Vísbending - 13.05.2021, Blaðsíða 27

Það er óumdeilt ef horft er 20 ár aftur í tímann þá hafa
orðið til mikil verðmæti í kringum nýsköpun. Sjö af 10
verðmætustu fyrirtækjum heims eru tæknifyrirtæki sem
hafa flest verið stofnuð um og eftir síðustu aldamót. Það
er líka staðreynd að þau þjóðfélög sem hlúa að nýsköp-
unarumhverfinu í gegnum menntakerfi, gott regluverk og
gott aðgengi að fjármagni eru framarlega þegar kemur að
hagvexti, atvinnusköpun og beinni erlendri fjárfestingu.
Undanfarin misseri hafa allir þessir þættir farið vaxandi
á Íslandi. Íslenskir vísi-
fjárfestar hafa vaxið
með umhverfinu og
hafa á heildina litið
verið að sýna góðan
árangur þegar kemur að
fjárfestingum, ávöxtun
og útgöngum.
Það er þekkt að fjár-
festing í nýjum fyrir-
tækjum er fjárfesting í
óvissu. Yfirleitt er það
óvissa tengd tækni-
þróun eða óvissu um
eftirspurn á nýjum
vörum eða mörk-
uðum. Frumkvöðlar
og vísisjóðir eru vanir
slíkri óvissu og eru með
ýmsa ferla til að stýra
tengdri áhættu. Þegar
heimsfaraldur skall á
fyrir rúmu ári var það
allt öðruvísi óvissa en
margir fjárfestar voru
vanir.
COVID &
SVARTIR SVANIR
Þann 5. mars 2020
sendi Sequoia, einn
stærsti og frægasti vísi-
sjóður heims, frá sér
minnisblað með fyrir-
sögninni „Corona-
virus :The Black
Swan of 2020“ sem
var nokkrum dögum
síðar birt á heimasíðu
Sequoia. Minnisblaðið stappaði stáli í þá frumkvöðla sem
ráku félög í eignasafni sjóðsins, sagði þeim að undirbúa
fyrirtækin sín fyrir tekjumissi og mögulegan takmarkaðan
aðgang að fjármagni. Þegar Sequoia, sem hefur í gegnum
áratugi fjárfest snemma í fyrirtækjum eins og Apple og
Stripe, boðar vátíðindi þá leggja allir frumkvöðlar og
fjárfestar við hlustir.
Reynslumiklir alþjóðlegir vísisjóðir héldu hvern
fundinn á fætur öðrum um hvernig nýsköpunarum-
hverfi heimsins ætti að takast á við COVID. Sumir
fjárfestar sáu fyrir sér að enginn myndi nokkurn tíma
fjárfesta í frumkvöðlum sem þeir hefðu aldrei hitt í
raunheimum, sér í lagi á mörkuðum sem þeir hefði
aldrei heimsótt. Þetta voru ekki endilega góðar fréttir
fyrir íslenska frumkvöðla sem hafa undanfarið verið
fjár magnaðir af blöndu af innlendum og erlendum
vísisjóðum.
SVARTI SVANURINN REYNIST RAUÐUR
Dr. Gordon Woo er sérfræðingur í hamförum og kallar
það rauða svani þegar búist er við einstökum „svarta
svans“-atburði sem raungerist ekki. Það má segja að
fyrir frumkvöðla og fjárfesta þá var svarti svanurinn sem
Sequoia spáði í raun rauður.
Þegar horft er í baksýnisspegilinn, nú rúmu ári eftir
upphaf heimsfaraldurs, þá var árið 2020 bara nokkuð gott
MYND 3 HEILDARUPPHÆÐ VÍSIFJÁRFESTINGA Í UPPLÝSINGATÆKNI Í ‘000 EVRA
Heimild: Crunchbase og Crowberry Capital
MYND 2 VÍSIFJÁRFESTINGAR Í MILLJÖRÐUM DOLLARA