Fréttablaðið - 15.10.2022, Blaðsíða 87

tsh@frettabladid.is
Listasafn Reykjavíkur stendur fyrir
sýningarstjóraspjalli í Hafnarhús-
inu í dag klukkan 12, í tengslum
við sýninguna Иorður og niður:
Samtímalist á Norðurslóðum. Þar
munu sýningar stjórarnir Markús
Þór Andrésson f rá Listasaf ni
Reykjavíkur, Jaime DeSimone frá
Portland Museum of Art og And-
ers Jansson frá Bildmuseet, ræða
saman um sýninguna.
Sýningarstjóraspjall í Hafnarhúsi
tsh@frettabladid.is
Sigurður Atli Sigurðsson opnar
sýninguna Haugar í Gallery Port
kl. 16 í dag. Sýningin samanstend-
ur af prentverkum og ljósmyndum
sem Sigurður lýsir sem hálfgerðum
portrett- og landslagsmyndum.
„Ég sýndi í Skaftfelli á Seyðisfirði
2016 ljósmyndir af hárgreiðslum á
fólki aftan frá. Ég geri oft verk sem
fókusa á einhverja einingu, þarna
er manneskjan einfölduð og öll per-
sónueinkenni afmáð og þú horfir
bara á klippinguna. Þá geturðu litið
á einstaklinginn út frá einhverju
einu atriði,“ segir hann.
Hann kveðst síðan hafa unnið
ljósmyndirnar áfram í tölvu, teygt
þær til og bjagað.
„Þetta eru fimm ljósmyndir af
svona hármössum og fólki. Síðan
er ég líka með grafíkprent þar sem
ég notaði hárkollur til að prenta. Þá
tek ég hárkollu, þek hana í prent-
farva og prenta hana í grafíkpressu
beint á pappír,“ segir hann.
Í sýningartexta lýsir Sigurður
innblæstri verkanna, sem hann
segir hafa kviknað í kjölfar þess
að hann dvaldi á námusvæðinu
Zollverein í þýska bænum Essen
árið 2014. Þar var stundaður
námugröftur í yfir hundrað ár áður
en því var hætt á 9. áratugnum og
svæðið sett á heimsminjaskrá.
„Á þessum slóðum eru aflíðandi
hólar og hæðir, manngert landslag.
Á einni hæðinni stendur skúlp-
túr eftir Richard Serra, gríðar-
stór stálplata sem trónir á toppi
fimmtíu metra hárrar hrúgu af
úrgangi úr námugreftri. Skúlptúr-
inn tekur á sig trúarlega mynd eins
og legsteinn á toppi greftrunar-
haugs stóriðjunnar. Þegar ég stóð
á malarplaninu sem umkringir
verkið gat ég ekki hugsað um
annað en negatíva rýmið undir
jörðinni, sem haugurinn holaði
út,“ segir Sigurður.
„Lögun manneskjunnar er teygð
í form landslags sem minnir á fjöll,
haug eða hrúgu. Einhver atburður
skapaði þetta form, truflun á jafn-
sléttunni, hvort sem það kom til
af náttúrunnar hendi eða manna-
völdum. Haugarnir bera vitneskju
um atburðinn, eru minnisvarðar
þess sem gerst hefur.“
Sigurður Atli lærði myndlist á
Íslandi og í Frakklandi. Hann rekur
Y gallery, Prent & vini og Reykjavík
Art Book Fair auk þess sem hann
starfar sem forstöðumaður verk-
stæða við Listaháskóla Íslands. n
Ljósmyndar
hár og prentar
hárkollur
Sýningarstjórarnir Markús Þór Andrésson, Jaime DeSimone og Anders Jansson.
MYND/AÐSEND
Sigurður Atli Sigurðsson vinnur með
hár sem viðfang og efnivið í nýjustu
sýningu sinni. FRÉTTABLAÐIÐ/ERNIR
„Jónas Reynir er höfundur sem liggur
mikið á hjarta. Það skín í gegn í
Kákasusgerlinum sem er sprengfullur
af forvitnilegum hugmyndum.“
Ragnheiður Birgisdóttir / Morgunblaðið
„... furðuleg og falleg bók, vel
skrifuð, húmorísk og snjöll.“
Snædís Björnsdóttir / Morgunblaðið
LANDSINS MESTA ÚRVAL BÓKA
Bókabúð Forlagsins | Fiskislóð 39 | Opið virka daga 10–18 | Laugardaga 11–17 | Sunnudaga 12–16 | www.forlagid.is
Иorður og niður er myndlistar-
sýning unnin í samstarfi þriggja
listasafna, Portland Museum of
Art í Maine-fylki í Bandaríkjunum,
Bildmuseet í Umeå í Svíþjóð og
Listasafns Reykjavíkur á Íslandi.
Þar sýna þrjátíu listamenn ný verk
sem takast á við þær breytingar
sem eru að verða á samfélagi, nátt-
úru og lífríki á norðurslóðum í
upphafi 21. aldarinnar og eru að
stórum hluta tilkomnar vegna
loftslagsbreytinga.
„Listamenn eru landkönnuðir
nútímans, þeir rannsaka áleitin
efni og nýta sér tilf inningaleg
áhrif listar og frásagnarmöguleika
hennar sem hvata til breytinga.
Loftslags- og umhverfisbreytingar,
auk sársaukafullrar sögu nýlendu-
væðingar innfæddra þjóða, hafa
leitt til sköpunar nýrra lista-
verka sem fást við þungan straum
félags-, efnahags-, stjórnmála- og
umhverfislegra áskorana um gjörv-
allt Norðrið,“ segir í sýningartexta
Иorður og niður.
Sýningin mun ferðast á milli
samstarfsaðila frá febrúar 2022
til október 2023. Verkefnið nýtur
stuðnings fjölmargra aðila, svo sem
Loftslagssjóðs, Arctic Cooperation
Programme, Bandaríska sendi-
ráðsins á Íslandi, Norræna menn-
ingarsjóðsins, Norrænu menning-
argáttarinnar og Eimskips. n
LAUGARDAGUR 15. október 2022 Menning 55FRÉTTABLAÐIÐ