Morgunblaðið - 16.04.2022, Blaðsíða 8

8 FRÉTTIR
Innlent
MORGUNBLAÐIÐ LAUGARDAGUR 16. APRÍL 2022
Reykvíkingum gæti fyrirgefist
að gleyma því að kosningar
séu framundan. Engin pólitísk átök
eru í borginni á milli meirihluta og
minnihluta og hirðuleysið ræður
sem fyrr ríkjum eins
og sést vel á óhrein-
um bílum borgar-
búa. Í þeim efnum
njóta borgarbúar
stefnu
borgarstjórnar-
meirihlutans um
lágmarksþrif gatna,
sem í bland við
stefnuna um lágmarksgrasslátt í
borgarlandinu hefur markað borg-
inni athyglisverða sérstöðu hér á
landi og þótt víðar væri leitað.
- - -
Ef grannt er gáð glittir þó í að
einungis mánuður er í kosn-
ingar. Þannig hefur borgarstjóri nú
greint frá því að hann íhugi þann
möguleika að borgin hætti við að
skerða þjónustu strætó í borginni,
en sú skerðing tók gildi í byrjun
mánaðarins.
- - -
Borgarstjóri segir að nú sé verið
að vinna mat á kostnaði við að
auka þjónustuna á ný og þá jafnvel
aðeins innan borgarmarkanna,
enda mikið í húfi fyrir Samfylk-
inguna að halda meirihlutanum í
borginni, hvort sem hann fellur
eins og síðast eða ekki.
- - -
Strætó hefur ítrekað skert þjón-
ustu sína í gegnum árin en það
hefur ekki verið gert svo skömmu
fyrir kosningar þannig að borgar-
stjóri hefur aldrei áður þurft að
íhuga það að ráðast í einhliða bæt-
ur á þjónustunni.
- - -
Nái Dagur að púsla saman
meirihluta á nýjan leik má án
efa treysta því að Strætó geri ekki
aftur þau klaufalegu mistök að
kynna skerðingar svo skömmu fyr-
ir kosningar.
Dagur B.
Eggertsson
Klaufaleg
kosningaskerðing
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Íbúar á Akranesi brugðust vel við
ákalli sem barst frá bæjarskrifstof-
unni í vikunni, þar sem óskað var
eftir aðstoð sjálfboðaliða við að
standsetja íbúðir í bænum fyrir
flóttafólk frá Úkraínu.
Hafist var handa á þriðjudeginum
og hamagangurinn var slíkur að
strax voru þrjár íbúðir af átta orðn-
ar tilbúnar samdægurs. Verkið var
svo að mestu klárað daginn eftir.
Fyrirhugað er að fyrstu fjölskyld-
urnar komi til Akraness eftir páska.
Andrea Marta Vigfúsdóttir, félags-
ráðgjafi á velferðar- og mannrétt-
indasviði Akraneskaupstaðar, hefur
haft veg og vanda af verkefninu og
tók meðfylgjandi mynd.
Flóttafólk frá Úkraínu hefur
streymt til landsins síðustu vikurnar
og alls tæplega 750 manns komið.
Hafa fjölmörg sveitarfélög boðist til
að taka á móti fólkinu og veita því
húsaskjól.
Undirbúa komu flótta-
manna á Skagann
Ljósmynd/Andrea Marta
Akranes Skagamenn flytja inn dýnur og fleira í eina íbúðina.
Baðinnréttingar
Fríform ehf.
Askalind 3,
201 Kópavogur.
562–1500
Friform.is.
2
0
0
0
—
2
0
2
0
Tímabundin opnunartími
vegna Covid–19
Mán. – Föst. 10–17
Laugardaga 11–15
Teitur Lárusson fyrr-
verandi starfs-
mannastjóri Slátur-
félags Suðurlands og
Kaupáss og síðar sér-
fræðingur á kjarasviði
VR, er látinn, 73 ára að
aldri.
Teitur fæddist í
Reykjavík þann 6. júní
1948 og foreldrar hans
voru þau Anna Sigríður
Teitsdóttir og Lárus
Bjarnason.
Teitur lauk verslun-
arprófi frá Verzlunar-
skóla Íslands og hóf
stuttu síðar að starfa fyrir Slátur-
félag Suðurlands. Fljótlega fékk
hann stöðu starfsmannastjóra og
gegndi þeirri stöðu í sautján ár hjá
fyrirtækinu en þá ákvað hann að
stofna Teitur Lárusson starfs-
mannaþjónustu árið 1988 og rak
hana í rúman áratug.
Árið 1999 hóf hann störf hjá
Kaupási og var þar starfsmanna-
stjóri til ársins 2004. Frá þeim tíma
og til 72ja ára aldurs starfaði hann
sem sérfræðingur í kjaramálum á
kjarasviði VR.
Teitur sinnti störf-
um fyrir Starfsgreina-
sambandið, hann var
formaður Starfs-
menntasjóðs versl-
unar- og skrifstofu-
fólks til nokkurra ára.
Hann bjó til og þróaði
diplómanámið Versl-
unarstjórnun, sem
kennt var við Háskól-
ann á Bifröst en það
hefur nú þróast í fullt
nám til BS-gráðu og er
enn kennt við Háskól-
ann á Bifröst.
Teitur var meðlimur
í JC Iceland og var hann einn að
stofnendum JC Borgar og sinnti
hann þar m.a. starfi forseta um tíma
Hann hlaut æðstu viðurkenningu
innan JC-hreyfingarinnar, Ás-
mundarskjöldinn, fyrir störf sín.
Teitur var einnig virkur meðlimur í
Lionsklúbbi Seltjarnarness.
Eftirlifandi eiginkona Teits er
Elín Kristjánsdóttir og börn hans
eru þrjú, þau Sigurður Hinrik Teits-
son, Unnur Teits Halldórsdóttir og
Anna Teitsdóttir. Barnabörn hans
eru sjö og eitt barnabarnabarn.
Andlát
Teitur Lárusson
Mán. – Föst. 10–17