Skinfaxi - 01.03.2021, Blaðsíða 13
S K I N FA X I 13
Úthlutun úr Fræðslu- og verkefnasjóði UMFÍ fer fram tvisvar
á ári, það er í maí og í nóvember ár hvert.
Umsóknarfrestur er 1. maí fyrir maí-úthlutun og
1. nóvember fyrir nóvember-úthlutun.
„Það þarf að greina starfið með
tilliti til þátttöku barna af erlendum
uppruna,“ segir María Edwards-
dóttir, framkvæmdastjóri Knatt-
spyrnufélagsins Þróttar, sem fékk
styrk fyrir verkefnið Ná til erlendra
iðkenda.
„Ég hef orðið vör við það í
barna- og unglingastarfinu í gegn-
um mína eigin þátttöku að staða
þessa hóps er mjög brothætt. Ef
ekkert foreldri í hópnum eða þjálf-
ari hugsar sérstaklega um þessa
krakka verða þau utangátta. Þegar
ég skrifaði umsóknina var hluti
verkefnisins að greina þátttöku og brotthvarf barna af erlendum upp-
runa, bæði fjölda og þjóðerni þeirra. Við þurfum að sjá þetta og bera
saman við þátttöku íslensku krakkanna í skipulögðu íþrótta- og æsku-
lýðsstarfi. Þegar við höfum fengið þessa mynd getum við brugðist við
og unnið markvisst að því að bæta okkur,“ segir hún.
Aðgengi skiptir máli
Nú á að þýða efni Þróttar fyrir börn og foreldra og gera það aðgengi-
legt á fleiri tungumálum, til að byrja með á pólsku. Þýðingin sjálf er að
sögn Maríu stærsti kostnaðarliður verkefnisins.
„Hluti af verkefninu er að hafa efnið á nokkrum tungumálum á vef-
síðu Þróttar. Það er kostnaðarsamt og þar sem við fengum aðeins brot
af upphæðinni sem sótt var um verðum við að hugsa í lausnum. Við
erum að skoða nú að nýta þekktar lausnir eins og Google Translate
beint inn á vefsíðuna okkar. Þýðingin verður aldrei fullkomin, en það
yrði samt til bóta fyrir þá sem ekki skilja íslensku. Ég hef fundið það á
eigin skinni hve mikilvægt það er að ná til allra og að það sé ekki bara
lukkan ein sem stýrir því hvort við náum til og tökum vel á móti börn-
um af erlendum uppruna og foreldrum þeirra,“ segir María, en hún
bjó sjálf í Noregi með fjölskyldu sinni.
„Þótt Noregur og Ísland hafi mjög líka menningu og tungumál upp-
lifði ég þetta þar. Við vorum ekki með tengslanetið og vissum ekki
alltaf hvar og hvernig við gátum nálgast upplýsingar. Við vitum að
íþróttir eru mikilvægar og hvert forvarnargildi þeirra er. Ef við náum
betur til nýrra Íslendinga og getum tekið betur utan um þau og for-
eldra þeirra gengur þeim betur að aðlagast og komast inn í íslenskt
samfélag. Íþróttir eru nefnilega ekki bara einhverjar æfingar og keppni.
Þær eru mikilvægar og afskaplega gefandi félagslegur þáttur fyrir bæði
iðkendur og foreldra. Þessi börn hafa ekki fullan aðgang að íþrótta-
starfinu á meðan tungumálið er hindrun. Við þurfum að laga það og
vinna með skólunum til að ná til þeirra og lækka þröskuldinn. Það er
okkur öllum til heilla. Við erum strax byrjuð að vinna í verkefninu og
hlökkum til að sjá árangur af því á næstu misserum,“ segir María að
lokum.
Þróttur Reykjavík:
Verkefnið – Ná til erlendra iðkenda
María Edwardsdóttir,
framkvæmdastjóri Þróttar