Skinfaxi - 01.03.2021, Blaðsíða 23

S K I N FA X I 23
Dæmi um klípu
• Ábyrgðaraðili býr í sama hverfi og þátttakandi
í félagsstarfi fyrir ungmenni.
• Til að þátttakandi þurfi ekki að taka strætó eða bíða
eftir fari býður leiðbeinandi þátttakandanum far heim
eftir fund/hitting.
• Foreldrar þátttakandans þekkja leiðbeinandann.
• Þar sem engin/n býr í nágrenninu eru leiðbeinandi
og þátttakandi ein í bílnum í nokkra stund.
Vangaveltur:
• Er eitthvað athugavert við þessar aðstæður?
• Eru siðareglur brotnar?
• Hver eru viðeigandi viðbrögð í þessari stöðu?
Hvar á ég að.....?
Einstaklingar sem telja sig hafa orðið fyrir óæskilegri hegðun
innan þeirra samtaka sem mynda Æskulýðsvettvanginn og
aðildarfélaga þeirra geta tilkynnt mál til fagráðs Æskulýðs-
vettvangsins. Öllum tilkynningum er tekið alvarlega og þeim
komið í réttan farveg.
Þú getur tilkynnt um óæskilega hegðun hjá Æskulýðsvett-
vanginum.
Þú getur líka tilkynnt um óæskilega hegðun hjá samskipta-
ráðgjafanum.
Um námskeiðið
Mikilvægt er fyrir öll sem starfa með börnum og ungmennum
að vera meðvituð um skyldur sínar og ábyrgð. Siðareglur Æsku-
lýðsvettvangsins gilda fyrir allt starfsfólk og sjálfboðaliða Æsku-
lýðsvettvangsins. Þær snúa annars vegar að sam-
skiptum og hins vegar að rekstri og ábyrgð.
• Á námskeiðinu er farið yfir jákvæð og neikvæð samskipti
og mikilvægi siðareglna í samskiptum.
• Farið er yfir siðareglur Æskulýðsvettvangsins um samskipti
og tekin dæmi um atvik sem geta komið upp í félagsstarfi
sem tengjast siðareglunum og hvernig æskilegt er að
bregðast við mögulegum brotum á siðareglum.
• Fjallað er um tilkynningarskyldu þeirra sem starfa með
börnum og ungmennum.
Markmiðið með námskeiðinu er að starfsfólk og sjálfboðaliðar
í íþrótta- og æskulýðsstarfi þekki siðareglurnar og kunni að
starfa í anda þeirra og að starfshættir einstaklinga, hópa og í
félagasamtökum markist af þeim.
Siðareglurnar í heild sinni má nálgast á vefsíðu
Æskulýðsvettvangsins: www.aev.is og á vefsíðu
UMFÍ www.umfi.is