Ársrit Skógræktarfélags Íslands - 15.12.1987, Qupperneq 96

HERMANN SVEINBJÖRNSSON
Skógrækt Hermanns Jónassonar
að Kletti í Reykholtsdal
Hermann Jónasson forsætisráðherra var að-
sópsmikill athafnamaður á mörgum sviðum. Til
viðbótar við ævistarf hans á vettvangi stjórnmála
var hann afreksmaður í íþróttum á yngri árum og
stundaði útilíf og veiðar alla ævi meðan heilsa
leyfði. En sú tómstundaiðja Hermanns sem eftir
stendur sem lifandi minnisvarði í dag er hið mikla
starf hans á sviði skógræktar. Hann sagði eitt sinn
við mig að í stjórnmálum væru menn fyrst og
fremst að vinna fyrir framtíðina. Sama sagði hann
að gilti einnig um skógrækt. Skógræktin sam-
ræmdist köllun hans um að vinna fyrir framtíðina,
en á mun áþreifanlegri og persónulegri hátt en
stjórnmálin auk þess að vera hvíld frá daglegu
amstri. í opinberu starfi hygg ég að hann hafi ætíð
leitast við að gera veg skógræktarinnar eins
mikinn og efni og aðstæður frekast leyfðu á
hverjum tíma. Átti hann ætíð náið og gott sam-
starf við Hákon Bjarnason skógræktarstjóra og
aðra forsvarsmenn skógræktarmála.
Árið 1932 gerðist Hermann Jónasson ævifélagi
Skógræktarfélags íslands og voru það fyrstu
kynni þeirra Hákonar Bjarnasonar. Þau kynni
áttu eftir að eflast eftir því sem árin liðu, báðum
til uppörvunar við sameiginlegt hugsjónastarf
þeirra. Árið 1940 tók Hermann á leigu með
erfðafestu talsvert landsvæði í Fossvogi, þegar
stofnað var til nýbýla þar. Þetta land er nú að
miklu leyti athafnasvæði Skógræktarfélags
Reykjavíkur, en mestallur skógur á svæðinu, fyrir
utan grenilundinn við gróðrarstöðina, var gróður-
settur á vegum Hermanns um 1950. í Fossvogi
starfrækti Hermann myndarlega gróðrarstöð fyrir
trjáplöntur fyrir sig og aðra á árunum 1940—
1955, og hafði þar 1—3 menn í vinnu, en mest var
að sjálfsögðu umleikis þar á vorin. Var þar
1. Hermann Jónasson í
faðmi eigin skógar að Kletti
á sólbjörtum degi sumarið
1965 (Ljósm. Kári Jón-
asson).
94
ÁRSRIT SKÓGRÆKTARFÉLAGS ÍSLANDS 1987