Skessuhorn - 04.04.2022, Qupperneq 30

MIÐVIKUDAGUR 4. MAÍ 202230
Ég bý í Grundarfirði og uni þar
vel. Ég og maki minn fluttum hing­
að ásamt dóttur okkar árið 2013.
Við ætluðum að vera hér í eitt
skólaár þar sem ég hafði fengið
tímabundna ráðningu sem ensku­
kennari við Fjölbrautaskóla Snæ­
fellinga og 9 árum síðar þá erum
við hér enn.
Þar sem við héldum að við yrð­
um einungis tímabundið hér í
Grundarfirði þá vorum við ekkert
sérlega að velta fyrir okkur kostum
og göllum þess að búa hér frem­
ur en annars staðar. Okkur bauðst
að vera hér áfram og nú sjáum við
fram á að dóttir okkar ljúki ekki
bara grunnskólanum hér heldur
líklegast framhaldsskólanum líka.
Mér finnst magnað að hér geti
börn stundað samfellt nám frá leik­
skóla og þangað til háskóli tek­
ur við. Við erum með framsækinn
fjölbrautaskóla hér í bænum. Nám­
ið er verkefnamiðað leiðsagnar­
nám þar sem nemendur geta unnið
samkvæmt sveigjanlegu skipulagi
og námsumhverfið gerir nemend­
ur ábyrgari í eigin námi. Í FSN er
upplýsingatækni nýtt á fjölbreyttan
hátt og stafrænt nám er í fyrirrúmi.
Nemendur grunnskólans eru
almennt vel undirbúnir þegar þeir
hefja nám hjá mér í framhaldsskól­
anum og hvað okkur varðar þá líð­
ur dóttur okkar vel hér í grunnskól­
anum. Hennar þörfum er mætt og
allt bara ansi flott og gott – og mér
skilst að heilt yfir eigi það sama
við um flesta aðra. Stelpan nemur
allskyns við skólann og snillismiðja,
þar sem nemendur skapa og smíða
úr allskyns hrávið, þykir henni hvað
skemmtilegust ásamt upplýsinga­
tækni – en bæði sköpun og upplýs­
ingatæknimennt er mjög mikilvæg­
ur undirbúningur fyrir þátttöku í
stafrænni framtíð.
Í grunnskólanum höfum við
kraftmikla og góða kennara sem
sinna starfi sínu faglega og af heil­
indum þrátt fyrir að oft þurfi sök­
um fjármagns að sníða stakk eftir
vexti. Mig langar að sjá meira fjár­
magni veitt til grunnskólans okk­
ar. Því meira fjármagn sem sett er
í menntun barna því ríkara verð­
ur samfélagið sökum auðgi þeirra
sem byggja samfélag framtíðarinn­
ar – og eru flestir ekki að vona að
börnin í dag verði þau sem byggja
Grundarfjörð framtíðarinnar.
Mig langar að sjá stöðugildum
fjölgað til þess að minnka álag á
starfsfólk. Mig langar að skólinn
hafi fjármagn og færi á að upp­
færa tölvu­ og tækjabúnað. Mig
langar að sjá meira fjármagni veitt
í snillismiðjur, í tónlistarskól­
ann, í upplýsingatækni, í forritun­
arkennslu og nýsköpunarmennt.
Mig langar að skólinn hafi fjár­
magnið og starfskraftinn til þess að
koma Grunnskóla Grundarfjarðar
í fremstu röð þeirra skóla sem eru
að undirbúa nemendur fyrir virka
þátttöku í stafrænum heimi.
Loftur Árni Björgvinsson
Höfundur er í 3. sæti fyrir L-lista
Bæjarmálafélagsins Samstöðu
Pennagrein
Vangaveltur Grundfirðings
Pennagrein
Vegagerðin hefur nú tekið yfir
rekstur landsbyggðarvagna og ný
gjaldskrá tekið gildi. Samkvæmt
nýrri gjaldskrá hækkar samgöngu­
kortið mitt um 92% milli ára, sem
er fáránlega mikil hækkun. Ekki
er lengur hægt að kaupa kort fyr­
ir ákveðna leið heldur einungis fyr­
ir ákveðna landshluta, en áður var
ég með kort sem gilti milli Akra­
ness og höfuðborgarsvæðisins. En
nú á ég að borga það sama fyr­
ir samgöngukort og einstaklingur
sem býr t.d. í Staðarskála. Stakt far­
gjald er aftur á móti 4.900 krónur
frá Staðarskála til Reykjavíkur en
980 krónur frá Akranesi til Reykja­
víkur. Þetta nær náttúrulega ekki
nokkurri átt.
Ég veit ekki hverjum datt það
snjallræði í hug að láta þá sem búa í
nærumhverfi höfuðborgarsvæðisins
borga það sama fyrir samgöngu­
kort og þeir sem búa fjórum sinn­
um lengra í burtu. Svo því sé haldð
til haga þá eru önnur bæjarfélög að
koma mun betur út úr þessu þar
sem stakt fargjald er hærra hjá þeim
en hjá okkur Akurnesingum.
