Morgunblaðið - 16.04.2022, Blaðsíða 14

14 FRÉTTIR
Innlent
MORGUNBLAÐIÐ LAUGARDAGUR 16. APRÍL 2022
Vefverslun:www.donna.is
Erum nú á Facebook: donna ehf
S. 555 3100 · donna.is
Honeywell
gæða lofthreinsitæki
Verð kr.
39.420
Hreinna loft
- betri heilsa
Sigtryggur Sigtryggsson
sisi@mbl.is
Til stendur að rífa þriggja hæða
steinhús sem stendur á lóðinni Lind-
argötu 44. Húsið er mitt á milli stúd-
entagarða, sem eru í eigu Fé-
lagsstofnunar stúdenta (FS).
Stofnunin sótti um leyfi til borg-
arinnar að byggja á lóðinni stúd-
entagarð með 10 einstaklingsíbúð-
um, þrjár hæðir með kjallara undir
hluta. Skipulagsfulltrúi Reykjavíkur
tók neikvætt í erindið því endur-
skoða þurfi fyrirhugaða klæðningu á
húsinu.
Nýbygging á þremur hæðum
Í umsögn verkefnisstjóra skipu-
lagsfulltrúa kemur fram að sam-
kvæmt nýsamþykktu deiliskipulagi
fyrir reitinn sé heimilt að rífa núver-
andi hús við Lindargötu 44 ásamt
skúr á baklóð.
Í stað þess er heimilt að byggja
byggingu á þremur hæðum þar sem
gert er ráð fyrir íbúðakjarna sem
verður hluti af stúdentagörðum FS á
reitnum. Gert er ráð fyrir 10 ein-
staklingsíbúðum á efri hæðum en á
jarðhæð verður sameiginlegur sam-
komusalur íbúa hússins með góðri
tengingu við sameiginlegt útisvæði
íbúa við reitinn.
„Reiturinn í heild sinni líður að
mörgu leyti fyrir hve þunga ásýnd
núverandi stúdentagarðar hafa. Því
var það eitt af markmiðum fyrr-
greindrar deiliskipulagsbreytingar
að nýbyggingar innan reitsins
myndu mýkja og létta yfirbragð
reitsins. Kemur það skýrt fram í
skilmálum fyrir nýbygginguna við
Lindargötu 44. Er þar kveðið á um
að ytra útlit hússins skuli end-
urspegla mýkt í efnisvali sem and-
stæðu við aðliggjandi hús,“ segir
verkefnisstjórinn í umsögninni.
Segir hann enn fremur að þegar
skýringarmyndir með deiliskipulag-
inu séu skoðaðar sé ekki annað að
sjá en að þar sé gert ráð fyrir að
timburklæða húsið og aðal-
uppdrættir af útliti hússins virðist
gera það sama. Útlitsteikningar af
húsinu sýni húsið í ljósbrúnum lit og
með lárétta klæðningu. Í byggingar-
lýsingu komi þó fram að gert sé ráð
fyrir láréttri málmklæðningu á loft-
aðri grind. Það sé ekki í samræmi
við skilmála um mýkt í efnisvali sem
á að vera andstæða við aðliggjandi
hús. „Endurskoða þarf áætlað
klæðningarefni og skýra með betri
hætti í byggingarlýsingu hvernig
ofangreindum skilmálum er fylgt
eftir,“ segir í umsögn verkefnisstjór-
ans.
Félagstofnun stúdenta á nokkur
hús í Skuggahverfinu og nefnist þau
einu nafni Skuggagarðar. Fyrsta
húsið á Skuggagörðum var tekið í
notkun árið 2006. Haustið 2009
bættist Lindargata 44 við hverfið,
þriggja hæða hús með fjórum leigu-
einingum og í dag eru á Skugga-
görðum 102 íbúðir fyrir stúdenta, að
því er fram kemur á heimasíðu Fé-
lagsstofnunar.
Íbúðarhús víkur fyrir stúdentagarði
- Ytra útlit nýja hússins skal endurspegla mýkt í efnisvali sem verði andstæða við aðliggjandi hús
Morgunblaðið/sisi
Mun hverfa Núverandi hús verður rifið til að rýma fyrir stúdentagarði.
Komi í staðinn Útlitsteikning af nýbyggingunni sem komi á Lindargötu 44.
Sigtryggur Sigtryggsson
sisi@mbl.is
Framkvæmdir eru hafnar að nýju
við endurgerð Tryggvagötu í mið-
borg Reykjavíkur. Um er að ræða
þriðja og síðasta verkáfangann í
endurgerð götunnar allt frá Kalk-
ofnsvegi.
