Bændablaðið - 10.03.2022, Blaðsíða 33

Bændablaðið | Fimmtudagur 10. mars 2022 33
en henni finnst þó að það þurfi að
vera meiri nýsköpun í matjurtarækt
og betri upplýsingamiðlun.
„Til dæmis eru margar heimildir
sem við notum í skólanum
frá Danmörku. En auðvitað er
umhverfið hérna allt öðruvísi
en víða úti í heimi, loftslagið,
jarðvegurinn, birtustig, auðlindir
sem eru í boði o.fl. Það eru margir
garðyrkjubændur að gera alls
konar rannsóknir, oft með mjög
áhugaverðum árangri. Ég er alls
ekki sú fyrsta að nota heitt vatn í
matjurtarækt, þó ég sé framarlega á
því sviði með því að nota ódýrt og
mjög aðgengilegt volgt affallsvatn
í ódýrum PEX rörum. Tilraunir er
alltaf fyrsta skrefið og svo þarf að
miðla áfram,“ segir Karen.
Volgt vatn er alls staðar
Það er ekki bara jarðhitinn sjálfur
sem Karen leggur áherslu á.
„Nei, alls ekki, mér finnst
áhugaverðast vatnið sem við
getum kallað „úrgangsefni“ en er
samt mun heitara en jarðvegurinn.
Jarðvegur er frekar einangrandi
og það er vel hægt að einangra
hann betur. Þannig þarf hiti ekki
að flæða hratt úr rörum, eins og
með snjóbræðslu. Með snjóbræðslu
vill maður tapa hita við yfirborðið
en við viljum ekki tapa hita úr
yfirborðinu. Þannig má vatnið
flæða hægt í gegn, aðeins rúmlega
1 ml á sekúndu á fermetra. Og
þannig skiptir það engu máli
hvað vatn, sem er ~30°, tapar
hitainnihaldinu hægt, því hitinn
tapast úr jarðveginum hægt líka.
Volgt vatn er alls staðar. Það verður
til við rafmagnsframleiðslu, rennur
frá ofnum, laugum, kælikerfum, úr
grunnum borholum, eða borholum
sem „misheppnuðust“ þegar leitað
var að heitu vatni og fleira í þessum
dúr. Volgt vatn er mjög algeng
auðlind sem við eigum að nýta
betur,“ segir Karen.
Vindmyllupálmatré og
trefjabananar
Nú þegar styttist í lok námsins hjá
Karen í LbhÍ er hún farin að velta því
fyrir sér hvað taki við hjá sér. „Já, það
er spurning, eins og er er ég aðallega að
leggja áherslu á framhaldsrannsóknir
í „Aldin Biodome“ garðinum en
á þessu ári ætla ég að prófa til
dæmis að rækta vindmyllupálmatré
og trefjabananatré úti með hita.
Hver veit hvort það gengur, en
það verður gaman að fylgjast með
þeirri tilraun. Og á landinu mínu
ætla ég að reisa stórt gróðurhús til
að rækta sjaldgæfar plöntur, gera
tilraunir í skógrækt og ýmsa aðra
rannsóknarvinnu. Að lokum vil ég
segja þetta: „Grasafræðilega séð eru
plöntur geggjað töff.“ /MHH
Karen Rós Róbertsdóttir fyrir miðri mynd með viðurkenningarskjalið vegna
nýsköpunar verðlaunanna sem Guðni Th. Jóhannesson, forseti Íslands,
afhenti henni á Bessastöðum. Lengst til vinstri á myndinni er Hjördís
Sigurðardóttir, leiðbeinandi Karenar.
Íslenskur textíliðnaður hf (Ístex hf) er ullarvinnslufyrirtæki í meirihlutaeigu
bænda sem vinnur að því að skapa sem mest verðmæti úr íslenskri ull.
Fyrirtækið rekur ullarþvottarstöð á Blönduósi og spuna- og
bandverksmiðju í Mosfellsbæ.

Ullarinnleggjendum býðst að kaupa hlutabréf félagsins á genginu 8,5 í
gegnum ullarviðskipti á Bændatorgi frá 15. mars til 15 maí.

Hægt verður að skrá sig í gegnum Bændatorg (bondi.is).
Frekari upplýsingar er hægt að nálgast á Istex.is og í síma 566 6302.

Stjórn Ístex

Ullarinnleggjendur athugið
Karen hefur þurft að prófa sig áfram með ræktunina við alls konar aðstæður. Sumt heppnast vel en annað ekki,
eins og gengur og gerist.