Þingtíðindi Alþýðusambands Íslands ... - 24.11.1980, Side 70

því eftir mun verkalýðshreyfingin leggja mikinn þunga og áherslu á kröf-
una um afturvirkni samninganna ef síðar takast. Sú krafa miðar að því að
koma í veg fyrir að atvinnurekendur geti hagnast á því að tefja samninga
með endalausu þófi og undanbrögðum, líkt og í síðustu samningagerð. Þing-
ið leggur áherslu á, að öllum undirbúningi verði hraðað, þannig að fullmót-
uð kröfugerð liggi fyrir þegar í september ásamt ákvörðun um það, hvernig
staðið skuli að samningum. Þingið felur miðstjórn að gangast fyrir formanna-
ráðstefnu í mars, þar sem meginlínur verði lagðar, bæði hvað snertir kröfu-
gerð og hver vera skuli verkefnaskipting heildarsamtakanna og einstakra
landssambanda og félaga.
34. þing ASÍ leggur áherslu á að réttindi farandverkafólks verði aukin
og kannað ítarlega með hvaða hætti megi tryggja þeim betur en nú er félags-
réttindi í verkalýðsfélögum og skorar jafnframt á verkalýðsfélögin að sjá
til þess að réttindi farandverkafólks verði ekki fyrir borð borin.
34. þing ASÍ ítrekar að við samningagerð og almennt í starfsemi samtak-
anna er mikilvægt að auka og efla tengslin við hinn almenna félaga. Upp-
lýsingamiðlun, fræðsla og fundahöld og þá vinnustaðafundir sérstaklega verða
að vera virkari þættir í starfsemi samtakanna. Styrkur verkalýðsstéttarinnar
í samskiptum við atvinnurekendur og stjórnvöld felst í vel upplýstri og
virkri hreyfingu launafólks. Aðeins virk og öflug verkalýðshreyfing getur
náð fram umtalsverðum kjarabótum við þær aðstæður sem við búum við í
dag, en þær einkennast af alþjóðlegri og innlendri kreppuþróun og her-
skárri harðlínustefnu atvinnurekenda.
34. þing ASÍ ítrekar að verkalýðssamtökin sækja fram til aukinnar vel-
sældar og fegurra mannlífs. Megináherslu verður því að leggja á kröfur
samtakanna um styttingu vinnutíma, aukna verkmenntun og fullorðins-
fræðslu, bættan aðbúnað á vinnustað, aukið öryggi í veikinda- og slysafor-
föllum, bætta dagvistunarþjónustu, lækkun skatta á lágtekjufólki, úrbætur
í lífeyrismálum og aðrar félagslegar umbætur. Verkalýðshreyfingin hlýtur að
taka sérstakt tillit til þeirra, sem búa við skerta starfsgetu og beita sér fyrir
framgangi þeirra krafna, sem settar hafa verið fram hér á landi í tilefni al-
þjóðaárs fatlaðra.
Þingskjal nr. 55
Sjálfstæðar ályktanir
Kjara- og atvinnumálanefnd samþykkti samhljóða að mœla með því við
34. þing ASÍ, að eftirfarandi tillögur verði samþykktar sem ályktanir þings-
ins:
68