AVS. Arkitektúr verktækni skipulag - 01.12.1996, Page 37

Höfundur: EYSTEINN BJÖRNSSON
svæöisins þar sem nýttir verði þeir möguleikar sem
viðkomandi svæði hafi upp á að bjóða. í tillögunni
eru tiltekin 10 svæði og möguleikum þeirra lýst. Höf-
undur sér fyrir sér að smærri fyrirtæki í ofangreindum
byggðakjörnum sem hafi sérstöðu í atvinnulífinu,
verði vaxtarbroddur þjóðlífsins í framtíðinni í staðinn
fyrir álver og stórfellda orkusölu.
NIÐURSTAÐA DÓMNEFNDAR
Meginhugmynd tillögunnar um að tengja uppbygg-
ingu á landsbyggðinni skólasetrum er athyglisverð.
Eins og höfundur bendir á þarf að koma á nánum
tengslum milli menntakerfis og atvinnuvéganna ef
vel á að takast til við framkvæmd slíkrar stefnu.
Til að sýna þá möguleika sem tillagan felur í sér hefði
verið æskilegt að fylgja hugmyndum mun betur eftir
og útfærslu vantar á þeim svæðum sem nefnd eru.
Eins skortir talsvert á varðandi framsetningu mynd-
máls, sem hefði getað skýrt hugmyndirnar betur.
Háleit framtíðarsýn tillögunnar um jafnari dreifingu
byggðar þar sem m.a. opinberum menntastofnunum
er ætlað stórt hlutverk, er um margt jákvæð, en virðist
óneitanlega óskhyggja fremur en raunhæft mat á því
sem orðið gæti. Þeir möguleikar sem felast í eflingu
mennta og menningar í landinu eru þó ótvíræðir og
tillagan vekur athygli á þeim.
35