Fyrir okkur Akurnesinga sem
sækjum vinnu á höfuðborgarsvæð­
inu og höfum verið að nýta okkur
samgöngukortið þar sem það var
hagkvæmur kostur, þá er það ekki
eins hagstætt og það var saman­
ber þessi áður nefnda 92% hækk­
un. Kosturinn við samgöngukortið
var að maður fékk 12 mánuði á
verði 9. Þessi sömu mánuðir og nú
eru 92% dýrari. Þegar maður nú
reiknar með að nota ekki vagninn
þegar maður er í sumarfríi, veik­
indum og öðrum tyllidögum, og
maður tali ekki um þær ferðir sem
falla niður vegna veðurs, þá eru
þessir þrír auka mánuðir allt í einu
orðnir að ekki neinu, og þá ávinn­
ingurinn með þessu samgöngukorti
orðinn lítill sem enginn. Hvetur
frekar til að nota einkabílinn á milli
með auknu sliti á vegum og öðru
sem því fylgir.
Ég hef sent póst á Vegagerðina
þar sem ég lýsti vonbrigðum með
þessar breytingar en hef ekki feng­
ið nein viðbrögð þaðan. Ég er alla­
vega ekki að fara endurnýja mitt
kort alveg á næstunni að óbreyttu.
Kveðja,
Helgi Hauksson
Skagamenn drógu stutta stráið
Pennagrein
Fyrri umræða um ársreikning Akra­
neskaupstaðar fyrir árið 2021 hef­
ur farið fram í bæjarstjórn Akraness.
Seinni umræða um ársreikninginn fer
fram 10. maí næstkomandi.
Rekstrarafgangur samstæðunn­
ar var 578 milljónir króna eða 721
milljónum króna betri niðurstaða en
áætlanir gerðu ráð fyrir. Skuldavið­
mið heldur áfram að lækka og er nú
einungis 20% eða langt undir 150%
hámarki sem kveðið er á um í lögum.
Skuldir kaupstaðarins við lánastofn­
anir halda áfram að lækka og eru
einungis 919 milljónir króna og hafa
lækkað um 138 milljónir króna á milli
ára. Rekstur sveitarfélaga eru und­
ir virku eftirliti, ekki bara frá eftirlit­
stofnunum ríkisins heldur líka íbúum
og öðrum hagsmunaaðilum. Eftirlit
og eftirfylgni veitir þeim sem fara með
fjármál kaupstaðarins á hverjum tíma
nauðsynlegt aðhald. Því er áhugavert
að bera ársreikning Akraneskaupstað­
ar saman við ársreikninga nokkura af
þeim sveitarfélögum sem við berum
okkur oft saman við. Til samanburðar
er skuldaviðmið samstæðu Árborgar
138,5%, skuldaviðmið Reykjavíkur­
borgar fyrir A hluta 61% en skulda­
viðmið samstæðu Reykjavíkurborgar
án OR 93%, skuldaviðmið Garðabæj­
ar er svo 71% og í Mosfellsbæ er það
102%. Það er þvi óhætt að halda því
fram að staðan hér á Akranesi sé sterk
og á því byggjum við.
Heildartekjur Akraneskaupstaðar
voru rúmir 9,4 milljaðar og voru því
samtals rúmum 1,1 milljarði yfir áætl­
un ársins. Veltufé frá rekstri hjá sam­
stæðu var tæpt 17% af heildartekjum
eða rúmir 1,5 milljarðar og er það 910
milljónum betri niðurstaða en fjár­
hagsáætlun gerði ráð fyrir. Handbært
fé í árslok var tæpur 1,6 milljarður
og lækkaði um 239 milljónir á árinu
vegna mikillar innviðauppbyggingar
í samfélaginu og einnig hafði niður­
greiðsla skulda og skuldbindinga áhrif
en þær voru 596 milljónir á árinu.
Framlegðarhlutfall hækkaði veru­
lega á milli ára, veltufjárhlutfall er
enn mjög sterkt og skuldahlutfall fer
áfram lækkandi og er 73% í árslok
2021 en var 84% í árslok 2020. Eigin­
fjárhlutfall er í árslok 60% og hækk­
ar um 1%.
Niðurstaða ársreikningsins er veru­
lega ánægjuleg. Þessi afar góða niður­
staða er til komin vegna ábyrgrar
og traustrar fjámálastjórnar. Á árinu
2021 jukust skatttekjur Akraneskaup­
staðar um 516 milljónir frá fyrra ári,
framlög Jöfnunarsjóðs hækkuðu um
296 milljónir frá fyrra ári og aðrar
tekjur jukust um 460 milljónir á milli
ára.
Rekstur málaflokka var í takti við
fjárhagsáætlun. Heildareignir í lok árs
námu samtals rúmum 15 milljörðum
króna og hækkuðu um 706 milljón­
ir króna milli ára. Heildarskuldir og
skuldbindingar námu samtals rúm­
um 6,5 milljörðum króna og hækk­
uðu um 68 milljónir króna á milli ára.
