæli hækki í verði
„Við sem hittumst fyrir hönd
deildar eggjabænda innan Bænda-
samtakanna áttum gott spjall á
nýafstöðnu Búgreina þingi,“ segir
Stefán Már Símonarson, formaður
Félags eggjabænda, „og fundurinn
gagnlegur.“
Á fundinum var kosinn stjórn fyrir
deild eggjabænda og í henni sitja
Stefán Már Símonarson, formaður
og Halldóra Hauksdóttir og Arnar
Árnason, meðstjórnendur.
Félag eggjabænda áfram starfrækt
„Meðal þess sem við ræddum á
fundinum eru félagsmál deildarinnar
og framtíð hennar og við ákváðum að
hittast aftur í vor og klára þá umræðu.“
Stefán segir að Félag eggjabænda
verði áfram starfrækt til hliðar við
búgreinadeildina og að hugur manna
sé til að halda því virku áfram en í
því félagi er einnig áhugafólk í eldi
og eggjaframleiðslu.
Hætta á að matvælaverð hækki
„Helsta hagsmunamál eggja fram­
leiðenda í dag er, eins og hjá öllum
öðrum í landbúnaði, ástandið í
Evrópu og innrás Rússa í Úkraínu.
Í kjölfar innrásarinnar er hætta á
skorti á ýmsum nauðsynjavörum
og um leið hækkun matvælaverðs
í heiminum.
Niðurstaðan af Búgreinaþinginu
er að við teljum að þær breytingar
sem gerðar hafa verið á starfsemi
BÍ undanfarin misseri hafi heppnast
vel hingað til og lofi góðu fyrir
framhaldið.“
Fulltrúi deilda eggjabænda á
Búnaðarþingi verða Stefán Már
Símonarson og Halldóra Hauks­
dóttir. /VH
Frá fundi eggjabænda á Búgreinaþingi. Mynd / Höskuldur Sæmundsson
Deild garðyrkjubænda á Búgreinaþingi 2022:
Nýliðun í stjórn
Axel Sæland var kjörinn for-
mað ur Búgreinadeildar garð-
yrkjunnar og Óskar Kristinsson
endurkosinn í stjórn. Tveir nýir
stjórnarmeðlimir voru kjörnir,
þau Halla Sif Svansdóttir Höllu-
dóttir og Óli Björn Finnsson.
Helga Ragna Pálsdóttir, Sigrún
Pálsdóttir og Þórhallur Bjarnason
létu af stjórnarsetu.
Á fundinum var lýst ánægju
yfir því að garðyrkja sé á dagskrá í
stjórnarsáttmála og þeim meðvindi
sem greinin er að fá, að sögn
Guðrúnar Birnu Brynjarsdóttur,
starfsmanns Bændasamtakanna,
sem leiddi fundinn og fór
yfir stefnumörkun BÍ. Helgi
Jóhannesson, ráðunautur frá RML,
kom og fór yfir hagtölusöfnun
í garðyrkju og talaði einnig um
skýrsluhald í forritinu Jörð.
Tvær tillögur fóru frá deild
garðyrkjubænda til Búnaðar þings,
önnur varðar gjaldskrá félags­
manna og hin nýliðunarmál. Nokkur
umfjöllun skapaðist um nýliðunar­
styrki í landbúnaði og þá stigagjöf
er varðar menntun umsækjenda,
þar sem starfsmenntanám mun
ekki vera metið sem skyldi að mati
fundarmanna.
Þá fjölluðu garðyrkjubændur um
íslensku fánaröndina sem notuð er
á íslenskar garðyrkjuvörur. Lögð
var til tillaga þess efnis að notkun
hennar miðist eingöngu að þeim sem
eru fullgildir félagar Bændasamtaka
Íslands.
Búnaðarþingsfulltrúar deild­
arinnar verða þeir Axel Sæland,
Gunnar Þorgeirsson, Óskar
Kristinsson og Óli Björn Finnsson.
/ghp
Helga Ragna Pálsdóttir og Þórhallur Bjarnason létu af stjórnarsetu.
Á Búgreinaþingi deildar
sauðfjárbænda Bændasamtaka
Íslands á Hótel Natura um síðustu
helgi var Trausti Hjálmarsson í
Austurhlíð í Biskupstungum
kosinn nýr formaður, í stað
Guðfinnu Hörpu Árnadóttur,
Straumi.
Trausti hlaut 45 atkvæði af 51
greiddu atkvæði, þrír seðlar voru
auðir og þrjú atkvæði fóru á þrjá
aðra fulltrúa á Búgreinaþingi.
Þrír nýir stjórnarmenn
Í stjórn með Trausta voru kosin
þau Sveinn Rúnar Ragnarsson í
Akurnesi, Hornafirði, Sigurborg
Hanna Sigurðardóttir Oddsstöðum í
Lundarreykjadal, Jóhann Ragnarsson
í Laxárdal og Ásta F. Flosadóttir,
Höfða í Grýtubakkahreppi, sem
var fyrir í stjórn Landssamtaka
sauðfjárbænda eins og Trausti.
Í varastjórn voru kjörin
þau Þórdís Halldórsdóttir, Ytri
Hofdölum, Hákon Bjarki Harðarson,
Svertingsstöðum 2, og Hulda
Brynjólfsdóttir, Tyrfingsstöðum.
