Bókasafnið - 01.02.1999, Page 90

Tímaritið BÓKASAFNIÐ
Samningur útgefenda
Útgefendur
Bókavarðafélag Islands (BVFI) og Félag bókasafnsfræðinga
Hlutverk og markmið
1. Hlutverk
Bókasafnið er málgagn bókasafnsfræðinga, bókavarða og áhugamanna um
bókasafna- og upplýsingamál.
2. Útgáfutíðni
Bókasafnið er ársrit og komi út eigi síðar en í maí ár hvert.
3. Útbreiðsla
Ritnefnd leitast við að vinna að aukinni útbreiðslu blaðsins, t.d. með
dreifmgu á kynningareintökum og með lausasölu.
Stjórnun
1. Ritnefnd
Ritnefndin sér um að gefa út og dreifa Bókasafninu. Ritnefnd starfar
sjálfstætt og ber faglega og fjárhagslega ábyrgð gagnvart BVFI og FB.
Ritnefnd Bókasafnsins er samstarfsnefnd, skipuð fímm fulltrúum, tveim
frá hvorum útgáfuaðila ásamt ritstjóra. Skipunartími hvers ritnefndarfull-
trúa er a.m.k. tvö ár. Hvor útgáfuaðili tilnefnir einn ritnefndarmann ár
hvert að höfðu samráði við ritstjóra. Utgefendur skiptast á um að tilnefna
ritstjóra þegar það á við til 3ja ára með möguleika á framlengingu í allt að
þrjú ár.
Ritnefnd kemur saman a.m.k. einu sinni fyrir sumarleyfi ár hvert og
skiptir með sér verkum. Ritnefnd kýs m.a. ritara og gjaldkera úr sínum
hópi. Nefndarmenn annast söfnun greina og mynda, lestur prófarka og sjá
um öflun auglýsinga. Ritnefnd skal hefja störf að hausti (í sept.). Hafa skal
samband við ritstjórn eigi síðar en 1. nóv. varðandi birtingu efnis.
Ritnefnd skilar endurskoðuðum reikningum (rekstrarreikningi, ársreikn-
ingi) og starfsskýrslu vegna útgáfu Bókasafnsins til útgáfuaðila og kynnir á
aðalfundi FB og ársþingi BVFÍ.
2. Ritstjóri
Ritstjóri er ábyrgðarmaður blaðsins. Hann er formaður ritnefndar og kallar
hana saman til funda.
Ritstjóri annast samskipti við prentsmiðju og leitar jafnan hagstæðasta
tilboðs í samráði við gjaldkera. Hann býr handrit til prentunar og skiptir
verkum með nefndarmönnum, s.s. prófarkalestri og umsjón með netútgáfú.
Ritstjóri gerir skýrslu um störf ritnefndar í lok hvers starfsárs og skilar til
útgáfuaðila fyrir aðalfund FB og ársþing BVFÍ.
3. Ritari
Ritari semur fundargerðir ritnefndar og sendir nefndarmönnum.
4. Gjaldkeri
Gjaldkeri sér um fjármál Bókasafnsins. Hann gerir fjárhagsáætlun í samráði
við aðra nefndarmenn og tekur saman ársreikninga. Gjaldkeri innheimtir
áskriftir og auglýsingar og greiðir kostnað við blaðið, s.s. prentun, gíróseðla
o.fl.
Fjármál og bókhald
1. Útgáfukostnaður
Stefnt er að því að auglýsingatekjur standi undir kostnaði við útgáfu
blaðsins. Gangi það ekki eftir skal haft samráð við stjórnir félaganna áður en
til fjárhagslegra skuldbindinga kemur. Utgefendur greiða þá áskriftargjöld,
sbr. 4. lið hér að neðan.
/
2. Utsendingarkostnaður
Greiða skal burðargjald samkvæmt hagstæðustu kjörum hverju sinni.
3. Auglýsingar
Ritnefnd ákveður verð auglýsinga. Stefna ber að því að þær verði um 20% af
stærð blaðsins.
4. Askriftir
Standi auglýsingatekjur undir útgáfukostnaði og öðrum gjöldum sem
tengjast útgáfu blaðsins, sbr. 6. og 7. lið, falla áskriftargjöld félaganna niður.
Uppgjör skal fara fram vegna hvers tölublaðs um sig. Innheimtu á áskriftar-
gjöldum félagsmanna verði háttað þannig að útgefendur greiða kostnað á
þann veg að hlutfall félaganna af greiðslunni er FB: 40%, BVFÍ: 60%.
5. Hagnaður af útgáfu
Hagnaður af útgáfu Bókasafnsins skal í samráði við útgefendur lagður í sjóð
til eflingar tímaritinu og annarri útgáfustarfsemi félaganna. Ef tap verður á
útgáfu þegar tekjur og gjöld hafa verið gerð upp og sjóður hefur verið
tæmdur skulu útgáfuaðilar skipta með sér útgjöldunum, sbr. grein 1 og 4.
6. Þóknanir til ritnefndar
Ritstjóri fær andvirði einnar baksíðuauglýsingar fyrir vinnu og kostnað við
hvert tölublað, gjaldkeri og umsjónarmaður netútgáfu jafnvirði hálfsíðuaug-
lýsingar í svarthvítu og aðrir í ritnefnd fái sem nemur hálfri þeirri upphæð.
7. Þóknanir fyrir greinar
Stefnt skal að því að greiða þóknanir fyrir efni blaðsins. Ritnefnd ákveður
upphæð þóknana fyrir greinar og útdrætti á ensku í samráði við útgefendur
ef fjárhagsstaða tímaritsins leyFir.
8. Endurskoðendur
BVFÍ og FB tilnefna hvort sinn endurskoðanda að bókhaldi.
9. Gildistaka og endurskoðunarákvæði
Til þess að reglur þessar öðlist gildi þarf að samþykkja þær í stjórnum FB og
BVFÍ. Reglurnar skulu endurskoðaðar ef annar útgáfuaðili eða ritnefnd óska
þess.
Reykjavík, 3■ mars 1999,
Samþykkt ístjóm BVFÍ, 19. febrúar 1999 Samþykkt istjóm FB, 11. febrúar 1999
Þórdis T. Þórarinsdóttir, Gunnhildur Manfreðsdóttir,
fonnaðtir BVFÍ fomiaður FB
(sign.) (sign.)
88
Bókasafnið 23. árg. 1999