AVS. Arkitektúr verktækni skipulag - 01.04.1997, Síða 27

heldur ekki svo miklu máli hvort húsin voru dýr eöa
ódýr í byggingu - verðbólgan sléttaði þetta allt út
áður en varði. Því stærra sem byggt var - því meiri
ávinningur.
TÆKNIDEILD OG STARFSEMI HENNAR
Árið 1974 var starfsemin aukin með stofnun tækni-
deildar og þá fjölgaði starfsfólki í 24 stöðugildi.
Teiknistofan varð þá hluti af tæknilegri starfsemi
stofnunarinnar. Með fjölgun starfsliðs var einnig
var lagður grundvöllur að breyttum áherslum,
breyttum verkefnum og tæknilegri þjónustu sem
veitt var.
Þetta ár sömdu arkitektarnir Sigurður Harðarson
og Magnús Skúlason greinargerð á vegum Hús-
næðisstofnunar þar sem þeir leitast við að leggja
undirstöðu að „stefnumörkun í framleiðslu og fjár-
mögnun íbúðarhúsnæðis“. í greinargerðinni leggja
þeir m.a. til að allar teikningar á vegum stofnunar-
innar verði hannaðar skv. 3M mátkerfinu og að á
sama hátt verði sama krafa gerð að skilyrði fyrir
lánshæfni alls nýs íbúðarhúsnæðis. í skýrslunni
halda þeir eftirfarandi fram: „Ein meginforsendan
fyrir því að lækka megi byggingarkostnað og auka
byggingarhraða er aukin samræming á öllum svið-
um í formi stöðlunar. Forsendan fyrir stöðlun er
síðan aftur staðlað mátkerfi."
Einnig leggja þeir m.a. til að hús verði hönnuð
m.t.t. möguleika á að breyta megi innra fyrirkomu-
lagi íbúða með litlum tilkostnaði; að hagkvæmir
byggingarhættir verði látnir sitja í fyrirrúmi hvað
lánveitingar varðar; að nýjar húsatýpur séu hann-
aðar m.t.t. fáanlegra byggingarefna hérlendis; að
stærðarreglur verði endurskoðaðar; að kröfur
verði gerðar um notagildi einstakra herbergja; að
lóðarstærðir verði endurskoðaðar; húsagerðir
verði valdar m.t.t. þjóðhagslegrar hagkvæmni.
Einnig gera þeir tillögu um að lán verði veitt til
„sameiginlegs rýmis“.
Eitt af fyrstu verkefnum sem hinni nýstofnuðu
tæknideild var falið var vinna við áætlun um bygg-
ingu 1000 leiguíbúða sveitarfélaga 1974-1978.
Þetta viðamikla verkefni varð fljótt þungamiðja í
starfsemi tæknideildarinnar ásamt endurnýjun á
„týputeikningasafni“ stofnunarinnar. Þá tók tækni-
deild upp aukið samstarf við Rannsóknastofnun
byggingariðnaðarins og Iðnþróunarstofnun vegna
ýmissa rannsóknarverkefna, s.s. staðlaðra verk-
íbúöarhús í Fáskrúðsfirði.
íbúðir aldraðra á ísafirði. Arkitekt Hilmar Ólafsson.
lýsinga, útboðsgerða og sundurliðunar byggingar-
kostnaðar. Á tæknideildinni var einnig byggður
upp svokallaður „verðbanki" með sundurliðuðum
upplýsingum um byggingarkostnað húsa og hús-
hluta.
Tölvuvæðing byrjaði hjá stofnuninni, áriðl982.
Tæknideildin fylgdi síðan brátt á eftir eða síðla
árs1985. Var hún einn af fáum brautryðjendum í
tölvuvæddri hönnun á íslandi. Ákveðið var að nota
AutoCAD forritið við teikningar. Fljótlega var líka
byrjað að magntaka hús í tölvu og sama máli
gegndi um kostnaðaráætlanir.
Mikilvægur þáttur í starfsemi tæknideildarinnar var
að útbúa verklýsingar og útboðsgögn vegna þeirra
íbúða sem þar voru teiknaðar og boðnar voru út á
hennar vegum. Útboðsgögn voru stöðluð og
þannig frá þeim gengið að þau byggi öll á sama
grunni. í tengslum við þetta hefur tæknideildin
þróðað „verðbótakerfi", frá árinu 1973 sem mælir
verðþróun ( byggingariðnaðinum frá mánuði til
mánaðar. Frá árinu 1980 til 1995 hefur hún haldið
uppi eftirliti með byggingu samtals 5,343 íbúða í
öllum þeim byggðarlögum á landinu þar sem reist-
ir hafa verið félagslegar íbúðir.
25