Bændablaðið - 06.10.2022, Blaðsíða 21

21Bændablaðið | Fimmtudagur 6. október 2022
Bleik jólastjarna til styrktar Krabbameinsfélaginu
Bleikar jólastjörnur, eða októbe-
stjörnur eins og þær eru
kallaðar, eru rækt unarafbrigði
af og náskyldar rauðu og hvítu
jólastjörnunum sem allir þekkja.
Í ár verða október stjörnur
seldar í verslunum Blómavals
og Húsasmiðjunnar um allt
land og rennur hluti ágóðans
til styrktar Bleiku slaufu
Krabbameinsfélagsins.
Bleika yrkið, Poinsettia
euphorbia pulcherrima 'J'Adore
Pink', ber, eins og nafnið gefur til
kynna, bleik háblöð en að öðru
leyti svipar henni til hefðbundinnar
jólastjörnu. J'Adore er komið úr
frönsku og þýðir ég elska og heiti
yrkisins ég elska bleikt og passar
því vel við bleikan októbermánuð.
Slaufan gegnir
mikilvægu hlutverki
Diana Allansdóttir, deildarstjóri hjá
Blómavali, hvetur fólk og fyrirtæki
til styrkja gott málefni og um leið
að skreyta heimili sín og fyrirtæki
með því að kaupa októberstjörnuna.
„Salan á henni hefur verið að
aukast ár frá ári og við vonumst
til að það sé að skapast hefð
fyrir henni og um leið að styrkja
Krabbameinsfélagið.“
Árni Reynir Alfreðsson,
forstöðumaður markaðsmála og
fjáröflunar hjá Krabbameinsfélagi
Íslands, tók við fyrstu október­
stjörnunni í ár 30. september
síðastliðinn. Við það tilefni sagði Árni
að Bleika slaufan gegndi afar stóru
hlutverki í markaðs­ og fjáröflunarstarfi
Krabbameinsfélagsins.
„Hún gerir félaginu kleift að
vinna að sínum markmiðum sem
eru að fækka þeim sem veikjast af
krabbameinum, að lækka dánartíðni
þeirra sem greinast með krabbamein
og að bæta lífsgæði þeirra sem
greinast og aðstandendur þeirra.“
/VH
Magnús Magnússon, markaðsstjóri Húsasmiðjunnar og Blómavals, Diana
Allansdóttir, deildarstjóri Blómavals, Birgir Birgisson hjá Garðyrkjustöðinni
Ficus og Árni Reyni Alfreðsson, forstöðumaður markaðsmála hjá
Krabbameinsfélaginu með bleiku jólastjörnuna. Mynd / Aðsend
Nýlega voru tölur um birgðastöðu
kindakjöts í lok ágústmán-
aðar birtar á Mælaborði land-
búnaðarins.
Reyndust 380,6 tonn vera í
birgðum í byrjun sláturtíðar, sem
eru næstminnstu birgðir á þessum
árstíma á þessari öld. Það var
einungis árið 2011 sem minni birgðir
voru, eða 281,2 tonn.
Árið 2011 var útflutningur hins
vegar með mesta móti, en þá voru
alls flutt út 1.138 tonn kindakjöts.
Í lok ágúst á síðasta ári var tvöfalt
meira magn kindakjöts í birgðum,
eða 764,3 tonn.
Alls voru 386 tonn kindakjöts
seld núna í ágústmánuði. /smh
Þrjár viðurkenningar voru veittar
fyrir gott umhverfi í Húnaþingi
vestra fyrir árið 2022.
Unnur Valborg Hilmarsdóttir
sveitarstjóri afhenti þær við athöfn
í Sjávarborg á Hvammstanga.
Viðurkenningarnar féllu í
skaut eigenda Bakkatúns 2 á
Hvammstanga, Grundar í Vestur­
hópi og Tannstaðabakka. Húna­
þing vestra hefur árlega veitt
umhverfisviðurkenningar frá árinu
1999 og hafa um 70 eignir eða aðilar
fengið viðurkenningu.
Bakkatún 2 á Hvammstanga
fékk viðurkenningu fyrir auðséðan
metnað fyrir fallegum frágangi á
tiltölulega nýju húsi og lóð. Um
Grund í Vesturhópi segir í umsögn
dómnefndar að þar sé hulinn
heimur, þar sem ekki sést af vegi
heim að bænum, sem er lögbýli,
nýtt sem frístundabyggð og til
skógræktar. Tannstaðabakki fékk
umhverfisviðurkenningu fyrir
mjög myndarlega heildarumgjörð
á stórbúi. „Ber fyrrum eigendum
órækt vitni um metnað og atorku
en jafnframt vísbending um að
núverandi eigendur sem tekið hafa
við keflinu muni halda því starfi
áfram,“ segir í umsögn dómnefndar.
/MÞÞ
Alls voru 386 tonn kindakjöts seld í
ágústmánuði.
Helmingi minni
kindakjötsbirgðir
Viðurkenningar í
Húnaþingi vestra
Þessi hlutu umhverfisviðurkenningar
á dögunum. Mynd / Vefsíða Húnaþings Vestra