Skólavarðan - 2023, Blaðsíða 54

54 SKÓLAVARÐAN HAUST 2023
MENNTAMÁLASTOFNUN / Námsefni
Í aðalnámskrá grunnskóla eru hæfniviðmið
sem snúa að kennslu í kynheilbrigði einstak-
linga og eru viðmiðin fléttuð saman í allt
skólastarf og kennslu. Þó að kynfræðsla fari
fram á öllum skólastigum er mikilvægt að
hafa í huga að fræðslan tekur ávallt tillit til
aldurs og þroska nemenda.
SAMFÉLAGS- OG NÁTTÚRUGREINAR | YNGSTA STIG
Líkami minn tilheyrir mér
Líkami minn tilheyrir mér eru
teiknimyndir í fjórum þáttum þar
sem fjallað er um líkamann, mörk
og kynferðisofbeldi. Þættirnir voru
unnir af Bivrost Film í samstarfi við
Barnaheill í Noregi og fleiri aðila.
Menntamálastofnun þýddi og stað-
færði efnið með aðstoð frá Bivrost og
KrakkaRUV. Barnaheill á Íslandi kom
að yfirlestri, ráðgjöf og vinnu við efnið
og RUV talsetti teiknimyndirnar.
Öll börn eiga rétt á vernd og
þau þurfa fullorðið fólk sem talar
við þau og útskýrir hvað kynferð-
islegt ofbeldi er. Þáttunum fylgja
kennsluleiðbeiningar, samtalsspjöld
og ráð til forsjáraðila. Það á við
um þetta efni sem og annað að
kennari vegur og metur út frá sínum
nemendahópi hvenær efni hentar til
kennslu.
SAMFÉLAGS- OG NÁTTÚRUGREINAR | YNGSTA STIG OG MIÐSTIG
Kyn, kynlíf og allt hitt
Námsefninu Kyn, kynlíf og allt hitt er
ætlað að efla sjálfsmynd nemenda,
að þau finni gildi sín, setji sér mörk
og virði mörk. Bókin er hugsuð fyrir
7 til 10 ára börn. Ekki er gert ráð
fyrir að hún verði kennd í heilu lagi
heldur er bæði um prentaða bók og
rafbók að ræða og hver kennari velur
úr þær blaðsíður sem eiga við hverju
sinni fyrir sinn bekk.
Bókin er á myndasöguformi þar
sem fylgst er með fjórum börnum
fræðast um kyn og kynlíf með
virðingu, traust, ánægju og réttlæti
að leiðarljósi. Hún er mikilvægur
leiðarvísir um líkama, kyn og
kynverund fyrir börn og ættu öll börn
og allar fjölskyldur að geta speglað
sig í bókinni. Hún veitir nauðsynlegan
grunn í kynfræðslu og býður þar að
auki upp á samræður milli nemenda
og kennara og gerir nemendum
kleift að koma á framfæri skoðunum
sínum og upplifunum um leið og
frætt er um virðingu, mörk, öryggi og
ánægju.
Í kennsluleiðbeiningunum eru
tillögur að umræðuefni og verk-
efnum sem bjóða upp á fjölbreytta
kennsluhætti. Aftast eru fylgiskjöl við
ýmis verkefni, hugtök og tillögur að
námsmati.
SAMFÉLAGS- OG NÁTTÚRUGREINAR | UNGLINGASTIG
Sjálfbærni
Sjálfbærni er stærsta verkefni samtímans. Það felst í því
að stuðla að sjálfbæru lífi á okkar litlu Jörð, þéttsetinni
fólki og öðrum lífverum. Verkefnið snýst ekki um að
finna leiðir til að margir geti komist af heldur að skapa
aðstæður svo allar manneskjur geti lifað góðu lífi.
Námsefnið Sjálfbærni miðar að því að fræða nemendur
um sjálfbærni á hinum ýmsum sviðum samfélagsins
en hún er samofin samfélagi okkar og náttúru á marga
ólíka vegu. Þá er einnig komið með dæmi um hvernig
nemendur geta gripið til aðgerða og haft áhrif á nærum-
hverfi sitt og samfélag í heild.
Rafbókin skiptist í sjö hluta. Fyrsti hluti fjallar um
menningarlega fjölbreytni og umburðarlyndi, annar um
jafnrétti kynja og þriðji um mannréttindi. Í fjórða hluta er
farið í friðsamlega menningu, í fimmta hluta lofts-
lagsbreytingar, í sjötta hluta sjálfbærni í náttúrunni og
sjöundi hluti fjallar um sjálfbæra neyslu og framleiðslu.
Námsefnið samanstendur auk rafbókar af mynd-
böndum, greinargóðum verkefnabanka og gæðakönnun-
um þar sem nemendur geta metið stöðu sína og síns
nærumhverfis í fyrrnefndum flokkum. Allt efnið er
aðgengilegt á sjálfbærnivef Menntamálastofnunar.
MMS kynnir:
Námsefni tekur
ávallt mið af
aldri og þroska