Bókatíðindi - 01.11.2023, Blaðsíða 41

SVK
Bakland
Höf: Hanna Óladóttir
Líf þriggja gjörólíkra kvenna fléttast óvænt saman
þegar dætur þeirra lenda á villigötum. Þær eru
bakland barna sinna en bera sjálfar bagga úr
eigin uppvexti. Áhrifamikil ljóðsaga um áföll,
f íkn og kerfið sem bregst þegar á reynir. Bakland
er þriðja ljóðabók Hönnu Óladóttur.
108 bls.
Forlagið - Mál og menning
IB
Byggð mín í norðrinu
Höf: Hannes Pétursson
Í þessari bók eru samankomin mörg af ástsælustu
ljóðum Hannesar Péturssonar sem sjálfur hefur sett
saman þetta úrval. Ljóðin tengjast öll Skagafirði, geyma
sum æskuminningar skáldsins eða fjalla um sögulega
atburði. Annar Skagfirðingur, Sölvi Sveinsson, ritar
eftirmála og segir frá tildrögum einstakra ljóða.
91 bls.
Forlagið - Mál og menning
KIL
Dóttir drápunnar
Höf: Gunnhildur Þórðardóttir
Dóttir drápunnar er sjötta ljóðabók höfundar.
Ljóðin eru hugleiðingar allt árið um kring um
viðburði, persónur og náttúruna. Þetta eru
rómantískar lýsingar á landslagi, manneskjunni,
menningu og hlutum en einnig kemur við sögu
feminismi loftslagsumræða og jafnrétti.
42 bls.
Bókaútgáfan Sæmundur
SVK
Dulstirni / Meðan glerið sefur
ljóðatvenna
Höf: Gyrðir Elíasson
Ljóðheimur Gyrðis Elíassonar er í senn víðfeðmur
og nærtækur. Þar skarast innri og ytri öfl, draumur
og veruleiki, orð og athafnir. Líf mannsins í
hverfulum heimi er nú sem fyrr höfuðviðfangsefni
skáldsins og yrkisefnin óþrjótandi. Í þessari
myndarlegu ljóðatvennu birtast rúmlega 200 ný
og fersk ljóð sem eiga erindi við samtímann.
232 bls.
Dimma
KIL
Eiginkona Bipolar 2 - Ljóðasaga
Eiginkona Bipolar 2
Ljóðsaga
Höf: Elín Kona Eddudóttir
Ljóðabókin Eiginkona Bipolar 2, eftir Elínu
Konu Eddudóttur, inniheldur fimmtíu ljóða sögu
sem hún skrifaði á árunum 2016-2018 þegar
eiginmaður hennar til 26 ára hóf að glíma við
Bipolar 2. Hún skrifaði ljóðin eins og dagbók, til
að ná utan um líðan sína á þessu tímabili og hina
hröðu atburðarás og koma henni í orð.
105 bls.
Elín Kona Eddudóttir
Ljóð og leikhandrit
KIL
Að innan erum við bleik
Höf: Solveig Thoroddsen
Að innan erum við bleik er önnur ljóðabók höfundar
sem hefur hlotið viðurkenningar og tilnefningar
fyrir kveðskap sinn. Hér hittum við fyrir nýstárlegan
tón þar sem saman fer kímni og hráblaut sýn
á veruleika vinnandi fólks sem elskar.
48 bls.
Bókaútgáfan Sæmundur
IB
Anatómía fiskanna
Höf: Sölvi Björn Sigurðsson
Á samkomustaðnum Glóðarauganu ríkir sundrung
eftir að Guðmundur Hafsteinsson hefur að semja
smáauglýsingar í mannlífsblöð um líf sitt þar og
annarra er staðinn sækja. Póstþjónusta Reykjavíkur
sér þess ei annan kost en að gefa út sérrit til skýringar
á því hvers vegna útburðarkonan Absentína
Valsdóttir kýs að dreifa ekki þeim auglýsingum.
112 bls.
Sögur útgáfa
SVK
Áður en ég breytist
Höf: Elías Knörr
Elías er verðlaunaskáld og þýðandi frá Galisíu sem
yrkir á íslensku af ótrúlegu öryggi og innsæi. Sjálfur
lýsir hann þessari bók sem „svaðilför í ljóðum þar sem
höfundurinn keppist við að bjarga minningum“.
94 bls.
Forlagið - Mál og menning
KIL
Áttunda Davíðsbók
Höf: Davíð Hjálmar Haraldsson
Fátt er áhrifameira en að lesa ljóð undir flóknum
bragarhætti og sjá og finna að allt komist til skila,
verða vitni að því hvernig orðfærnin ljómar af
hverri braglínu. Davíð Hjálmar er meistari hins
hefðbundna ljóðs. Þessi bók er samfelld veisla
fyrir hvern þann sem ann íslenskri braglist.
158 bls.
Bókaútgáfan Sæmundur
B Ó K A T Í Ð I N D I 2 0 2 3 41GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Ljóð og leikhandrit
Ljóð og leikhandrit