Skólavarðan - 2023, Blaðsíða 19

HAUST 2023 SKÓLAVARÐAN 19
Elísabet Ásta Ólafsdóttir / VIÐTAL
Markmið hraðalsins er að styðja
við konur sem eru að taka sín fyrstu
skref í frumkvöðla- og nýsköp-
unarheiminum. Þar fer maður í gegnum
alþjóðlegt netnámskeið þar sem
meðal annars eru kennd vinnubrögð
við upphaf hugmyndasmíðar. Það að
fá hugmynd er eitt en að koma henni
á næsta stig krefst mikillar vinnu og
þrautseigju. Í hraðlinum öðlaðist ég
mikla og dýrmæta reynslu en ekki síst
kynntist ég konum sem eru á svipuðum
stað og ég í frumkvöðlastarfsemi. Mér
þykir mikilvægt að hafa tengslanet sem
ég upplifi að standi með manni og gefi
hreinskilna endurgjöf, biðji maður um
hana.
Aðalmarkmið AWE hraðalsins
var að setja saman viðskiptaáætlun og
kynna hana að lokum fyrir dómnefnd.
Viðskiptaáætlunin var krefjandi
verkefni. Hún virtist í fyrstu heldur
ógerleg en með reglulegum vinnustund-
um og ástundun var hún allt í einu klár.
Netnámskeiðið sem er kennt í AWE fer
nefnilega ítarlega yfir öll atriði, stór og
smá, sem snerta þarf á í góðri við-
skiptaáætlun. En vissulega var það ekki
gert á einum degi. Þá lærði ég einnig
hvernig maður ber sig að með alls
konar hagnýt atriði eins og hluthafa-
samkomulag í samstarfi, hvernig maður
sækir um styrki úr sjóðum og hvernig
er best að koma hugmyndinni sinni á
framfæri. Undir lok námskeiðsins var
haldin uppskeruhátíð og verðlaun veitt
fyrir verkefni sem talin voru best. Það
varð svo niðurstaðan að ég hafnaði í
öðru sæti og ég er afar stolt af þeirri
viðurkenningu sem því fylgir.“
Þróun smáforritsins heldur áfram
Elísabet Ásta segir að til að hún gæti
tekið lausnina á næsta stig hafi hún
orðið að gefa sér frekara svigrúm til
vinnu. „Það er að mörgu að huga við
þróun smáforrits og afar mikilvægur
þáttur er greining á markaði. Nauðsyn-
legt er að fyrir liggi hvað notendur
þurfa og vilja og þær ástæður sem þar
liggja að baki. Þróun smáforrits, sem
hægt er að bjóða á samkeppnishæfum
markaði, er umfangsmikil og leggja
verður gríðarlega vinnu í uppbyggingu
og rannsóknir. Ég hlaut styrk úr Ný-
sköpunarsjóði námsmanna til að vinna
að verkefninu síðastliðið sumar sem
gerði mér kleift að leggjast í rannsókn-
ar- og undirbúningsvinnu. Leggja þarf
mikla vinnu í að huga að uppsetningu
kerfisins í heild, öllum öryggisráðstöf-
unum og aðgangsstýringum.
En til að smáforritið sé nothæft
verður að byggja það upp út frá þörfum
notenda. Í samvinnu við sveitarfélag-
ið Akureyrarbæ fékk ég tækifæri til að
átta mig almennilega á því umhverfi
sem er í kringum þjónustu við börn
með sérþarfir og átti mikilvæg samtöl
við tilvonandi notendur forritsins. Þá
sótti ég einnig fundi í tengslum við
gerð landsáætlunar í málefnum fatlaðs
fólks sem voru haldnir nú í sumar. Mér
þykir mikilvægt að vera upplýst um
aðstæður nútímans og heyra frá fyrstu
hendi hvað má betur fara. Milliliðalaus
samtöl eru mikilvæg, sérstaklega
þegar gera á atlögu að umbótum. Þó
styrktímabilinu sé lokið held ég áfram
þróun smáforritsins samhliða öðrum
verkefnum. Ég er þakklát fyrir þá
reynslu og þekkingu sem ég hef öðlast
hingað til og bíð spennt eftir komandi
tímum.“
Elísabet Ásta
Ólafsdóttir. „Það
er að mörgu að
huga við þró-
un smáforrits og
afar mikilvægur
þáttur er greining
á markaði.
Nauðsynlegt er
að fyrir liggi hvað
notendur þurfa
og vilja og þær
ástæður sem þar
liggja að baki.“