Bókasafnið - 01.02.1999, Page 51
Efnisorðaskráin er í stöðugri vinnslu og ekki nærri full-
mótuð enn. Tímaskortur og annir við önnur verkefni hafa
komið í veg fyrir að hægt væri að sinna henni eins vel og
nauðsynlegt væri. Alltaf þarf að vera að endurskoða og lag-
færa. Einnig væri æskilegt að kanna betur viðbrögð frá not-
endum því að fyrir þá er leikurinn gerður. Efnisorðaskráin
verður seint fullbúin og aldrei fullkomin en einhvers staðar
verður að byrja. Hún kemur þó fyrst að fullum notum þegar
hún verður felld inn í eina allsherjar efnisorðaskrá sem verður
aðgengileg í tölvutæku formi og þá helst á Netinu. Slík skrá
mun þó líklega verða að bíða nýs tölvukerfxs fyrir bókasöfn.
Heimildir
Björn Þ. Guðmundsson: Lögbókin þín. [2. útg., endurskoðuð]. [Reykjavík]:
Örn og Örlygur, 1989.
Heimildaskráning. Aðferðir við athugun heimilda, greiningu á efni þeirra og
val efnisorða. Documentation: methods for examining documents, det-
ermining their subjects, and selecting indexing terms. [Guðrún Karls-
dóttir, Sigurður J. Vigfússon og Þórdís T. Þórarinsdóttir þýddu staðalinn
og gengu frá handriti ásamt Nönnu Bjarnadóttur]. Reykjavík: Staðlaráð
íslands, 1994 (IST ISO 5963:1985).
Heimildaskráning. Leiðbeiningar um gerð og þróun kerfisbundinna efnis-
orðaskráa á einu tungumáli. Documentation: guidelines for the establis-
hment and development of monolingual thesauri. Flokkunarnefnd
þýddi. Reykjavík: Iðntæknistofnun íslands, 1991 (ÍST 90).
Margrét Loftsdóttir og Þórdís T. Þórarinsdóttir: Kerfisbundinn efnisorðalykill
(thesaurus) fyrir bókasöfn. 2. útg., aukin og endurskoðuð. Reykjavík: höf.,
1996.
Weinberg, Bella Hass. „Library classification and information retrieval
thesauri: comparison and contrast." Cataloging & classification quarterly
19(3/4)1995, bls. 23-44.
Þórdís T. Þórarinsdóttir: „Kerfisbundnar efnisorðaskrár: uppbygging og
notagildi við lyklun heimilda“. Bókasafnið 20, (1996), bls. 5-12.
English Summary
Subject Indexing for Law and
the Compilation of a Legal Thesaurus
For many years the author has classified all law books for the University
Library in Iceland. After the card catalogue was converted into the library
system, Gegnir, it became increasingly important to supply subject terms
for law books in order to make information retrieval simpler and at the
same time more efficient for the library’s users. Foreign records, downloaded
from OCLC etc., are usually supplied with subject terms but not many of
the libraryís law books are English Therefore the author began to allocate
subject terms to all law books and almost immediately it was decided that a
thesaurus should be made at the same time. This work is still in process and
the article describes the work done so far.
ÁA
-------------------------------------- Á BÓKASAFNINU ---------------------------------------------
Jean-Paul Sartre: La nausée
Þýð.: Áslaug Agnarsdóttir
Miðvikudagur. Síðasti dagurinn í Bouviile.
Klukkan var að verða tvö þegar ég kom á bókasafnið. Eg hugsaði með mér: Bókasafnið. Ég geng hér inn í
síðasta sinn. Lestrarsalurinn var nærri mannlaus. Mér fannst hann einhvern veginn ókunnuglegur af því ég
vissi að ég ætti aldrei eftir að koma hingað aftur. Hann var eins og baðaður í mistri, óraunverulegur, í
rauðum tónum. Sólin var að setjast og varpaði rauðleitum bjarma á hurðina, bókarkilina og lesborðið sem var
frátekið fyrir konur. Eitt andartak fékk ég það þægilega á tilfínninguna að ég væri að stíga inn í skógar-
þykkni skrýtt gylltum laufblöðum ...
Tveir strákar með skólatöskur komu inn. Framhaldsskólanemar. Korsíkubúanum líkar vel við
framhaldsskólanema vegna þess að hann getur haft föðurlega umsjón með þeim. Hann hefur ánægju af því að
leyfa þeim að leika sér aðeins á stólunum og spjalla saman, svo læðist hann að þeim og skammast: - Hvers
konar hegðun er þetta? Strákar á ykkar aldri! Ef þið bætið ekki framkomu ykkar þá kvartar bókavörðurinn
við skólastjórann.
Og ef þeir malda í móinn starir hann á þá ógnvekjandi augum. - Hvað skylduð þið svo heita? Hann
fylgist líka með lesefni þeirra. A bókasafninu eru sumar bækur merktar með rauðum krossi. Það eru bönnuðu
bækurnar, rit eftir Gide, Diderot og Baudelaire og svo nokkrar læknisfræðiritgerðir. Ef skólanemi biður um
eina þessara bóka, þá gefur Korsíkubúinn honum merki, dregur hann afsíðis og byrjar að yfirheyra hann.
Eftir skamma stund missir hann stjórn á sér og rödd hans glymur um allan salinn. — Það eru til fjölmargar
áhugaverðar bækur fyrir drengi á þínum aldri! Fræðandi bækur. Ertu búinn að gera heimavinnuna? I hvaða
bekk ertu? 5. bekk? Og hefurðu ekkert að gera eftir kl. fjögur? Kennarinn þinn kemur oft hingað og ég ætla
að láta hann vita!
Bókasafnið 23. árg. 1999
49