Skinfaxi - 01.03.2021, Side 18

18 S K I N FA X I
Sannur félagi í matar- og
kaffitímum
Það var skemmtileg tilviljun að Ingvar Sverrisson skyldi vera valinn mat-
maður þingsins. Ingvar er formaður Íþróttabandalags Reykjavíkur (ÍBR),
en hann og aðrir fulltrúar bandalaga sátu fyrsta þing sitt, þar sem um-
sókn þeirra um aðild að UMFÍ var samþykkt árið 2019.
Guðríður Adnegaard formaður Héraðssambandsins Skarphéðins
(HSK) afhenti Ingvari viðurkenninguna og sagðist hafa fylgst vel með
því hvernig hann bar sig í matar- og kaffitímum.
„Ég hafði sannast sagna áhyggjur af því í einum kaffitímanum að hann
fengi ekki nóg kaffi og sætabrauð. En þá virtist hann bara vera að fullvissa
sig um að allir væru búnir að fá sér einu sinni þegar hann lét til skarar
skríða. Fyrir kvöldmatinn reyndist hann svo vera búinn að hita sig vel
upp, því hann var búinn að sporðrenna hitaeiningum sem áreiðanlega
jafngilda 2–3 samlokum. En það sem skiptir máli er að hann var að allan
tímann og var duglegur. Hann reyndist sannur félagi, sótti brauð fyrir
aðra þegar vantaði á borðið, tók líka vel til matar síns og gekk snyrtilega
frá öllum áhöldum. Gott ef hann smurði ekki fyrir nokkra þingfulltrúa líka,“
sagði hún og afhenti Ingvari forláta farandbikar, ask sem fer annað
hvert ár til þeirra sem verðskulda nafnbótina „matmaður þingsins“.
Hefð hefur verið fyrir því síðan árið 1979 á þingum UMFÍ að velja mat-
mann UMFÍ. Askurinn sem matmaður fær er afhentur í lok síðustu mál-
tíðar þings UMFÍ þeim þingfulltrúa eða stjórnarmanni UMFÍ sem að
mati dómnefndar er þess verðugastur að geyma gripinn til næsta
þings. Við valið er m.a. horft til framgöngu í matar- og kaffitímum
þingsins, beitingar hnífapara, stíls, borðsiða og fleiri þátta. Dómnefnd
er skipuð forseta þingsins og fyrrverandi matmanni.
Ingvar tók við heiðurstitlinum af Guðmundi L. Gunnarssyni, fram-
kvæmdastjóra Ungmennafélagsins Fjölnis í Grafarvogi. Hann var mat-
maður sambandsþings UMFÍ árið 2019.
Ingvar Sverrisson, matmaður þingsins, með askinn góða.
Kristján og Anna nýir
heiðursfélagar UMFÍ
Tveir nýir félagar bættust við í hóp heiðursfélaga UMFÍ á þinginu á
Húsavík. Helga Guðrún Guðjónsdóttir, fyrrverandi formaður UMFÍ,
samfagnaði þeim, en hún var gerð að heiðursfélaga UMFÍ á sambands-
þingi fyrir tveimur árum.
Nýju heiðursfélagarnir, sem jafnframt hlutu heiðurskross UMFÍ, voru
þau Anna Ragnheiður Möller og Kristján Elvar Yngvason. Bæði hafa
þau verið virk innan ungmennafélagshreyfingarinnar um áratuga skeið.
Anna var formaður Ungmennafélagsins Stjörnunnar í Garðabæ og sat
í stjórn UMFÍ í 10 ár. Kristján var um árabil formaður Ungmennafélags-
ins Mývetnings, formaður Glímusambandsins og margt fleira, auk
þess var hann formaður Héraðssambands Þingeyinga. Samhliða þessu
sat hann í stjórn UMFÍ í 14 ár, þar af nokkur ár um leið og Anna. Haukur Valtýsson, formaður UMFÍ, ásamt Kristjáni Elvari Yngvasyni og
Önnu Ragnheiði Möller.
Sambandsþing UMFÍ