Lagnir verða endurnýjaðar og
skipt um jarðveg. Gangstéttir verða
endurnýjaðar og lagt nýtt malbik.
Snjóbræðslukerfi verður komið fyrir
í gangstéttum, sem mun koma sér
vel fyrir gangandi fólk að vetri til.
Framkvæmdasvæðið takmarkast
við Grófina sem heild, við gatnamót
Vesturgötu og Tryggvagötu. Með
því verður Tryggvagata tímabundið
að botngötu bæði með aðkomu frá
Geirsgötu og frá Kalkofnsvegi.
Verkið er unnið í samvinnu við Veit-
ur. Áætlað er að verkinu ljúki um
miðjan júlí og verður umferð bíla þá
heimiluð að nýju um Tryggvagötu.
Verktaki er Bjössi ehf.
Undanfarin ár hefur verið unnið
að því að fegra Tryggvagötuna.
Fyrst var gatan endurgerð frá
Lækjargötu að Bæjartorgi. Torgið
sjálft, þar sem hinn sögufrægi pylsu-
vagn Bæjarins bestu stendur, var
einnig endurgert. Við þessar fram-
kvæmdir kom hin fræga Stein-
bryggja í ljós og var ákveðið að hafa
hluta hennar sýnilegan í framtíðinni.
Sumarið 2020 hófu Reykjavíkur-
borg og veitur framkvæmdir við
næsta áfanga við Tryggvagötu, frá
Bæjartorgi að Grófinni. Þessum
áfanga lauk í fyrra. Lagnir voru end-
urnýjaðar auk þess sem gatan fékk
nýtt yfirborð. Margar lagnir voru
komnar til ára sinna. Skólplögnin og
kaldavatnslögnin voru frá árinu 1925
og höfðu því þjónað íbúum og fyr-
irtækjum í miðbænum í tæpa öld.
Bílastæði sunnan við Tollhúsið
voru aflögð og í þeirra stað var útbú-
ið svæði/torg ætlað almenningi.
„Þarna er veggur sem snýr í suð-
ur og nýtur sólar,“ segir Áslaug
Traustadóttir, landslagsarkitekt hjá
Landmótun, í tilkynningu á vef
Reykjavíkurborgar, en hún hafði
umsjón með hönnun torgsins.
Áslaug líkir aðstæðunum við
Austurvöll þar sem gjarnan er setið
úti á veitingastöðum í sól og skjóli
fyrir norðanáttinni.
Morgunblaðið/sisi
Í Grófinni Starfsmenn Bjössa ehf. hafa unnið að því að grafa upp svæðið og undirbúa jarðvegsskipti og nýjar lagnir.
Endurbætur á Tryggvagötu
- Endurnýja lagnir og yfirborð götu við Grófina í sumar
Stjórn Félags prófessora við ríkis-
háskóla lýsir þungum áhyggjum af
því hversu illa hafi tekist að fjár-
magna og styðja rannsóknir í klínísk-
um vísindum á Landspítala á undan-
förnum árum. Við sameiningu
Sjúkrahúss Reykjavíkur og Land-
spítala hafi verið mikil áhersla lögð á
það af stjórnvöldum að stofnun Land-
spítala – háskólasjúkrahúss myndi í
samræmi við nafngiftina efla hlut vís-
inda í starfseminni.
„Í nýrri skýrslu McKinsey um
framtíðarþróun þjónustu Landspítala
er meðal annars að finna upplýsingar
um hvernig staðið hefur verið að fjár-
mögnun og stuðningi við vísindarann-
sóknir í heilbrigðisvísindum, en þær
eru eitt af lögformlegum hlutverkum
Landspítalans. Skýrslan staðfestir
því miður vanfjármögnun og van-
rækslu á þessu hlutverki til fjölda ára,
án þess að brugðist hafi verið við. Af-
leiðingarnar eru víðtækar, m.a. glötuð
tækifæri til nýsköpunar og bættrar
þjónustu við sjúklinga, ásamt erfið-
leikum við að laða vel menntað fagfólk
til starfa og halda því í starfi,“ segir
m.a. í ályktun félagsins.
Stjórnin skorar á heilbrigðisráð-
herra og ráðherra vísinda, iðnaðar og
nýsköpunar að bregðast þegar við
ábendingum eigin ráðgjafa um þetta
þetta mál, með því að efla stuðning við
vísindahlutverk spítalans og tryggja
að þessi þáttur starfseminnar sé fjár-
magnaður sérstaklega á sambæri-
legan hátt og á háskólasjúkrahúsum
nágrannalanda.
Þungar áhyggjur
af vísindastarfinu
Morgunblaðið/Sigurður Bogi