Rökkur : nýr flokkur - 01.06.1969, Blaðsíða 49

Greinargerð.
En hvernig var nú starfseminni háttað á þessum tíma? Ég held,
að menn fái um það allgóða hugmynd af áður umgetinni tilkynn-
ingu Skúla og greinargerð um þetta frá mér, sem birt var eftir að
ég hafði verið forstöðumaður FB nokkra mánuði, en hana birti ég
til þess að almenningi yrði kunnari starfsemin, og er greinar-
gerðin dagsett 26. júní 1925. Þar segir svo:
1. Fréttastofan heitir fullu nafni Fréttastofa Blaðamannafélags
Islands, og er rekin á ábyrgð þeirra blaða, er stofnuðu hana, og
þeirra, er síðar tóku þátt í rekstri hennar. Stofnendur hennar voru:
Alþýðublaðið, Lögrétta, Morgunblaðið, Tíminn og Vísir. Nú taka
vikublöðin Vörður og ísafold einnig þátt í rekstri hennar. Viku-
blöðin greiða visst mánaðargjald til Fréttastofunnar,* en dag-
blöðin leggja fram fé fyrir skeyti frá öðrum löndum og greiðslu
til fréttaritara hennar erlendis, að einum þriðja hvert blað. Blöð-
um, sem eigi taka þátt í rekstri hennar, eða eru ekki áskrifendur
að fréttum hennar, er ekki heimilt að nota þær fréttir, er hún
aflar sér. Forstöðumann ræður stjórn Blaðamannafélags íslands,
en meiri hluti ábyrgðarmanna þeirra blaða, er þátt taka í rekstri
hennar, verða að samþykkja ráðninguna. Ennfremur Stjórnaráð
Islands, ef opinber styrkur er veittur til hennar.
2. Þessi blöð uta.n Reykjavíkur fá skeyti frá FB: Dagur, íslend-
ingur, Verkamaðurinn, Vesturland og Hænir. — Lögð hefur verið
stund á, að senda þessum blöðum ýtarleg og hlutlaus skeyti um
rnerkustu viðburði. Kvartanir yfir þessum skeytum hafa aldrei
komið fram. Hvað erlendu skeytunum viðkemur, má geta þess,
að allir þátttakendur í rekstri FB hafa áhuga fyrir því, að hún
fái ýtarlegri og fjölskrúðugri skeyti.
3. Fréttastofan sendir skeyti til allmargra fréttafélaga um þing-
tímann. I vetur voru t. d. send skeyti til þessara fréttafélaga:
Eskifjarðar, Norðfjarðar, Fáskrúðsfjarðar og Siglufjarðar. Enn-
fremur voru nokkur fréttafélög, sem fengu skeyti FB frá viku-
blaðinu Hæni. Áherzla var lögð á að senda fréttafélögunum glöggt
yfirlit um helztu þingfréttir. Eins og til blaðanna var lögð áherzla
á hlutlaus skeyti. Blöðin og fréttafélögin ráða orðafjölda sjálf.
Horfur eru, að fleiri fréttafélög bætist í liópinn, er tímar líða.
* Þetta mánaðargjald var 25 kr. og eins mánaðargjald Eimskipafélags Islands
og Félag ísl. botnvörpuskipaeigenda (sbr. lið 4). — A. Th.
43