Rökkur : nýr flokkur - 01.06.1969, Blaðsíða 56

unni (NTB), sem sent var loftleiðis til norskra skipa á höfum úti
daglega. Loftskeytastöðin tók niður þessi skeyti og sendi FB, sem
svo miðlaði þeim sem öðrum fréttum sínum. NRP-skeytin fékk
FB sér algerlega að kostnaðarlausu og átti hún þar — blöðin og
lesendur þeirra — þakkir að gjalda ágætum Norðmanni, hr. Henri
Bay aðalræðismanni Noregs, en hann átti frumkvæði að því, að
FB fékk afnot þessara frétta. Hann hafði áður rætt um það við
mig nokkrum sinnum, að hann teldi æskilegt að hingað bærist
meira af fréttum frá Noregi, og niðurstaðan af þessum viðræðum
varð, að hann gekk frá málinu til fullnustu, og þurfti FB ekki ann-
að en taka við skeytunum. Tel ég skylt, að minnast í þessu yfirliti
áhuga, framtakssemi og drengskapar þessa ágæta manns í þessu
máli..
Útvarpsfréttir — ný fréttaþjónmta.
Á starfstíma FB tekur Ríkisútvarpið til starfa. Tilraunaútvarp
fór fram m. a. með útvarpi á fréttum fyrri hluta vetrar 1931, og
þegar komið var fram í desember er öllum undirbúningi að verða
lokið, og má víst segja að öll þjóðin hafði verið gripin fagnaðar-
kennd af tilhugsuninni um það, sem í vændum var, og berast mundi
inn í hvert hreysi „á öldum ljósvakans", eins og svo oft heyrðist
til orða tekið þá og síðar, — og ekki þarf um það að f jölyrða, hve
eðlilegt það var, að þjóðin tæki þessari stofnun opnum örmum.
Ríkisútvarpið stofnaði sína eigin fréttastofu. FB birti tilkynningu
Ríkisútvarpsins um þessa nýju fréttasstarfsemi, er hún tók til
starfa, og Fréttastofa útvarpsins fékk fréttir frá FB í byrjun, með-
an starfsemin var að komast í fastar skorður.
Vil ég leggja áherzlu á það góða samstarf, sem hér var um að
ræða.
Kreppa.
Kreppa var á þessum árum, — tími þeirrar útþenslu, sem síðar
varð á ýmsum sviðum, var ekki genginn í garð. Á vettvangi blaða-
mennskunnar gætti þess enn að þjappa saman frekar en þenja út,
fyrirsagnir voru yfirleitt litlar og lítið um myndir. Og það var
ekki neitt líkt því eins algengt og síðar varð, að keypt væru fleiri
en eitt dagblað á heimili. Og á meðan svo var gerði minna til, þótt
öll blöðin birtu mikið af fréttum frá sömu fréttastofu.
50