AVS. Arkitektúr verktækni skipulag - 01.12.2000, Síða 29

Þetta fyrirkomulag gerði að verkum að aðeins
voru takmarkaðir möguleikar á að sýna listaverka-
eign borgarinnar, og því voru t.d. verk Jóhannesar
S. Kjarvals, sem eru ein helsta skrautfjöðrin í lista-
verkaeign borgarinnar, aðeins aðgengileg á tíma-
bundnum sýningum ár hvert. Safn Ásmundar
Sveinssonar tók til starfa sem sjálfstætt listasafn
árið 1983, og lýtur sérstakri stjórn, en starfsemi
þess var felld undir Kjarvalsstaði árið 1988. Hús-
næðiseklan var engu að síður mikil (en miðrými
Kjarvalsstaða var í upphafi þessa áratugar einnig
tekið undir sýningar), og safnið gat ekki enn sett
upp fastar sýningar á verkum úr sinni eigu.
Með tilkomu listverkagjafar Errós árið 1989 varð
aðkallandi að finna safninu aukið húsnæði til að
það gæti sýnt verk sín, og þá þegar beindist áhugi
manna að Korpúlfsstöðum sem framtíðarstað fyrir
safnið. Eftir nokkur ár var fallið frá þeirri hugmynd
vegna fyrirsjáanlegs kostnaðar, og stuttu síðar var
stungið upp á Hafnarhúsinu í þessu sambandi.
Eftir að komist var að niðurstöðu um þá lausn var
boðað til samkeppni um útfærslu Listasafns
Reykjavíkur á fyrstu tveimur hæðum Hafnarhúss-
ins vorið 1997, og stefnt var að því að safnið
skyldi opnað árið 2000, þegar Reykjavík væri ein
af menningarborgum Evrópu. Þessar áætlanir
hafa nú gengið eftir.
í Hafnarhúsinu er að finna sex sýningarsali, veg-
legt fjölnotarými, kaffiteríu, verslunarrými, útisýn-
ingasvæði, og sérstakt rými fyrir bókasafn eða
aðra starfsemi safnsins. Auk þess munu skrifstof-
ur Listasafns Reykjavíkur flytja í bygginguna á
næsta ári, og þá verður einnig opnað sérstakt
tölvuver fyrir gesti safnsins. Því má segja að nú
ráði Listasafnið yfir alls níu sýningarsölum, og
tveimur öðrum sýningarsvæðum (þ.e. fjölnotarými
27