Bændablaðið - 10.03.2022, Blaðsíða 26
Bændablaðið | Fimmtudagur 10. mars 202226
Jóhannes Kjartansson, sölumaður
hjá Lely Center Ísland, var sama
sinnis og kollegar hans hjá
Landstólpa á Búgreinaþinginu
að góð þjónusta við viðskiptavini
væri það sem seldi best.
Lely Center Ísland býður upp á
mjaltaþjóna, flórgoða og fóðurkerfi
sem sniðin eru að þörfum íslenskra
bænda. Jóhannes segir að stór hluti
starfseminnar snúist um að útvega
varahluti og rekstrarvörur fyrir
bændur sem seldar eru í verslunum
fyrirtækisins í Reykjavík og á
Akureyri.
„Þá er það afspurnin sem skiptir
líka miklu máli og bændur kynnast
búnaðinum hjá öðrum bændum
og sjá hvað tækin virka vel og
hafa svo samband við mann. Við
njótum þess auðvitað svolítið að
vera brautryðjendur í innleiðingu á
mjaltaþjónum á Íslandi, en ef við
værum ekki að standa okkur vel í
þjónustunni væri þetta fljótt búið
spil.“ Jóhannes segir að Lely hafi
selt um 170 til 180 mjaltaþjóna á
Íslandi frá upphafi. Eitthvað af
þeim séu nú úreltir og bændur hafi
því verið að endurnýja. Í dag sé
meirihluti íslenskra kúabænda með
mjaltaþjóna, enda hafi reynslan sýnt
að tilkoma þeirra hafi aukið nyt hjá
kúnum verulega. Ungt fólk vilji
því helst ekki líta við slíkum rekstri
nema að vera með mjaltaþjóna í
sinni þjónustu.
„Þá er júgurheilbrigði miklu
meira á mjaltaþjónabúunum og
lækkar dýralækna- og lyfjakostnað
oft um tugi prósenta.“
– Hvað með viðskipti við útlönd,
hafa ekki verið einhverjar truflanir
á þeirri hlið?
„Það hafa verið lítils háttar seink-
anir. Verksmiðjurnar hafa ekki alltaf
getað verið á fullum afköstum út af
takmörkunum á íhlutum. Því hefur
afgreiðslu á nýjum tækjum svolítið
verið að seinka. Okkar tæki koma
frá Hollandi en íhlutirnir koma héðan
og þaðan úr heiminum. Við höfum
samt algjörlega sloppið við skort á
varahlutum,“ segir Jóhannes. /HKr.
BÚGREINAÞING 2022
Vesturhrauni 3 – 210 Garðabær | Austurvegur 69 - 800 Selfoss | Sími 480 0080 | avelar.is
NOKKRAR STRÆRÐIR Í BOÐI
Gróðurhús tilbúin til aendingar strax
Mjólkursamsalan á Búgreinaþingi:
Gott handbragð úr Dölunum
Mjólkursamsalan var að sjálf
sögðu að kynna vörur sínar á
fyrsta Búgreinaþinginu sem
haldið er hér á landi í framhaldi af
sameiningu hinna ýmsu búgreina
undir hatt Bændasamtaka Íslands.
Unnur Gunnarsdóttir stóð
vaktina í bás MS á þinginu og
kynnti hina einstöku Dalaosta og
gott handbragð út Dölunum. Ekki
var annað að sjá en að gestir kynnu
vel að meta. Þótt vettvangur slíkra
funda hafi verið í Bændahöllinni,
Hótel Sögu, allar götur frá því
hótelið var tekið í notkun 1962, þá
hafa aðstæður nú breyst með sölu
á hótelinu til Háskóla Íslands. Því
var Búgreinaþingið haldið á Hótel
Natura sem er gamla Loftleiðahótelið
við Reykjavíkurflugvöll. /HKr.
Unnur Gunnarsdóttir stóð vaktina á bás MS á Búgreinaþingi.
Lely Center Íslandi:
Góð afspurn skiptir miklu máli
Landstólpi:
Áhersla lögð á góða þjónustu
Loftur Óskar Grímsson og Eiríkur
Arnórsson stóðu vaktina í bás
Landstólpa á Búgreina þinginu á
Hótel Natura. Fyrir tækið er með
höfuðstöðvar í Gunnbjarnarholti á
Suðurlandi þar sem einnig er rekið
öflugt kúabú sem nýverið setti
upp sína eigin mjólkurvinnslu.
