Morgunblaðið - 16.04.2022, Side 45

MENNING 45
MORGUNBLAÐIÐ LAUGARDAGUR 16. APRÍL 2022
Kristín Heiða Kristinsdóttir
khk@mbl.is
„Mér líður ótrúlega vel og ég er búin
að hitta fullt af yndislegu fólki í
gegnum þetta ferli. Ég held að ég sé
varla búin að ná utan um þetta allt,
það er svo rosalega mikið að gerast
núna hjá mér, margar gáttir að opn-
ast,“ segir Kolbrún Óskarsdóttir
sem gengur undir listamannsnafn-
inu KUSK, en hún sigraði í Músík-
tilraunum á dögunum, fyrst allra
sigurvegara frá upphafi keppninnar
sem flytur tónlist ein síns liðs. Tón-
list Kolbrúnar er létt og grípandi í
bland við dramatískari hljómagang.
Hún vinnur hana að mestu í tölvu,
flytur eigin píanó- og gítarleik inn í
tölvuna og breytir og bætir þar og
syngur með sinni fögru rödd.
„Núna eru kaflaskil í lífi mínu og
ég get einbeitt mér að tónlistinni,
eins og mig langaði alltaf að gera.
Þegar ég tók þátt í Músíktilraunum
núna langaði mig fyrst og fremst að
prófa að koma fram ein með mína
eigin tónlist, en ég er ótrúlega þakk-
lát fyrir að hafa fengið þetta tæki-
færi og sé að fara að spila á alls kyns
viðburðum bæði hér heima og í út-
löndum. Ég fer um helgina til Ísa-
fjarðar á Aldrei fór ég suður, sem ég
er rosa spennt fyrir, enda hef ég
aldrei farið á Aldrei, hvað þá komið
fram á hátíðinni. Ég fer til Hollands
í sumar þar sem ég mun spila á tón-
listarhátíð og ég verð að spila í garð-
inum hjá Láru á Þingeyri í sumar.
Ég á fullt af tónlist í pokahorninu
sem ég er að vinna í og ég ætla að
nýta tímann núna til að klára allt
sem mig langar til að gera varðandi
tónlistina. Ég stefni á að klára plötu
og vonandi gefa hana út í sumar,
sem ég vinn með vinum mínum
Snorra Beck og Hrannari Mána
Ólafssyni. Svo vonast ég til að geta
verið eins mikið og ég get á tónleik-
um, hvort sem ég er að koma fram
eða bara njóta.“
Dýrmæt skilaboð frá Nönnu
Kolbrún segist vera að mestu
sjálflærð í tónlistinni.
„Ég var í Gospelkór Jóns Vídalíns
og ég lærði á gítar þegar ég var ell-
efu ára og bjó í Svíþjóð. Þegar ég
kom til Íslands og fór í framhalds-
skóla þá kom covid og í heimaver-
unni fór ég að skoða tölvuforritið
Garageband og fikraði mig áfram við
að búa til tónlist þar. Þannig byrjaði
boltinn að rúlla. Ég hef lært mikið af
því að vera í kringum Hrannar og
Snorra og ég er núna á prodúser-
inga-námskeiði hjá Tónhyl,“ segir
Kolbrún sem keppti einnig í Músík-
tilraunum í fyrra, en þá sem söng-
kona í Hljómsveitinni Keikó. „Ég
kom inn í þá hljómsveit rétt fyrir
keppnina, en þetta kom þannig til að
þegar ég var búin að semja lag fyrir
lagasmíðakeppni Versló bað ég
strákana, sem þá voru í annarri
hljómsveit, að spila undir með mér
og þeir gerðu það með glöðu geði.
Eftir það buðu þeir mér að vera
söngkona hjá þeim sem hljómsveitin
Keikó í Músíktilraunum, og ég gerði
það líka með glöðu geði. Ef ég hefði
ekki farið með Keikó í Músík-
tilraunir í fyrra, þá hefði ég senni-
lega ekki farið ein núna, því ég
þekkti fyrirkomulag keppninnar. Að
taka þátt í þessari keppni hefur ver-
ið mjög gott fyrsta skref hjá mörg-
um hljómsveitum sem eru orðnar
frægar, til dæmis Of Monsters and
Men, en þau unnu Músíktilraunir á
sínum tíma, sem var upphaf þeirra
glæsta ferils. Ég fékk einmitt skila-
boð frá Nönnu söngkonu þeirra um
daginn þar sem hún óskaði mér til
hamingju og sagðist hlakka til að
fylgjast með mér, sem er dýrmætt
fyrir mig.“
Finnst gaman að gefa af sér
Kolbrún er á lokaári sínu á lista-
braut í Versló og útskrifast þaðan í
vor.
