Mímir - 01.06.2007, Page 104

sem hafa verið í íslensku málumhverfi í þrjú ár.
Arangur þeirra var borinn saman við árangur
fjögurra ára íslenskra barna. Niðurstöðurnar eru
athyglisverðar vegna þess að í öllum beyging-
arflokkunum eru litháísk börn með hærra hlut-
fall réttra svara nema í beygingarflokknum V-a.
Astæða þess gæti verið sú að í beygingar-
flokknum V-a voru nokkur orð sem börnin
könnuðust ekki við. Sem dæmi má nefna sagn-
irnar hringa, hljóða og mynda. Tvö börn mynd-
uðu rétta þátíð af sögninni mynda, eitt barn
myndaði rétta þátíð af sögninni hljóða en ekk-
ert barn var með rétt beygða þátíð af sögninni
hringa. En þegar á heildina er litið eru litháísk
og íslensk börn með sama hlutfall (35%) réttra
þátíðarmynda.
I hópi 4 eru átta börn sem hafa verið í íslensku
málumhverfi í fimm ár. Arangur þeirra var bor-
inn saman við árangur sex ára íslenskra barna.
Niðurstöður sýndu að litháísk börn voru með
79% svara rétt en íslensk börn ekki með nema
74%. Litháískum börnum gengur betur að
mynda rétta þátíðarmynd í öllum beygingar-
flokkunum nema í veika flokknum V-a þótt
munurinn sé reyndar eklci mildll sums staðar.
Mestur munur er í V-bl: 62% á móti 46%.
I hópi númer þrjú eru tvö börn sem hafa
verið í íslensku málumhverfi í fjögur ár. Árang-
ur þeirra miðað við árangur fjögurra ára ís-
lenskra barna er slakari. Ástæða þess, eins og
fram kom hér að framan, er sú að barnið D er
frekar seint til máls. Litháísk börn eru með 24%
svara rétt en fjögurra ára íslensk börn eru með
35%. Börnin frá Litháen eru með lægra hlut-
fall réttra svara í öllum beygingarflokkunum
nema í sterka beygingarflokknum S.
Þegar niðurstöður eru skoðaðar án barnsins
D kemur í ljós að barnið C er með hærra hlut-
fall (38%) réttra svara en fjögurra ára íslensk
börn (35%). Barninu gengur betur að mynda
rétta þátíðarmynd í beygingarflokkum V-i og
S en verr í beygingarflokkum V-a og V-bl.
I hópi númer sex er aðeins eitt barn sem
hefur verið í íslensku málumhverfi í sex ár. Ár-
angur þess miðað við árangur sex ára íslenskra
barna er slakari. Það er með 64% rétt svör en
sex ára íslensk börn eru að meðaltali með 74%.
Litháíska barnið er með aðeins hærra hlutfall
réttra svara í veika beygingarflokknum V-bl.
Barnið úr hópi númer eitt hefur verið mjög
stuttan tíma í íslensku málumhverfi og þar af
leiðandi er ekki hægt að bera saman árangur
þess við árangur íslenskra barna.
4. Lokaorð
Þegar niðurstöðurnar eru teknar saman kemur
í ljós að litháískum börnum gengur betur að
mynda rétta þátíð en íslenskum börnum. Þess-
ar niðurstöður eru athyglisverðar og vekja fjöl-
margar spurningar. Eins og bent var á áður
getur ástæða þess verið sú að eftir því sem börn-
in eru eldri þegar þau byrja að læra annað mál
eru þau fljótari að ná tökum á flóknari reglum
málsins, „the ability to acquire rule systems
does in fact increase steadily with age“ (Snow
og Hoefnagel-Höhle 1978:343).
Þegar litið er á aldur litháísku barnanna,
sem er 13 ár að meðaltali í hópi númer fjögur,
sést að aldur þeirra er miklu hærri en sex ára ís-
lenskra barna og þess vegna er hlutfall réttra
svara hærra hjá litháískum börnum sem hafa
verið í íslensku málumhverfi í fimm ár en hjá
sex ára íslenskum börnum. Rannsóknin, sem
Snow og Hoefnagel-Höhle gerðu árið 1978,
sýnir að unglingar eru mun betri í máltöku
annars máls en aðrir aldurshópar. Til að stað-
festa það þyrfti að skoða árangur lítháískra
barna sem byrjuðu að læra íslensku við fæðingu.
102