Ársrit Skógræktarfélags Íslands - 15.12.1987, Síða 129

SNORRI SIGURÐSSON
Störf héraðsskógræktarfélaga
1986
1.0 VIÐFANGSEFNI
1.1 Ný lönd — girðingar:
Tvö ný lönd voru tekin til friðunar á árinu
1986. Fyrst skal nefna leiguland Skógræktarfélags
Borgfirðinga að Grafarkoti í Stafholtstungum.
Félagið tók alla jörðina á leigu, að undanteknu
sumarbústaðalandi jarðeiganda. Nýtanlegt land
til skógræktar mun vera um 140 ha að stærð. Að
mestum hluta er landið kjarri vaxnir ásar með
mýrarsundum og deiglendi milli ása. Leigulandið
er innan hinnar nýju Ystutungugirðingar, sem
Skógrækt ríkisins hefur haft forgöngu um að girða
að undanförnu. Skógræktarfélagið siapp því að
mestu við stofnkostnað vegna friðunar landsins
og hefur þannig sparað sér stórfé. Með tilkomu
þessa nýja lands hafa nú loksins óskir forráða-
manna félagsins um aukið landrými ræst, en þeir
hafa um árabil verið á höttunum eftir ákjósanlegu
skógræktarlandi er væri miðsvæðis í héraðinu.
Á vegum Skógræktarfélags Skagfirðinga var
sett upp 2,5 ha girðing að Hólum í Hjaltadal.
Land innan hennar er notað m. a. til kvæmatil-
rauna og voru gróðursettar í girðinguna 4000
piöntur af ýmsum stafafurukvæmum, í samstarfi
við Bændaskólann á Hólum og Rannsóknastöð
Skógræktar ríkisins á Mógilsá.
Skógræktarfélag A.-Skaftfellinga stækkaði
friðland sitt í Haukafelli á Mýrum um 30 ha, en
áður var búið að girða um 40 ha lands. Til
fróðleiks má geta þess að mestur hluti girðingar-
innar í Haukafelli er rafgirðing, sem reynst hefur
ágæta vel. Mun hún vera sú fyrsta hérlendis sem
reist er til friðunar á skógræktarlandi.
Skógræktargirðing á Fossá í Kjós var endurnýj-
uð á 400 m kafla og öll girðing Skógræktarfélags
Ólafsvíkur við Ólafsvík. Veruleg stækkun var
gerð á girðingu Skógræktarfélags Dalasýslu að
Gröf í Miðdölum og skógræktargirðing á Björg-
um í Ljósavatnshreppi var stækkuð um 2,5 ha. Til
girðinga var alls varið röskum 455 þús. kr., þar af
fór mestur hluti til viðhalds og endurbóta, eða
tæpar 260 þús. króna. Auk þess lögðu sjálfboða-
liðar fram um 200 dagsverk við girðingarvinnu.
1.2 Gróðursetning:
Á vegum skógræktarfélaganna voru gróður-
settar alls röskar 500 þús. plöntur 1986, sem er
tvöföldun á plöntumagni frá árinu áður. Munar
hér mest um aukna útplöntun á vegum Skóg-
ræktarfélags Reykjavíkur í hið nýja skógræktar-
og útivistarsvæði í Hólmsheiði, en þar voru
gróðursettar 123 þús. plöntur á s. 1. ári. Við
gróðursetninguna í Hólmsheiði hefur Vinnuskóli
Reykjavíkur lagt til vinnuafl eins og á öðrum
útivistarsvæðum Reykjavíkurborgar og lætur
nærri að unglingar hafi á s. 1. ári skilað um 3000
dagsverkum við skógræktarstörfin. Unglinga-
vinnan leysir hér, eins og víðar annarstaðar um
land, atvinnuvanda skólafólks yfir sumartímann
og virðist þáttur þess í ræktunarstörfum fara
vaxandi.
Á síðustu árum hefur framleiðsla skógar-
plantna byggst meir og meir á móbands- og
fjölpottaplöntum. Sérstaklega á þetta við Vo og 2/o
plöntur. Með þessari nýbreytni næst óumdeilan-
lega ávinningur í hagræðingu við plöntuuppeldið.
Má til dæmis nefna styttri vaxtarferil í gróðrar-
stöð, sparnað á fræi og auðveldari umhirðu, enda
fer uppeldið að mestu fram í gróðurhúsum. Pá
hafa fjölpottaplönturnar og móbandsplönturnar
það framyfir venjulegar beðplöntur að lengja má
gróðursetningartíma þeirra verulega. Þetta er
ÁRSRIT SKÓGRÆKTARFÉLAGS ÍSLANDS 1987
127