„Ég fór á þessa braut aðallega út
af leiklistinni en líka vegna félags-
lífsins. Ég var ákveðin í að verða
leikkona og ætlaði í leiklist í Lista-
háskólanum, en núna á tónlistin hug
minn allan. Kannski verð ég líka
leikkona, hver veit,“ segir Kolbrún,
sem er fædd um miðjan ágúst og er
því í ljónsmerkinu, en sagt er að ljón
njóti þess að standa fremst á sviði og
láta ljósið á sig skína.
„Ég get alveg tekið undir að ég
njóti þess. Mér finnst gaman að gefa
af mér ofan af sviði og sjá bros og fá
viðbrögð, finna að ég sé að gera góða
hluti,“ segir ljónakonan unga sem
nýtur þess líka að vera úti í náttúr-
unni, enda bera textar hennar þess
vitni, þar koma fyrir myndlíkingar
sem vísa til himins, hafs og blóma,
svo dæmi séu tekin.
„Ég er alltaf með bók á mér þar
sem ég skrái hjá mér setningar sem
verða til við hverja þá stemningu
sem ég skynja í umhverfinu. Ég er
sjaldan að segja sögur í mínum text-
um en ég er stundum að lýsa að-
stæðum eða taka inn það sem er í
kringum mig. Þess vegna geta lögin
mín verið um hvað sem er. Ég byrja
alltaf á að semja lögin, svo fer ég að
humma með og finn mismunandi
leiðir til að koma textanum á fram-
færi. Í laginu Lúpínum samdi ég til
dæmis laglínuna þar sem ég sat á
gólfinu heima við tölvuna, nýkomin
úr útilegu þar sem ég hafði setið í
hafi af lúpínum. Síðan bætti ég
undirspili við laglínuna en komst að
því að það var ekki hægt að spila lag-
ið í lifandi flutningi, af því ég samdi
það óvart milli tveggja tóna. Ég
reyndi að pikka þetta upp á gítar til
að spila á úrslitunum, en það var
ekki hægt, svo ég raddaði það, sem
kom bara vel út,“ segir Kolbrún og
bætir við að í söngnum prófi hún
eins mikið og hún geti, reyni að fara
út fyrir þægindaramma með röddina
sína.
„Ég leita til dæmis oft í að syngja
á háum nótum.“
Pabbi var í Segulbandinu
Fatastíll Kolbrúnar er sérlega lát-
laus, klassískur en svalur.
„Ég kaupi nánast einvörðungu föt
og skó á nytjamörkuðum, sem af-
markar stílinn minn, ég fer bara í
það sem ég finn. Mér finnst
skemmtilegt að prófa mig áfram og
blanda saman munstrum, til dæmis
var ég í langerma tíglabol á úrslit-
unum og í röndóttu vesti yfir. Skyrt-
una hafði ég opna og hangandi niður
af öxlunum, af því mér finnst svo
þægilegt að hafa þannig flaksandi
vængi, það magnar upp tónlistina
þegar ég hreyfi mig,“ segir Kolbrún
og bætir við að hún hafi í nýlegu
Kastljósviðtali skartað peysu sem
pabbi hennar, Óskar Örn Óskarsson,
gaf henni, en á peysunni stendur
stórum stöfum Segulbandið.
„Þetta er hljómsveitarpeysa frá
pabba, en hann var í hljómsveitinni
Segulbandinu þegar hann var á mín-
um aldrei og bjó á Sauðárkróki.
Hann langaði alltaf að taka þátt í
Músíktilraunum og var því ofur-
spenntur þegar ég tók þátt í keppn-
inni, bæði í fyrra og núna. Pabbi hef-
ur kennt mér mestmegnis það sem
ég kann á gítar og bæði hann og
mamma eru alltaf til staðar fyrir
mig. Þau eru mjög styðjandi í því
sem ég tek mér fyrir hendur og ég
er þakklát fyrir það. Þegar ég tók
þátt í Músíktilraunum í fyrra sáu
þau hlið á mér sem þau höfðu ekki
áður séð. Þeim finnst gaman að
fylgjast með mér þróast í sjálfstæða
manneskju á eigin forsendum.“
Margar gáttir opnast núna
- Var ákveðin í að verða leikkona en nú á tónlistin hug hennar allan - Kolbrún Óskarsdóttir, eða
KUSK, sigraði í Músíktilraunum og hlakkar til að spila á viðburðum bæði hér heima og í útlöndum
Morgunblaðið/Eggert
Kolbrún „Ég kaupi nánast einvörðungu föt og skó á nytjamörkuðum, ég fer bara í það sem ég finn.“
Músíktilraunir/Árni Torfason
Úrslit Kolbrún, eða KUSK, með vængi á sviðinu í Músíktilraunum 2022.
