Skólavarðan - 2023, Blaðsíða 7

HAUST 2023 SKÓLAVARÐAN 7
Rannsóknasjóður / FRÉTTIR
Rannsóknasjóður KÍ hefur fest sig vel í
sessi og á næstu vorönn verða sjö milljónir
króna til úthlutunar. Fjöldi umsókna hefur
verið mismikill eftir árum en alls hafa 26
rannsóknarverkefni hlotið styrk úr sjóðnum.
Vert að vekja athygli félagsfólks á
sjóðnum svo hægt sé að undirbúa umsóknir
og verkefni tímanlega. Frestur til að skila
inn umsókn hefur jafnan verið í apríl en nú
stendur til að flýta þeirri dagsetningu og
óska eftir skilum 10. mars. Næsta úthlutun
verður sú sjötta frá stofnun sjóðsins.
Stjórn Rannsóknasjóðs mun kynna
áherslusvið næstu úthlutunar
5. janúar næstkomandi. Í reglum sjóðsins
segir að rannsóknir skuli beinast að
daglegum störfum félagsmanna, nýjum við-
fangsefnum og starfsaðferðum og breytilegu
hlutverki menntunar.
Verkefnin sem hafa verið styrkt
hafa frá upphafi verið afar fjölbreytt og
áhugaverð. Félagsfólk er hvatt til að kynna
sér Rannsóknasjóðinn og regluverkið sem
unnið er eftir á vefsíðu Kennarasambands-
ins. Úthlutun er áætluð 15. apríl.
Verkefni styrkt af Rannsóknasjóði KÍ
árið 2023:
 X Upplifun nemenda af námi í kvöld-
skóla VMA
 X Þróun kennsluhátta í Reykholtsskóla í
kjölfar spjaldtölvunotkunar í skólastarfi
 X Hvað eru verðug verkefni fyrir
nemendur í framhaldsskóla?
 X Könnun á hvernig fordómar birtast í
garð hinsegin nemenda
Rannsóknasjóður beinir því til umsækjenda að fjalla um dagleg störf kennara og stjórnenda,
ný viðfangsefni og hlutverk menntunar.
Úthlutun næsta árs undirbúin:
26 rannsóknarverkefni hafa
hlotið styrk úr Rannsókna-
sjóði KÍ
Viltu gerast
félagi í FKE?
Kennari sem fer á eftirlaun verður
ekki sjálfkrafa félagi í Félagi kennara á
eftirlaunum (FKE), heldur þarf hann
að sækja sérstaklega um það. Sótt er
um aðild á vefsíðu KÍ, www.ki.is, með
því að ýta á umslagið neðst til
hægri á forsíðunni. Þar er
skráningarform sem
þarf að fylla út og
velja málaflokk-
inn félagsaðild að
FKE.
FKE er með
um 2.200 félags-
menn. Starfsemi félagsins
er lífleg og er efnt til margs
konar viðburða á ári hverju. Vefsíðu
FKE er að finna á þessari slóð: fke.is/.
Kennarasamband Íslands ætlar að leggja
þjónustukönnun fyrir félagsfólk á nýju ári.
Könnunin, sem unnin er í samstarfi við
Félagsvísindasvið Háskóla Íslands, verður
borin undir úrtak úr hópi rúmlega 11.300
félagsmanna KÍ snemma árs 2024.
Markmið könnunarinnar er að skoða
viðhorf félagsfólks til ýmissa mála sem
tengjast kennarastarfinu og starfsemi
Kennarasambandsins. Vonir standa til að
niðurstöður liggi fyrir á vordögum næsta
árs.
Vinnuumhverfis-
nefnd segir ...
Vinnuumhverfisnefnd bendir
á að á vef KÍ má finna drög að
viðbrögðum við ýmsum atvikum
sem hent geta kennara. Um ræðir
samskiptavanda, kynferðislega
og kynbundna áreitni, ofbeldi
og vinnuslys en einnig má finna
viðbragðsáætlun vegna breytinga-
skeiðs kvenna.
Allir sem fæðst hafa með
kvenkyns æxlunarfæri geta farið
á hið alræmda breytingaskeið en
með réttum viðbrögðum, læknis-
heimsókn og breytingum í vinnu-
umhverfi má minnka einkenni
þess mjög mikið og koma jafnvel í
veg fyrir langvinna erfiðleika sem
leitt geta til langtímaveikinda.
Vinnuumhverfisnefnd hvetur alla
til að lesa upplýsingarnar.
Upplýsingar eru auðfundnar á
vef KÍ, undir hatti kennarastarfs-
ins.
Ertu með hugmynd?
Ritstjórn Skólavörðunnar er alltaf
á höttunum eftir góðu umfjöll-
unarefni sem tengist skóla- og
menntamálum. Endilega sendið
okkur línu ef þið lumið á hugmynd
að áhugaverðu efni sem við getum
gert skil í blaðinu. Netfangið er
utgafa@ki.is.
Þjónustu könnun í undirbúningi