Sjómannablaðið Víkingur - 01.01.2012, Síða 33

Sjómannablaðið Víkingur – 33
en sló þá til með þeim á Júlí og hætti
svo við. En hefði ég byrjað á Júlí þarna,
hefði ég líklegast verið eitthvað áfram á
honum, fór ekki mikið, einn túr á skip.
Viku seinna réði ég mig á Skúla Magnús-
son og var á honum næst, hélt, að það
yrði Nýfundnaland, en þegar við vorum
komnir út á Flóann, kom skeyti og sagt,
fiskið fyrir England. Var nú staddur úti í
Bremerhaven, þegar fréttin kom um Júlí,
og stelpurnar sýndu okkur eintak af
Morgunblaðinu, sem einhverjir höfðu
skilið eftir. Ég var í söluferð í Þýzkalandi
í febrúar 1959. Stelpurnar á veitinga-
staðnum komu með Moggann til okkar,
vissu, að við vorum íslenzkir, og þarna
voru fréttirnar um Júlí. Einhverjir höfðu
skilið blaðið eftir hjá þeim. Þær þekktu
þá. Júlí hafði oft selt þarna. Þeir voru
að fiska fram á síðustu stundu, fullt
dekkið af karfa, lúgurnar voru opnar,
þegar óveðrið skall á, allt óklárt. Þarf
ekki nema smágusu af sjó niður í lest, þá
fer allt af stað og þeir yfirum; farið niður,
strax um kvöldið 7. febrúar.
Dáni kveikur. Hálfdán hét hann. Hann
var á stýrisvakt á Aski í þessu veðri
þarna á Nýfundnalandi og sá úr brúnni
ljós framundan í myrkrinu. Beygði sig
svo niður til að kveikja í sigarettu. Þegar
hann leit upp aftur, var ljósið farið.
Þarna var Júlí að fara niður. Hann var
viss um, að þetta hafi verið ljós á Júlí.
Dáni þekkti Andrés önd. Dáni er látinn
fyrir nokkrum árum, en þeir voru að tala
um þetta nýlega, félagarnir. Einnig hef ég
heyrt, að Hvalfellið hafi fengið lofttúðu í
trollið, sem þeir töldu vera af Júlí. Ekki
veit ég meira um það.
- Framhald.
Um borð í Fylki. Guðmundur Heimir Pálmason að splæsa auga til að húkka á pollana í höfn, og Stjáni
jökull heldur við. Uppi í mastri er Ármann, háseti, maður utan af landi, sem bjó í húsi á móti Franska
spítalanum við Lindargötu. Kristján var lengi stýrimaður á línuveiðaranum Jökli og hlaut af því viðurnefnið;
heitur íhaldsmaður. Eitt af uppnefnum Guðmundar var grandari, hin voru mislangur og Lilli (það síðasta
frá barnæsku).
Togarinn Júní í höfn á Grænlandi. Bátsmaðurinn stendur við skipið. Mynd: Árni Einarsson.