Veiðimaðurinn - 01.12.1960, Qupperneq 33

Eftir hádegi þennan dag var haldinn
aðalfundur kastsambandsins, og mættu
þar fulltrúar frá öllum félögum innan
þess. Meðal annars sem þar var ákveðið,
var að halda næsta alþjóðakastmót í
Osló 1961, í síðustu viku ágústmánaðar.
Frekar er búist við að mótið 1962 verði
fellt niður, en 1963 verði það svo haldið
í Bandaríkjunum.
Síðasta daginn, þann 10. kl. 8,30 f.h.
var svo síðasta greinin tekin fyrir, þ. e.
hitti- og lensfdarköst með einhendis
flugustöng, (grein nr. 2), blandað saman.
Margir álíta þessa grein einna skemmti-
legasta. Þátttakendur voru 55. Stigahæst-
ur varð Steve Aleshi, Bandar., með 43
stig. Lægstur, Thielemans, Belgíu, 16
stig. Og þar með lauk þessu 4. heims-
móti I. C. F.
Heimsmeistari í öllum 10 greinunum
samanlagt varð í fjórða sinn Jon Taran-
tino, Bandaríkjunum. Þrír næstu menn
voru þaðan líka.
Um kvöldið var svo haldið lokasam-
sæti sem mótsstjórnin stóð fyrir, þar voru
mættir all-flestir þátttakendur, dómarar
og gestir. Þetta var skemmtilegt hóf, sem
stóð fram yfir miðnætti. Þar voru verð-
laun afhent, og stuttar ræður fluttar und-
ir borðum. Forseti Svissneska kastsam-
bandsins, hr. Walter G. Hug, stýrði hófi
þessu. Hann er sérstaklega geðugur mað-
ur, sem meðal annars var svo vinsam-
legur í okkar garð, að hann tók persónu-
lega á móti okkur á flugvellinum, þegar
við komum til Zúrich, og lét sér einkar
annt um okkur allan tímann. Þarna
kvöddust menn svo og þökkuðu hver öðr-
um ánægjuleg kynni og hétu að hittast
að ári í Osló.
Veidimadurinn
Bandaríkjamaðurinn Ben Hardesty og Hollending-
urinn xian Hurck a kastpallinum.
Ég ætlaði að enda þetta á frásögn um
okkar eigin kastklúbb hér og okkar mót
en er hálf hræddur um að ég þyki orðinn
helzt til plássfrekur í þessu blaði, og
fresta ég því í þetta sinn.
Þess skal þó getið, að við eigum nokkra
góða kastara í klúbb okkar, svo sem
bræðurna, Vilhjálm og Þorvarð Árnasyni,
með 47—48 m., tvíhendis fluguköst (met-
ið 49,5). Guðmund Einarsson og Sverri
Elíasson með um 42 m., einhendis flugu-
köst (metið 44,5 m.), og Þóri Guðmunds-
son með 134,15 m. í 30 gramma kasti (ísl.
met). Fleiri mætti nefna, en ég læt þetta
nægja sem sýnishorn í þetta sinn.
A. E.
23