Þingtíðindi Alþýðusambands Íslands ... - 20.05.1996, Side 122

• Kortleggja þarf vinnumarkaðinn og þau störf sem þar eru og skilgreina æski-
lega þróun í þeim efnum með tilliti til markmiða ASI í atvinnumálum um
góð störf og hátt launastig. Þessi úttekt þarf í senn að taka mið af vinnumark-
aðinum í heild og staðbundnum aðstæðum.
• Núverandi námskipan á framhaldsskólastigi verði endurskoðuð eftir því sem
tilefni gefst til og nýjar námsbrautir skilgreindar þannig að þær fullnægi sem
best aðstæðum og markmiðum í atvinnumálum og kröfum og væntingum
ungmennanna um spennandi og framsækna menntun.
• Gefa þarf uppbyggingu námsbrauta með áherslu á verk- og tæknimenntun
forgang fram yfir hefðbundið bóknám. Við stofnsetningu nýrra námsbrauta
verður að leggja sérstaka áherslu á að auka framboð á starfsnámi á fjölmörg-
um sviðum framleiðslu og þjónustu. Námið verði skipulagt í lengri og styttri
námsbrautum sem öllum ljúki með viðurkenndu mati til starfa og frekara
náms. Þessi uppbygging verður að byggja á almennum grunni en jafnframt
er mikilvægt að fræðslustofnanir fái svigrúm og hvatningu til að laga fram-
boð á námi að staðbundnum aðstæðum og þörfum. Þannig geta og eiga fram-
haldsskólarnir að verða virkir þátttakendur í atvinnuuppbyggingu hver á
sínum stað.
• Mikilvægt er að við upphaf náms og meðan á námi stendur eigi nemendur
kost á öflugri námsráðgjöf og aðstoð ef vandamál koma upp eftir að nám er
hafið. Slík ráðgjöf byggir á því að kanna áhugasvið og hæfni nemandans og
tengja það því námsframboði sem er til staðar jafnframt því sem nemandinn
er upplýstur um þætti eins og atvinnulíkur og kjör. I gegnum slíka námsráð-
gjöf eiga einnig að skapast skilyrði fyrir atvinnulífið til að koma á framfæri
upplýsingum um stöðu og væntanlega þörf fyrir starfsmenn á mismunandi
sviðum. I skólunum þarf að veita nemendum fræðslu um réttindi og skyldur
sem fylgja því að vera þátttakandi í atvinnulífinu.
• Framboð á fjölbreyttu og áhugaverðu verk- og starfsnámi byggir á því að
skólinn búi við hagstæð rekstrar- og þróunarskilyrði. Mikilvægur liður í því
að skapa þessi starfsskilyrði er að tengja skólann sterkum og lifandi böndum
við atvinnulífið; verkalýðshreyfinguna og fyrirtækin. Auka þarf til muna
áhrif atvinnulífsins á uppbyggingu, framkvæmd og stjórnun náms á fram-
haldsskólastigi. Samhliða verður atvinnulífið að taka á sig ríkari ábyrgð.
• Með námskrá á að skilgreina markmið og gæðakröfur í námi á framhalds-
skólastigi. Henni verður síðan að fylgja eftir með virku eftirliti bæði innan
skólanna og utan frá þannig að nemendur fái tilskylda menntun eins og þeir
eiga rétt á. Nauðsynlegur þáttur í slíku eftirliti er að leita kerfisbundið eftir
viðbrögðum og ábendingum frá atvinnulífinu sjálfu. Mikla áherslu verður að
leggja á að nemendur séu ekki blekktir með innihaldsrýrum starfsmennta-
brautum heldur verði þeim boðið nám sem hefur raunverulegt gildi í at-
vinnulífinu.
• í ljósi þess að verkaskipting milli framhaldsskóla mun fara vaxandi á sviði
120