Ský - 01.12.2000, Side 40

því tíminn milli fimm og átta er dýrmætur fjölskyldutími
og ég vil halda honum sem slíkum. Ég er hins vegar mjög
sátt við að vinna á kvöldin eftir að börnin eru sofnuð því
mér finnst gott að hugsa þegar ró er komin yfir.
Færðu samviskubit gagnvart fjölskyldunni?
Já, já, stundum hef ég töluvert samviskubit. Hjá því verður
ekki komist. En ég veit að ég hefði miklu meira sam-
viskubit ef ég vissi ekki að strákarnir mínir væru í góðum
höndum.
Eru synirnir dús við hvað þú ert mikið í vinnunni?
Bragi verður tveggja ára í janúar og er því of ungur til að
tjá sig um málið. Jónas Aðalsteinn, sem er tíu ára, kvartar
stundum og segist gjarnan vilja sjá meira af mér. Það er
gagnkvæmt og vonandi breytist það þegar um hægist.
Harður eigin húsbóndi
Hvernig hafa Garðbæingar orðið varir við að það
er kominn nýr bæjarstjóri?
Ef ég á að vera alveg einlæg held ég að þeir hafi ekki
fundið mikið fyrir því enn sem komið er. Ég kom inn á
annasamasta tíma bæjarmálanna og hef á þessum stutta
tíma verið upptekin af fjárhagsáætlun næsta árs. Það
verða þó engar kúvendingar þótt ég sé orðin bæjarstjóri
því hlutverk bæjarstjórans er að vinna eftir þeirri stefnu
sem bæjarstjórnin hefur þegar mótað.
Hvernig atvikaðist það að þú varðst bæjarstjóri?
Það má segja að það hafi verið tilviljun. Fljótlega eftir að
Ijóst varð að Ingimundur væri að hætta hvöttu nokkrir
aðilar mig til að sækja um starf bæjarstjórans en í fyrstu
tók ég dræmt í það því ég hafði fyrir stuttu verið ráðin
framkvæmdastjóri nýsköpunar- og þróunarsviðs Háskólans
í Reykjavík. Þó sáði þessi hvatning þeim fræjum að ég
ákvað að sækjast eftir þessu starfi.
Hvernig tilfinning er það að vera orðin bæjarstjóri
eins stærsta bæjarfélags landsins?
Ég hef aldrei upplifað neinar tilfinningar gagnvart þeim
embættum sem ég hef verið í. Aldrei litið á þau sem
áfanga eða sigur.
Finnst þér þá alveg sjálfsagt að hafa lent í þessum
embættum og kannski ekkert merkilegt?
Opinber embætti eru ekki markmið í sjálfu sér eða tóm
sæla. Þeim fylgir mikil ábyrgð og augu manna beinast að
embættismönnum í von um að þeim takist að uppfylla
ákveðnar væntingar eða þá mistakist. Ég hef aldrei sest
róleg í einhvern stól og hugsað; jæja, þá er ég búin að ná
þessum toppi og get farið að slaka á. Embættin eru bara
tæki sem hjálpa manni að ná árangri í að bæta samfélagið.
Ertu sjálfri þér harður húsbóndi?
Ský