Goðasteinn - 01.09.1971, Síða 31

Mjúlkurtrog Hjörleifs á Syðstu-Grund.
Ljósm. Vigfús L. Friðriksson.
Öll gömul trog eru trénegld. Það er ekki, fyrr en undir lok 19.
aldar, sem tekið er að beita járnneglingu við trogasmíði. Trogs-
botnar eru oftast smíðaðir úr heilli fjöl. Væri ekki völ á heilli
fjöl, þá voru botnfjalir blindingaðar saman með trénöglum.
Stærstu trog Skógasafns benda til þess, að ekki hafi verið sett
upp í þeim öllu meira en 20 merkur af mjólk, enda fór þá að
verða fullerfitt að hafa gott vald á trogi, er því var rennt.
Ekki væri úr vegi að leiða huga.nn aðeins að konunni, sem
vann að því á málum að renna trogum: Mjólkurtrogin stóðu á
hillum í búri eða mjólkurkofa. Konan gekk þar að með mjólkur-
skjólurnar. Til heilla brá hún krossmarki yfir trogin og setti síðan
upp í þau, eitt af öðru. Nú þurfti mjólkin drjúgan tíma til að
skiljast. Tví- eða þrídægruð mjólk var tíðast skilin, rjóminn hafði
skilið sig frá undanrennunni og va«: setztur ofaná í misjafnlega
þykkri skán eftir því hvað mjólkin var kostgóð.
Þá var óhætt að fara að renna trogum. Mjaltaskjólan var sett á
búrgólfið, síðan tók konan trogið báðum höndum og setti það
Goðasteinn
29