Goðasteinn - 01.09.1971, Page 80

Þar átti forðum sinn unaðsdraum
ýtur svanni, hreinn,
síðar hljóður og einn,
sinn hverfula draum.
I brekkunni er hrím.
Við bjartan straurn
drúpir blágrýtissteinn,
horfir hljóður og einn
í hyldjúpan straum.
SUMARIÐ FÓR í GÆR
Á fjallatindum er frost og snjór,
færist þú, vetur, nær.
Líður í geiminn léttur kór,
lóan, með hljóðin skær.
Flögrar í skjólin furðu stór,
flokkur, með loðnar tær.
Kveinar við hleinar saltur sjór.
Sumarið fór í gær.
VÖGGUVÍSA
Er líður kyrrð um dalinn
og litlu blómin anga
og ljúfur blærinn strýkur þýtt um vanga
og hljóðnaður er fuglinn með höfuð undir væng
og hnigin fögur sólin við hafsins mjúku sæng,
þá lokast bláu augun þín,
ég held um þína hönd.
Þú hverfur inn í sólskins draumalönd.
78
Goðasteinn