Ský - 01.08.2013, Page 28

Að njóta augnabliksins
Hann missti móður sína þegar hann var 10 ára, ólst upp hjá indverskum föður sínum og í dag er Elmar Johnson
að klára læknanám, hann rekur ásamt félaga sínum fyrirtækið Guide to lceland og í tvö ár hefur hann unnið sem
fyrirsæta m.a. í New York, Mílanó og París en hann er á samningi hjá einni stærstu fyrirsætuskrifstofu heims, NEXT.
VIÐTAL: SVAVA JÓNSDÓTTIR
MYNDIR: GEIR ÓLAFSSON OG FLEIRI ■ ohn Chavaro fæddist og ólst upp í
I indverska sjávarþorpinu Cochin.
I Hann fór á sjóinn, flutti síðan til
metlands þaðan sem hann sigldi víða og
hélt svo nokkrum árum síðar enn norðar;
hann flutti til Isafjarðar fyrir tæpum 40
árum þaðan sem hann sótti sjóinn og lærði
netagerð. Þar kynntist hann Helgu Láru
Þorgilsdóttur; þau urðu ástfangin, eign-
uðust soninn Einar og átta árum síðar kom
annar sonur í heiminn, Elmar.
Hann er suðrænn í útliti en augun eru
ljósblá. „Augun eru eina útlitseinkennið
sem ég fékk frá mömmu sem var með
ljósblá augu; allt hitt er dökkt. Þetta er
svolítið skrýtið vegna þess að brúni
liturinn er yfirleitt ríkjandi.“
Hvað vill Elmar segja um æskuna á
ísafirði? „Ég held ég hafi verið erfitt barn.
Allar minningar sem ég á þaðan eru þegar
fólk var að kvarta undan mér eða þegar ég
var búinn að gera eitthvað af mér. Maður
var að safna í bál og hitt og þetta sem mað-
ur mátti ekki. Það var rosalega ljúft að alast
upp á Isafirði. Eftir á að hyggja þá held ég
að ef ég á eftir að eignast börn þá vildi ég að
þau myndu alast upp á svona stað. Maður
getur verið úti án eftirlits, allir þekkja alla
og maður þarf að hafa minni áhyggjur af
því að eitthvað komi virkilega fyrir.“
28 SKÝ 4. tbl.2013