Myndlistarsjóður hefur úthlutað 47
milljónum króna í styrki til 85 verk-
efna í fyrri úthlutun sjóðsins á þessu
ári. Sjóðnum bárust 198 umsóknir
og sótt var styrki vegna afar fjöl-
breytilegra verkefna og sýninga fyr-
ir rúmlega 221 milljón.
Á vef Myndlistarsjóðs kemur
fram að styrkir til sýningarverkefna
eru 57 talsins og rúmlega 29 millj-
ónir kr. Þar að auki veitir mynd-
listarráð níu undirbúningsstyrki,
samtals rúmlega 5,6 milljónir kr., og
í flokki útgáfu-, rannsókna- og ann-
arra styrkja eru 19 verkefni styrkt
fyrir samtals 12,2 milljónir kr.
Pussy Riot í Kling & Bang
Meðal helstu styrkveitinga að
þessu sinni má nefna að Verk-
smiðjan á Hjalteyri hlýtur hæsta
styrkinn eða 2,5 milljónir fyrir sýn-
ingardagskrá Verksmiðjunnar.
Kling & Bang hlýtur 1,5 milljón kr.
fyrir sýningardagskrá. Kling &
Bang sem er listamannarekið rými,
staðsett í Marshall-húsinu. Það hef-
ur verið starfrækt í 19 ár og hlýtur
auk þess í flokki undirbúnings-
styrkja eina milljón fyrir sýning-
arverkefnið Pussy Riot. Tíu ár eru
liðin síðan Pussy Riot flutti Pönk-
bæn sína í kirkju í Moskvu og er
sýningunni ætlað að vera fyrsta
heildstæða sýningin um feril þeirra.
Rúrí hlýtur eina milljón kr. í styrk
fyrir undirbúning á einkasýningu
sinni í Museu Internacional de Es-
cultura Contemporánea í Portúgal
sem opnar í janúar 2023.
Tumi Magnússon hlýtur einnig
eina milljón í styrk, fyrir útgáfu bók-
ar um myndlist hans frá árunum
2012-2022, en bókin verður gefin út
af Space Petry-forlaginu í Danmörk.
Aðalheiður S. Eysteinsdóttir sem
hefur miðlað menningu og listum í
Alþýðuhúsinu á Siglufirði í 10 ár
hlýtur eina milljón kr. fyrir listahá-
tíð sem ber yfirskriftina „Frjó af-
mælishátíð“ og fer fram í sumar.
Mikill fjölbreytileiki
Afar fjölbreytt verkefni er sögð
hafa hlotið styrki á bilinu 300 til 900
þúsund kr. Hulda Rós Guðnadóttir
hlýtur til að mynda styrk til
vinnustofudvalar við ISCP í New
York, Ragnheiður Gestsdóttir fyrir
vinnustofudvöl hjá European Cera-
mic Work Center og Anna Júlía
Friðbjörnsdóttir fyrir rannsóknar-
verkefni í Künstlerhaus Bethanien í
Berlín. Nýlistasafnið hlýtur styrk
fyrir sýningu sem tekur fyrir hin-
segin myndlist og hinseginleika í
listsköpun og söfnun. Sýningar- og
rannsóknarverkefni af þessu tagi
hefur ekki átt sér stað á íslensku
safni eða sýningarstað áður.
Alþjóðlega listahátíðin Ferskir
vindar verður nú haldin í sjöunda
sinn og er styrkt, og listamanna-
rekna rýmið OPEN hlaut styrk fyrir
tveimur sýningum og röð ólíkra við-
burða með fjölbreyttum hóp ís-
lenskra og erlendra listamanna. Þá
hlaut jöldi listamanna verkefna-
styrki fyrir einka- og samsýningum,
á Íslandi og erlendis. Nálgast má
lista yfir úthlutanir og nánari upp-
lýsingar á myndlistarsjodur.is
Hlutverk myndlistarsjóðs er að
efla íslenska myndlist með fjárhags-
legum stuðningi og stuðla þannig að
framgangi listsköpunar, kynningu
og aukinni þekkingu á íslenskri
myndlist. Myndlistarsjóður heyrir
undir myndlistarráð en það skipa
Helgi Þorgils Friðjónsson formaður,
Dagný Heiðdal, Margrét Elísabet
Ólafsdóttir, Guðrún Erla Geirsdóttir
og Hlynur Helgason.
Verksmiðjan fékk hæsta styrkinn
- Myndlistarsjóður úthlutaði 47 millj-
ónum til 85 fjölbreytilegra verkefna
Aðalheiður S.
Eysteinsdóttir
Verksmiðjan á
Hjalteyri
Tumi
Magnússon
Hulda Rós
Guðnadóttir