Skólavarðan - 2023, Blaðsíða 22

22 SKÓLAVARÐAN HAUST 2023
KENNARASAMBANDIÐ / Hringferð
S endinefnd KÍ var boðið í
heimsókn í leikskólann
Ugluklett í Borgarnesi
þegar Hringferðalangarnir
voru staddir fyrir vestan. Kristín
Gísladóttir skólastjóri tók vel á móti
nefndinni og fór yfir hugmyndafræðina
sem starfað er eftir í skólanum;
hugmyndir jákvæðrar sálfræði og
kenningar Mihaly Csikszentmihalyi
um flæði.
Þar er ekki unnið eftir „klukkunni“
heldur starfað eftir opnu dagskipulagi
sem þýðir að börnin hafa áhrif á daginn
sjálf, ráða því hvaða viðfangsefni
þau velja sér og hversu lengi þau eru
á hverjum stað, eins og útskýrt er á
heimasíðu skólans.
Leikskólastarfið hvati fyrir námið
Á Uglukletti hitti Skólavarðan fyrir
Dröfn Traustadóttur, kennara og
deildarstjóra yngstu deildar, Skessu-
horns.
Dröfn, sem hefur starfað í 16 ár
við skólann, fór óhefðbundna leið að
kennarastarfinu. Eftir um sex ár í starfi
ákvað hún að fara í nám með starfinu,
þá 43 ára.
„Ég byrjaði bara á núlli fyrir tíu
árum. Fer í menntaskólann til að vinna
mér inn einingar; fer svo í leikskólalið-
ann; og fer svo í raunfærnimat og fæ
einingar þar líka þannig að þá kemst ég
inn í háskólann,“ útskýrir Dröfn.
Átta árum eftir að hún hóf námið
var Dröfn útskrifuð með B.Ed. og M.T.
í leikskólakennarafræðum. Og hún er
hvergi nærri hætt, heldur er nú nemi í
viðbótardiplómu í foreldrafræðslu og
uppeldisráðgjöf.
Augun opnast í náminu
Hún segir margt hafa breyst og vera
öðruvísi við kennsluna fyrir og eftir
menntun. „Augun opnast fyrir svo
mörgum hlutum og maður er meðvit-
aðri um svo margt sem maður hafði
ekki hugmynd um áður.“
Áður en Dröfn tók við yngstu
deildinni vann hún með elstu krökkun-
um. Það sama gildir um flutninga milli
deilda; margt er ólíkt við starfið.
„Það er ekki hægt að segja að annað
sé auðveldara eða erfiðara. En það er
rosalega ólíkt,“ segir hún. Það sé til
dæmis meiri vinna við undirbúning og
oft meira námsefni sem þarf að komast
yfir á meiri hraða með elstu krökkunum.
Svo eru samskiptin ólík að sjálfsögðu.
„Ég er náttúrlega bara búin að
njóta þess að vera syngjandi síðan ég
kom inn á yngstu deild. Mér finnst
gaman að syngja og þar nýtur maður
sín alveg mjög mikið í því.“
Sjálfstæð vinnubrögð í fyrirrúmi
Líkt og áður segir er opið dagskipulag á
Uglukletti og flæði haft í fyrirrúmi. Það
þýðir að börnin fá til að mynda að velja
sér hvað þau vilja gera yfir daginn, til
dæmis að vera á útistöð eða að syngja
og spila á tónastöð og þar fram eftir
götunum.
Dröfn, sem segir tónlistarstöðina
og listakrókinn vera í sérlegu uppá-
haldi, finnst fyrirkomulagið henta sér
afar vel. „Fyrir mér er sérstaða skólans
sú að ég fæ að vera rosa mikið á mínum
forsendum og stjórna því hvernig ég
vinn. Mér er treyst og við erum ekki á
klukkunni. Yfirleitt þegar ég hef komið
með hugmyndir er mjög vel tekið í
þær.“
Aðspurð um kosti og galla þess að
vinna í flæði segist Dröfn ekki lengur
sjá neina galla við kerfið, aðeins kosti.
„Einhvern tímann hefði mér örugglega
þótt kostir og gallar, en þegar maður er
búinn að læra inn á þetta þá finnst mér
Tæplega áttatíu
börn eru á leik-
skólanum Uglu-
kletti í Borgarnesi,
sem byggður var
árið 2007. Þar er
starfað eftir opnu
dagskipulagi,
kenningum Mihaly
Csikszentmihalyi
um flæði og
hugmyndum já-
kvæðrar sálfræði.
Borgarnes
Frelsið það besta við starfið
þetta bara æðislegt að geta haft þetta
svona.“
Best að starfa með börnum
Aðspurð um hvað sé best við kennara-
starfið svarar Dröfn: „Það er bara að fá að
vera innan um börn. Þau eru náttúrlega
bara skemmtilegust. Og að fá að þróa
sig áfram með þeim, að við getum þróað
okkur saman. Mér finnst þetta frelsi í
leikskólakennarastarfinu það besta.“
En hver er þá helsta áskorunin?
„Við erum alltaf að reyna að efla lýðræði
hér á Uglukletti. Mér hefur fundist
það að reyna að gera þau meðvituð um
lýðræði ein helsta áskorunin,“ útskýrir
hún. Sem og að ganga úr skugga um
að hver og einn fái að njóta sín. „Það er
svona áskorunin, að við getum verið með
nógu marga bolta á lofti fyrir alla, þannig
að allir njóti sín.“
Að lokum er Dröfn spurð út í hvað
brenni á henni varðandi kennarastarfið,
stéttina og kjörin. „Starfsumhverfið
er ekki gott. Það þarf að bæta það.
Mér finnst vanta fleira fólk eða meira
rými. Eða bæði. Til þess að geta unnið
svona þá byggir það á því að við séum
nógu mörg til að valda því.“ Þegar það
bregðist geti verið stutt í kulnun í starfi.
„Ég held að það sé mest aðkallandi að
hafa umhverfið nógu gott.“