Langtímaskuldir lækkuðu um 138
milljónir króna, lífeyrisskuldbinding
hækkaði um 141 milljón króna vegna
áhrifa hækkunar lífaldurs á lífeyris­
réttindi og skammtímaskuldir hækk­
uðu um 66 milljónir króna. Rekstr­
arafgangur ársins var jákvæður um
507 milljónir króna fyrir A hluta og
jákvæður um 71 milljón króna fyrir
B hluta. Sérstaklega ánægjulegt er að
sjá mikinn viðsnúning í rekstri Höfða
hjúkrunar­ og dvalarheimilis á árinu
2021. Rekstrarniðurstaða Höfða var
jákvæð um rúmar 65 milljónir króna
á meðan áætlun ársins gerði ráð fyr­
ir rúmlega 14 milljón króna neikvæðri
niðurstöðu.
Ábyrg fjármálastjórn skapar svig­
rúm til þess að lækka álögur en á sama
tíma bæta þjónustu. Á þessu kjör­
tímabili hefur álagsprósenta á íbúð­
ar­ og atvinnuhúsnæði verið lækkuð
töluvert og þegar borin eru saman
sveitarfélögin á SV horni landsins
kemur kaupstaðurinn mjög vel út. Sú
rekstrarniðurstaða sem nú hefur ver­
ið kynnt gefur okkur tækifæri til að
halda áfram á sömu braut. Að hafa
burði til þess að lækka álögur á íbúa
og fyrirtæki á sama tíma og fram fer
gríðarlega öflug innviðauppbygging
endurspeglar sterka stöðu bæjarfé­
lagsins.
Samfélag í sókn
Á síðasta ári voru fjárfestingar hjá
Akraneskaupstað rúmur milljarður
króna og óhætt er að segja að mik­
ið uppbyggingarskeið sé hafið inn­
an samfélagsins. Meðal helstu fram­
kvæmda á árinu 2021 voru að 221
milljón króna var sett í
nýja þjónustumiðstöð við
Dalbraut en þar er starf­
semi Feban til húsa og
sem stendur bæjarskrif­
stofur Akraneskaupstað­
ar. Rúmar 200 milljónir
voru settar í uppbyggingu
á nýjum leikskóla í
Skógarhverfi. Þegar sú
glæsilega bygging verð­
ur tilbúin munu vinnu­
aðstæður starfsmanna og
nemenda í leikskólum bæjarins batna
verulega en einnig mun aukið svig­
rúm verða til að lækka inntökuald­
ur barna í leikskóla bæjarins. Fjár­
magn að upphæð 116 milljónir fór í
breytingar á Grundaskóla, m.a. vegna
loftgæðamála. Auk þessa var fjármagn
sett í endurbætur á götum bæjarins, í
nýframkvæmdir í gatnagerð og gang­
stíga, í uppbyggingu íþróttamann­
virkja og í Reiðhöll Dreyra svo fátt
eitt sé nefnt.
Í fjárfestinga­ og framkvæmda­
áætlun fyrir núverandi ár var sam­
þykkt að ráðast í umfangsmiklar fjár­
festingar upp á rúmlega 2,1 milljarð
króna. Stærstu fjárfestingarverkefn­
in á þessu ári eru uppbygging sam­
félagsmiðstöðvar að Dalbraut, upp­
bygging íþróttamannvirkja á Jaðars­
bökkum, endurbætur á skólahús­
næði og bygging nýs leikskóla í
Skógarhverfi. Jafnframt er gert ráð
fyrir að byggja nýjan þjónustukjarna
fyrir fatlaða, byggja nýtt áhaldahús og
auk þessa sem úthlutað verður lóðum
í Skógarhverfi 3C og 5 og unnið að
verulegum framkvæmdum í gatna­
gerð í Skógarhverfi og Flóahverfi.
Ásamt þessu verður áfram unnið að
mikilvægu viðhaldi eldri gatna.
Af þessari miklu innviðaupp­
byggingu má sjá að Akranes er sam­
félag í sókn. Unnið er eftir skýrri
framtíðarsýn með það að markmiði
að gera góðan bæ að enn betri bæ.
Höldum áfram metnaðarfullu upp­
byggingarstarfi á traustum grunni.
Við erum hvergi nærri hætt.
Að setja X við B er að setja X við
enn betri stað til að búa á.
Elsa Lára Arnardóttir, formaður bæj-
arráðs á kjörtímabilinu 2018 – 2022
og núverandi oddviti Framsóknar og
frjálsra og skipar 7. sæti á lista í kom-
andi sveitarstjórnarkosningum.
Ragnar Sæmundsson, formaður
skipulags- og umhverfisráðs á kjör-
tímabilinu 2018 – 2022 og skipar 1.
sæti á lista Framsóknar og frjálsra í
komandi sveitastjórnarkosningum.
Við erum á réttri leið – Höldum áfram