Þá rekur Landstólpi einnig útibú
á Egilsstöðum.
Þeir félagar báru sig vel þrátt fyrir
ýmsa utanaðkomandi örðugleika
vegna Covid og stríðs í Úkraínu.
Voru þeir sammála um að í svona
rekstri væri það góð þjónusta við
bændur sem skipti öllu máli.
Landstólpi ehf. var stofnað árið
2000. Starfsemi Landstólpa skiptist
í mannvirkjasvið, þjónustusvið,
fóðursvið og vélsmiðju, þar sem
eigin framleiðsla fer fram. Einnig
rekur Landstólpi tvær verslanir
ásamt lager. Hjá Landstólpa starfa
hátt í 50 manns og lögð er rík áhersla
á gott og faglegt vinnuumhverfi þar
sem fólki líður vel.
Sala á fóðri og bætiefni er snar
þáttur í starfseminni. Þá hefur
fyrirtækið verið öflugt í sölu á
stálgrindarhúsum og hefur um langt
árabil boðið upp á heildarlausnir í
fjósbyggingum. Árið 2017 hóf
Landstólpi innflutning á Fullwood
Merlin mjaltaþjónum. Fyrirtækið
Fullwood hefur verið að hanna
mjaltaþjóna í yfir 20 ár og einbeitt
sér að því að koma með bestu
lausnirnar til að tryggja öruggar
og skilvirkar mjaltir fyrir alla sína
kúabændur. /HKr.
Loftur Óskar Grímsson og Eiríkur Arnórsson í bás Landstólpa á
Búgreinaþinginu á Hótel Natura. Myndir / HKr.
Jóhannes Kjartansson, sölumaður hjá Lely Center Ísland. Mynd / HKr.
Tryggingafélagið VÍS:
Með tryggingar fyrir landbúnað
Tryggingarfélagið VÍS var einnig
með bás á Búgreinaþinginu og
kynnti sína starfsemi, enda telur
félagið nauðsynlegt að allir séu rétt
tryggðir á hverjum bæ, með einni
eða fleiri af persónutryggingum
VÍS.
Landbúnaðartrygging VÍS er
síðan sérsniðin fyrir bændur og
þeirra ær og kýr. Hún tekur m.a.
til muna eins og búfjár, fóðurs,
ákveðinna tækja og áhalda sem
tilheyra hefðbundinni búfjárrækt,
að vélknúnum ökutækjum
undanskildum.
Lögð er áhersla á mikilvægi
ábyrgðartryggingar vegna tjóns
gagnvart þriðja aðila. /HKr.
Skrafað og skeggrætt í sölubás VÍS. Mynd / HKr.
Þ. Þorgrímsson & Co.:
Fjöldi vöruflokka fyrir bændur
Byggingavöruverslunin Þ. Þor
grímsson & Co. kynnti sína
starfsemi á Búgreinaþinginu á
Hótel Natura, enda eru margir
vöruflokkar sem fyrirtækið býður
upp sem geta nýst bændum vel og
þeirra búrekstri.
Fyrirtækið var stofnað á vor-
mánuðum árið 1942 af Þorgrími
Þorgrímssyni stórkaupmanni
sem lést árið 2012. Á fyrstu
árum fyrirtækisins mótaðist
innkaupastefna þess mest af þeim
vörum sem voru fáanlegar á
stríðstímanum hverju sinni. Snemma
var þó stefnan mörkuð vegna mikils
skorts á byggingavörum í landinu
eftir stríð. Helstu viðskiptalönd voru
Bandaríkin, Spánn og England.
Í dag þjónustar fyrirtækið
bygginga markaðinn með sölu og
þjónustu á hvers konar bygginga-
vörum til klæðninga á loftum,
gólfum, veggjum innanhúss og
utan á húsið. Má þar helst nefna
utanhússklæðningar, þakefni,
eldvarnarplötur, glugga og úti hurðir.
/HKr.
Bás Þ. Þorgrímsson & Co. á Búgreinaþinginu. Mynd / smh