Íslenzk fyndni - 01.10.1976, Qupperneq 66

því varla dugar höndin hög
og heiðarleikinn ekki.
Haraldur Hjálmarsson
frá Kambi.
145.
SR. MAGNÚS á Tjörn í Svarfaðardal, sem uppi
var á 18. öld, kom einhverju sinni að þar sem átti að
fara að refsa manni fyrir hórdóm. Sýslumaðurinn,
sem átti að sjá um refsinguna, hafði sjálfur gerst
sekur um sams konar brot, en verið látið kyrrt liggja.
Eftirfarandi vísa Magnúsar bjargaði bóndanum
frá refsingu:
Klæki bætir kringlótt gjald,
kvittun synda gefur.
Það réttlætir hóruhald,
hefur úr sæti lagavald.
146.
STEINN STEINARR orti á banabeði sínu:
Lítinn hlaut ég yndisarð
á akri mennta og lista,
en sáðfall mér í svefni varð
á sumardaginn fyrsta.
147.
ÁRNI GÍSLASON var sýslumaður Skaftfellinga
um miðbik 19. aldar. Sagt er að hann hafi eitt sinn
mætt Skáld-Rósu, sem reyndar var mágkona hans,
og þá kastað fram þessum fyrriparti:
64