Trausti segir að mesta áherslan
núna á næstu vikum og mánuðum
verði að koma afurðaverðinu í lag.
„Það er svona sterkasta krafan frá
þessu þingi, að afurðaverð verður
að hækka talsvert mikið. Það er
alveg sama hvar sauðfjárbændur
búa, það eru allir orðnir uppgefnir
á afkomunni sem auðvitað er vegna
þess hversu afurðaverð hefur verið
lágt. Það er lykilatriði að stjórnvöld
og afurðastöðvar vinni að því með
okkur að finna lausnir í því að gera
búskapinn lífvænlegan.
Við getum alltaf haft misjafnar
skoðanir á því hvernig við útdeilum
ríkisstuðningi, útfærslum á honum
sem er ekki síður mikilvægt, en
grunnstoðin í okkar afkomu þarf
alltaf að vera afurðaverðið – og það
vantar okkur núna,“ segir Trausti.
Tíu prósent ekki nóg
Kjarnafæði Norðlenska tilkynnti í
byrjun febrúar um að afurðaverð
fyrir dilkakjöt haustið 2022 muni
hækka um tíu prósent að lágmarki
frá endanlegu verði fyrir dilkakjöt
árið 2021. Trausti segir þá hækkun
duga skammt. „Tíu prósent ofan á
svona lágt afurðaverð er einfaldlega
ekki að gera nóg fyrir okkur,
sérstaklega þegar tekið er mið af
því hvernig verðbólgan er að þróast.
Þá er þetta ekki nálægt því að vera
raunhækkun sem skilar sér til okkar í
afkomu, miðað við hvernig hækkun
á aðföngum hefur verið og spáð er
fyrir um á næstu mánuðum.
Við bindum enn vonir við að
stjórnendur afurðastöðva sjái að
sér og leiðrétti þetta enn frekar. Við
erum enn að berjast við að ná til baka
því afurðaverði sem við fengum árið
2015.“
Jákvæðir fyrir að vinna að
lausnum í loftslagmálum
Trausti segir að það hafi verið
greinilegt á búgreinaþinginu
að almennt séu sauðfjárbændur
jákvæðir fyrir því að vinna að
lausnum í loftslagsmálum. „Ég
skynja á bændum að þeir eru tilbúnir
í þau verkefni, en um leið er enginn
bóndi tilbúinn til að fara í slíkt
fyrir ekki neitt. Það verður að vera
ávinningur af slíkum verkefnum,
bæði fjárhagslegur og félagslegur.
Að mínu viti eru sauðfjárbændur
sú stétt fólks sem liggur beinast við að
ríkið nýti sér í loftslagsmálum. Ekki
síst núna þar sem sauðfjárbændur
hafa margir hverjir yfir miklu landi
að ráða, með tæki og tól og mikla
þekkingu á landgræðslumálum. Við
erum öflugir landgræðslumenn sem
viljum efla landgræðslu og þar sem
þar á við skógrækt líka. Við þurfum
samt alltaf á hverjum tíma að geta
stuðst við góð gögn og upplýsingar
þannig að við séum að gera hlutina
rétt frá upphafi.
Það er krafa bænda að
vísindasamfélagið efli rannsóknir og
þekkingargrunninn sem við ætlum
að byggja á loftslagsmálum við
Íslenskar aðstæður,“ segir Trausti.
Stjórnvöld ættu að fjárfesta í
loftslagsaðgerðum með bændum
Sauðfjárbændur eru þátttakendur
í smærri verkefnum sem miða
að loftslagsvænni landbúnaði og
nefnir Trausti sérstaklega verkefnið
Loftslagsvænn landbúnaður,
sem stýrt er af Ráðgjafarmiðstöð
landbúnaðarins. „Það er mikilvægt
að byggja áfram á þessu verkefni.
Þar eru bændur farnir af stað, þar
sem ferlið er að gera loftslagsvænan
landbúnað að hluta af eðlilegum
búrekstri – enda rímar þetta mjög
vel saman. En til þess að það náist
raunverulegur árangur þarf að
huga að því að til staðar sé beinn
fjárhagslegur ávinningur fyrir
bændur af þátttökunni.
Í mínum huga er alveg upplagt
tækifæri fyrir stjórnvöld að þora að
fjárfesta í loftslagsaðgerðum með
bændum.“ /smh
Trausti Hjálmarsson og Guðfinna
Harpa Árnadóttir, nýr formaður og
fráfarandi formaður deildar sauð-
fjárbænda Bændasamtaka Íslands.
Kosningar á þinginu voru rafrænar. Myndir / smh
Deild sauðfjárbænda á Búgreinaþingi 2022:
Trausti kosinn formaður
– Afurðaverðið verður mál málanna
4,9%
8,1%
18,8%
27,0%
41,9%
0,0%
5,0%
10,0%
15,0%
20,0%
25,0%
30,0%
35,0%
40,0%
45,0%
Viðskiptablaðið Stundin Morgunblaðið Fréttablaðið Bændablaðið
Meðallestur prentmiðla
á landsbyggðinni
Samkvæmt prentmiðlamælingu Gallup
á fjórða ársfjórðungi 2021