Veiðimaðurinn - 01.12.1960, Qupperneq 17

framleiðslu, — iramleiðsla skapar pen-
inga........
Já, vel á minnst, peninga.
Eg hef hérna fyrir framan mig frétta-
bréf frá Bandaríkjunum, sem barst upp
í hendurnar á mér, einmitt þegar ég var
að hugsa um blessaðan maðkinn. Þar
segir: „Þetta litla skriðkvikindi er þeg-
ar orðið undirstaða 25 milljóna dala at-
vinnurekstrar.
Á undanförnum árum hefur ormarækt
blómgast og orðið að atvinnurekstri, sem
á eftir að hafa ómælanleg áhrif á ræktun
í Bandaríkjunum.
Það munu vera um 5000 ormabú í
Bandaríkjunum í dag, en Jressi atvinnu-
rekstur er einkum staðsettur í San
Gabríel-dalnum, sem er úthverfi Los
Angelesborgar, og var um skeið þekktur
aðallega vegna appelsínuræktar.
Ormarækt hefur í rauninni átt sér stað
undanfarin 25 ár, en ekki í stórum stíl
fyrr en s.l. fimm ár eða sex, og það er
aðeins fyrir skömmu, að þýðing þessa at-
vinnurekstrar fyrir landbúnaðinn hefur
komið í ljós.
Nú er farið að kalla maðkinn „moldar-
mylluna", því starfsemi hans má vel líkja
við það verkefni, sem olíuhreinsunar-
stöðvar leysa af hendi í olíuiðnaðinum.
HANN ER ÓÞREYTANDI.
Það hefur verið áætlað, að náttúran
sjálf þurfi 500 ár til þess að bæta hálfri
tommu af nýjum jarðvegi ofan á yfirborð
jarðar. Ef ánamaðkurinn er nýttur á
réttan hátt, má gjarnan líta á hann sem
óþreytandi og þróttmikla vél, sem vinn-
ur sama verk á 11/4—5 árum.
Eins og stendur er stærsti ormamark-
aðurinn hjá veiðimönnum, en farið er
að selja maðka í kílóatali til garðyrkju-
manna, og er sá markaður stöðugt að
aukast.
Þess mun samt verða nokkuð að bíða
þar til hægt er að nýta orminn til land-
búnaðarstarfa í stórum stíl.
Formaður sambands ormaræktar-
manna í Bandaríkjunum, Bob Larson,
segir, að það muni taka langan tíma að
rannsaka allar hliðar ormaframleiðslunn-
ar, og það gagn, sem hafa má af orminum,
en hann spáir því að þeir tímar komi
að ánamaðkurinn verði eitt nauðsynleg-
asta ,,húsdýrið“ í landbúnaði".
Þetta sagði í fréttabréfinu. Og það eru
fleiri, sem halda þessu fram. Jafnvel
Charles Darwin sagði um ánamaðkinn:
„Það er vafasamt hvort til eru mörg önn-
ur dýr, sem hafa haft jafn mikla þýð-
ingu fyrir heimssöguna og þessar frum-
stæðu skepnur".
Aristóteles kallaði þá „innýfli jarðar“,
og svona má halda lengi áfram.
Hér hef ég lítinn bækling frá einu
ormabúinu í Bandaríkjunum. Þeir eru
ekki myrkir í máli þar. Á einum stað
stendur: „Látið ánamaðkana vinna fyrir
ykkur. Þeir plægja, rækta og lofta jarð-
veginn, sjá um að hann þorni ekki upp,
aðstoða við plöntufrjóvgun og auka
vaxtarskilyrði plantna.
Ánamaðkar eru sorpeyðingarstöð nátt-
úrunnar. Smíðið ykkur ormakassa og
setj’ð í hann ánamaðka. Látið ofan á þá
ösku og úrgang, og sjáið hve stuttur tími
líður þar til kominn er fínasti „Skarni“.
Veiðimaðurinn
7