Bókatíðindi - 01.11.2023, Blaðsíða 66

SVK
Hundrað og þrjú ráð fyrir lífið
Gagnlegar ráðleggingar úr Biblíunni til að lifa góðu lífi
Höf: Petrína Mjöll Jóhannesdóttir
Lífsviska og hollráð í frásögum Biblíunnar og orðum
Jesú eru sett fram með orðum hversdagsins í 103
köflum og hugleitt hvernig þau geta nýst nútímafólki.
Ráð eins og „Varðveit hjarta þitt öllu fremur því að þar
eru uppsprettur lífsins“ (Úr Davíðssálmum) „Sólin má
ekki setjast yfir reiði ykkar“ (úr Efesesusbréfinu).
280 bls.
Skálholtsútgáfan - Kirkjuhúsið
IB
Kjarni kristinnar trúar
Höf: C. S. Lewis
Þýð: Andrés Björnsson og Þóra Ingvarsdóttir
Bókin er aðgengileg umfjöllun um það sem kristið
fólk trúir og ein hin vinsælasta sinnar tegundar.
Hún er safn einstakra útvarpserinda sem flutt voru
í síðari heimsstyrjöldinni. Höfundur setur fram
kraftmikil rök til varnar kristinni trú á þann hátt
sem höfðar til trúaðs fólks jafnt sem vantrúaðs.
192 bls.
Salt útgáfufélag
IB
Kynlegt stríð
Ástandið í nýju ljósi
Höf: Bára Baldursdóttir
Þegar breski herinn hernam Ísland þann 10. maí
1940 kviknuðu miklar áhyggjur af samgangi ungra
íslenskra kvenna og hermannanna. Yfirvöld njósnuðu
um mikinn fjölda stúlkna og fullveðja kvenna sem
taldar voru ógna íslenskri menningu og þjóðerni.
Einstök bók um örlagatíma í sögu þjóðarinnar.
207 bls.
Bjartur
IB
Kyrrðarlyklar
Höf: Bylgja Dís Gunnarsdóttir
Myndh: Angela Árnadóttir
Kyrrðarlyklar eru 86 spjöld sem veita stuðning við
ástundun tveggja bænaaðferða sem eiga rætur í
hugleiðsluhefð kristinnar trúar. Þær eru Kyrrðarbæn
sem fer fram í þögn og Lectio Divina þar sem
beðið er með ritningarvers að leiðarljósi. Regluleg
ástundun hefur umbreytandi áhrif sem felur meðal
annars í sér meiri sjálfsþekkingu og innri frið.
200 bls. / klst.
Skálholtsútgáfan - Kirkjuhúsið
IB
Samfélag eftir máli
Bæjarskipulag á Íslandi og fræðin um hið byggða
umhverfi
Höf: Haraldur Sigurðsson
Þetta er skipulagssaga Reykjavíkur og bæja og þorpa á
Íslandi á 20. öldinni. Þetta er saga átaka og hugsjóna,
saga hugmynda og nýrra strauma, en fyrst og fremst
saga þjóðar á miklum umbrotatímum. Ritið er með
gagnrýnum undirtóni og byggir á áralangri rannsókn
og víðtækri reynslu höfundar af skipulagsmálum.
538 bls.
Sögufélag
Sagnfræði,
trúarbrögð og
ættvísi
IB RAF
Ástin, trú og tilgangur lífsins
Höf: Sigurður Árni Þórðarson
Í tilefni af sjötugsafmæli Sigurðar Árna Þórðarsonar
þann 23. desember kemur nú út glæsileg stórbók með
íhugunum hans helstu kennidaga ársins. Sigurður
Árni hefur starfað sem prestur og fræðimaður og
verið einn kunnasti kennimaður Íslendinga síðustu
áratugi. Hann flutti prédikanirnar í þessari bók í
Neskirkju og Hallgrímskirkju á árunum 2003–23.
448 bls.
Veröld
SVK
Bati frá tilgangsleysi
Höf: Bjarni Karlsson
Maðurinn er eina dýrið sem getur dáið úr tilgangsleysi.
Hvað er að hjá okkur mannfólkinu? Hér fléttast saman
veraldleg og trúarleg hugsun um það sem skiptir máli í
dag, að taka ábyrgð gagnvart umhverfi og mennsku.
224 bls.
Skálholtsútgáfan - Kirkjuhúsið
SVK
Dag í senn - ný endurbætt útgáfa
Hugleiðingar fyrir hvern dag ársins
Höf: Karl Sigurbjörnsson
Hollt og nærandi veganesti fyrir hvern dag ársins.
Stuttar og grípandi íhuganir miðla von í önnum
hversdagsins. Þær eru bornar uppi af reynslu,
kærleika, glaðværð og glettni. Höfundur vitnar
um kristna trú af einbeitni og hispursleysi.
544 bls.
Skálholtsútgáfan - Kirkjuhúsið
IB
Fornihvammur
Höf: María Björg Gunnarsdóttir
Fornihvammur er sögufrægur áningarstaður á
leiðinni yfir Holtavörðuheiði. Saga þessa merka
staðar að fornu og nýju er hér rakin allt til ársins
1977 þegar byggð lagðist af. Höfundur ólst sjálf
upp í Fornahvammi og þekkir þar vel til.
200 bls.
Bókaútgáfan Sæmundur
B Ó K A T Í Ð I N D I 2 0 2 3 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa66
Sagnfræði, trúarbrögð og ættvísi
Sagnfræði, trúarbrögð og ættvísi