Ský - 01.04.2012, Page 44

Eggaldinmauk
• 2eggaldin
• 3 msk sesamsmjör (tahini)
• 4 hvítlauksgeirar
• safi úr 1/2 sítrónu
• salt
• 1 tsk timjan
• 1/4tskcummin
• 2 msk ólífuolía
• svartar ólífur til
skreytingar
TEXTI: RAGNHEIÐUR ÞÓRDÍS GYLFADÓTTIR MYND: PÁLL KJARTANSSON
Ekki er ýkja langt síðan eggaldin fór að sjást í mat-
vörumörkuðum hérlendis. Þessi bjúglaga ávöxtur
er ættaður frá Indlandi og er mikið notaður í
asískri og mið-austurlenskri matargerð. Eg hef sárasjaldan
notað eggaldin í mat, þá helst hef ég grillað eggaldin-
sneiðar sem meðlæti með öðrum mat. Nýlega var ég
stödd erlendis og bragðaði þá „baba ganoush", eða egg-
aldinmauk, á líbönskum veitingastað. Rétturinn er mjög
vinsæll í Miðjarðarhafslöndunum og er þá borinn fram
með bökuðu brauði eða sem forréttur. Ég prófaði ýmsar
útgáfur og hef notað hann sem álegg á hrökkbrauð, ídýfu
með grænmeti eða snakki og jafnvel í stað sósu á ham-
borgara og pítur. Eggaldinmauk er hrein hollusta og er
því tilvalin tilbreyting fýrir alla sem vilja hollt og bragð-
gott álegg eða meðlæti með mat. SKY
1. Stillið ofninn á grillhita.
2. Stingið nokkur göt í eggaldin með gaffli og hitið í ofni á grilli í u.þ.b.
10 mín eða þar til húðin er orðin svört og krumpuð. Snúið u.þ.b. tvisvar.
3. Lækka ofnhitann í 180°C, undir- og yfirhita, og hitið í u.þ.b. 20 mín, setjið í
kæli smástund.
4. Á meðan er hvítlaukur og salt marið saman í mauk.
5. Takið eggaldin úr kæli, skerið þau í tvennt eftir endilöngu og skafið úr
hýðinu með skeið.
6. Pressið mesta safann úr með eldhúspappír.
7. Setjið í skál og stappið með gaffli eða maukið örstutt með töfrasprota þar
til maukið verður gróft.
8. Bætið við hvítlauksmauki, sesamsmjöri, sítrónusafa, timjan og cummin og
hrærið saman.
9. Smakkið til og bætið við salti ef þarf.
10. G erið grunna dæld í miðjuna og hellið ólífuolíu yfir.
11. Skreytið með ólífum og berið fram með brauði, grænmeti eða snakki.
44 SKÝ 2. tbl. 2012