Mímir - 01.06.2007, Qupperneq 5

Ritnefndarspj all
51. tölublað Mímis lítur nú dagsins ljós. Að því
stendur dálítið óvenjuleg ritnefnd. Hún er
eingöngu skipuð framhaldsnemum; tveimur í
íslenskri málfræði, einum í hagnýtri ritstjórn og
útgáfu og einum í blaða- og fréttamennsku.
Frá vinstri: Málfríður, Eyrún, Einar og Hlíf.
Myndina tók Birgir Freyr Birgisson.
Enginn B.A.-nemi fékkst til liðs við ritnefnd-
ina en hún lét það ekki á sig fá heldur bretti upp
ermar og hófst handa.
Ahersla var lögð á að fá í blaðið greinar
unnar upp úr lokaritgerðum nemenda og af-
raksturinn má sjá hér á næstu síðum: sex
greinar tengdar bókmenntafræði og sex um
málfræði. Tilviljun réði því að eingöngu konur
eru greinarhöfundar í Mími að þessu sinni og
má því kalla Mími 51 „kvennablað“!
Efnt var til ljóðasamkeppni og eru úrslitin
birt í blaðinu. Einnig er birt ræða frá ritnefnd
sem flutt var á 60 ára afmælishátíð Mímis þann
17. nóvember 2006. Þeirri hefð að ræða við
mætan mann innan fræðanna er viðhaldið og
tóku Eyrún og Málfríður tali Guðrúnu Kvaran,
stofustjóra Orðabókar Háskólans. Tilefnið var
nýlegt frumvarp til laga um afnám manna-
nafnanefndar sem hefur verið í umræðunni að
undanförnu.
Að lokum er birtur listi yfir allar lokaritgerðir
sem ritaðar hafa verið innan íslenskuskorar frá
1996-2006 ásamt höfundum þeirra. Slíkur listi
birtist síðast í Mími 42 (1995).
Einar Freyr Sigurðsson
Eyrún Valsdóttir
HlífArnadóttir
Málfríður Gylfadóttir
3