Mímir - 01.06.2007, Page 48
Hinn 2. júní 2006 samþykkti Alþingi íslendinga lög um Stofnun Áma Magnússonar í
íslenskum fræðum. Samkvæmt þessum lögum voru íslensk málstöð, Orðabók Háskólans,
Stofnun Árna Magnússonar á íslandi, Stofnun Sigurðar Nordals og Örnefnastofnun
sameinaðar frá og með 1. september 2006. Hin nýja stofnun tekur við skyldum
stofnananna fimm og þeim verkefnum sem þær hafa sinnt til þessa.
Öndvegisrit með afslætti
Af nýjum útgáfum má nefna: Einu sinni átti ég gott sem er ný vísnabók með barnagælum
og bamafælum, auk tveggja geisladiska með hljóðritun vísnanna; Fjórar sögurfrá hendi
Jóns Oddssonar Hjaltalín. Jón Oddsson Hjaltalín (1749-1835) var lengst af prestur í
Saurbæ á Hvalfjarðarströnd. Hann var afkastamikill rithöfundur, sálmaskáld og þýðandi,
en aðeins sálmar hans birtust á prenti að honum lifandi. Eftir Jón liggja einnig í
handritum kvæði hans af trúarlegum toga, rímur, tækifærisvísur og annars konar
veraldlegur kveðskapur, auk frumsamdra og þýddra sagna. Útgáfan sem hér birtist, á
fjórum sögum frá hendi sr. Jóns, er úrval sagnaritunar hans og varpar ljósi á
skáldsagnagerð þessa tímabils í íslenskri bókmenntasögu; engin þeirra hefur áður verið
prentuð. Einnig hefur stofnunin gefur út rit þar sem dr. Jóhannes Nordal segir frá hinum
flókna og spennandi aðdraganda þess að handritið Skarðsbók postulagsagna var keypt.
Rit Jóhannesar er prýtt fjölmörgum myndum úr Skarðsbók.
Stúdentar og áskrifendur Mímis fá útgáfubækur Árnastofnunar með
15% afslætti.
Stofnun Arna Magnússonar í íslenskum fræðum
Ámagarði við Suðurgötu — 101 Reykjavík
Sími: 525 4010 — Fax: 525 4035 — Netfang: thorunnr@hi.is
http://www.am.hi.is