Náttúrufræðingurinn - 2023, Page 27

Holur á botni Geirþjófsfjarðar
og líklegur uppruni þeirra
Kjartan Thors og Guðbjörn Margeirsson
INNARLEGA Í GEIRÞJÓFSFIRÐI, sem er einn af Suðurfjörðum
Arnarfjarðar, eru stórar holur í botnsetinu, og er stærsta holan
280 metrar í þvermál og 20 metrar á dýpt. Botninn umhverfis
holurnar er á rúmlega 70 metra dýpi. Holurnar voru fyrst kort-
lagðar í leiðangri rs. Árna Friðrikssonar 2002. Köfunarþjónustan
ehf. kannaði þær nánar í október og nóvember 2022.
Hér verður holunum lýst á grundvelli framangreindra mælinga. Birt
eru gögn sem gefa færi til ágiskana um uppruna þeirra. Gögnin
gefa einnig upplýsingar um virkni í holunum á undanförnum árum.
Giskað er á að holurnar hafi myndast við uppstreymi vökva. Ljóst
er að frekari rannsókna er þörf til staðfestingar þeirrar tilgátu,
t.d. könnunar á eðli vökvans.
400200
200
400
N W
-200-400
27Náttúrufræðingurinn 93 (1–2) bls. 27–33, 2023