Skólavarðan - 2023, Blaðsíða 28

Selfoss
28 SKÓLAVARÐAN HAUST 2023
KENNARASAMBANDIÐ / Hringferð
Þ að eru mikil
forréttindi að fá að
starfa með ungu
fólki,“ var eitt af því
fyrsta sem Guðfinna Gunnars-
dóttir, ensku- og leiklistarkennari,
sagði þegar hún var spurð hvort
kennarastarfið væri ánægjulegt.
Hringferðarhópurinn átti afar
ánægjulega stund í Fjölbrauta-
skóla Suðurlands um miðjan
september og ekki annað hægt að
segja en að móttökurnar hafi verið
framúrskarandi. Guðmundur
Björgvin Gylfason kennari leiddi
hópinn um víðfeðmt húsnæði
skólans og það var bæði gaman
og áhugavert að sjá hið fjölbreytta
nám sem er stundað í þessum
stóra skóla í höfuðstað Suður-
lands.
Guðfinna er viðmælandi
Skólavörðunnar á Suðurlandi.
Hún segir okkur að hún hafi starf-
að í FSU nær allan sinn starfsferil,
eða í rúm 20 ár. Það var samt ekki
endilega planið hjá Guðfinnu að
verða kennari.
„Ég valdi að fara í BA-nám
í ensku í Háskóla Íslands og
hafði svo sem ekki hugsað málið
mikið lengra. En þá gerðist það að
Örlygur [Karlsson] aðstoðarskóla-
meistari hringdi í mig og bað mig
að koma og leysa af í kennslu. Ég
varð að hefja störf strax því önnin
var byrjuð. Ég kastaði mér í djúpu
laugina og datt inn í að kenna einn
áfanga,“ segir Guðfinna og bætir
við að kennarastarfið hafi strax
átt vel við hana. „Mér fannst þetta
bara alveg frábært.“
Þegar BA-gráðan var í höfn
skráði Guðfinna sig í M.Paed-nám
með kennslugreinina ensku. Hún
vann sem kennari í FSU á meðan
hún stundaði meistaranámið. En
af hverju enska?
Nú brosir Guðfinna. „Einn
þráðurinn er sá að mér leiddist
óskaplega í ensku í grunnskóla.
Ég var á undan og það var ekki
mikið í gangi fyrir nemendur sem
voru komnir lengra. Önnur ástæða
fyrir þessu vali var áhugi minn
á bókmenntum. Ég var mikill
bókaormur og las frá unga aldri
mikið á ensku,“ segir Guðfinna.
Jákvæð og falleg orka í leiklistinni
„Það ríkir ákveðið frelsi í
leiklistartímum. Nemendur
vinna með eigin rödd og
líkamann og ævinlega í mikilli
gleði,“ segir Guðfinna en hún
var frumkvöðull þegar kom
að því að bjóða leiklist sem
valáfanga í FSU.