Ársrit Skógræktarfélags Íslands - 15.12.1989, Síða 134

BRYNJÓLFUR JÓNSSON
Störf héraðsskógræktarfélaga 1988
SKÓGARDAGUR
Mörg skógræktarfélög efndu til skógardags í
júní og virðist sem hugmyndin falli mörgum vel í
geð. Víða var bryddað upp á einhverju skemmti-
legu eftir að plöntur voru komnar í jörð og falla
slíkir dagar ungu kynslóðinni áreiðanlega vel í
geð, ekki síst ef boðið er uppá eitthvað gómsætt í
lokin. Vonandi eiga þessir sérstöku skógardagar
eftir að eflast.
Dagurinn er tilvalinn til að sýna ásjónu skóg-
ræktarfélaganna og kynna það starf sem unnið
hefur verið, auk þess að laða að og rækta fleiri
stóra og smáa skógræktarmenn.
GIRÐINGAR
Skógræktarfélag Kópavogs bætti 1 kmviðgirð-
ingu á Fossá, þá var haldið áfram við að girða
Kotvelli, sem Skógræktarfélag Rangæinga er
með á sínum snærum, auk þess viðhaldið girð-
ingu í Hamragörðum og víðar.
Skógræktarfélaginu Mörk var afhent land er
heitir Hnausafit og þar sett upp 800 m girðing. I
Skógræktarfélagi Ólafsvíkur var sett upp nýtt
hlið og merki skógræktarfélagsins komið fyrir.
Mættu fleiri skógræktarfélög fara að dæmi Skóg-
ræktarfélags Ólafsvíkur og merkja reiti og girð-
ingar sínar og koma á framfæri upplýsingum eða
leiðbeiningum, t.d. er almenningur aldrei nægi-
lega minntur á nauðsyn þess að fara varlega með
eld. Víðast annarsstaðar var viðhald girðinga
með hefðbundnu móti. Par sem þeim á annað
borð er haldið við krefjast þær viðhalds og eftir-
lits ár hvert. Hinsvegar virðast skógræktarmenn
núorðið girða með rafmagnsgirðingum enda
almenn reynsla af þeim góð.
VEGA- OG GÖNGUSTÍGAGERÐ
Sum skógræktarfélög búa við þær aðstæður að
landslag og náttúra torveldar aðkomu og umferð
að löndum félaganna og því nauðsynlegt að
leggja vegi þannig að almenningur komist að
þeim. Ekki þarf að taka fram að varanleg vega-
lagning er dýr framkvæmd og lítil skógræktarfé-
Iög oft þess ekki megnug að standa í slíkum fram-
kvæmdum. Þrátt fyrir það bætti Skógræktarfélag
Stykkishólms við veginn í svokölluðum Lyngási,
og þá stóð Skógræktarfélag S-Þingeyinga einnig
að vegagerð í Fossselsskógi. Skógræktarfélag
Skagfirðinga lagði einnig myndarlegan veg í
framhaldi af tjaldstæðinu á Hólum. Skógræktar-
félag Neskaupstaðar lagði 500 m langan göngu-
stíg og er það líklega frumraun félagsins hvað það
varðar. Stígagerð er víða mjög aðkallandi og
nauðsynlegt að koma þeim málum á rekspöl. Það
sýnir sig að almenningur fer fyrst að ganga um
skógarsvæðin þegar góðir og vel merktir stígar
eru komnir um þau.
UMHIRÐA
Umhirðu plantna virðist á undanförnum árum
víða hafa verið lítið sinnt. í ársskýrslum félag-
anna er þó á nokkrum stöðum vikið að þessum
lítt rækta þætti skógræktar. Skógræktarfélag
Skáta lagði til 600 kg af áburði og kalki, sem borið
var að plöntum. Skógræktarfélag Akraness sinnti
áburðargjöf auk þess sem iögð var áhersla á
132
ÁRSRIT SKÓGRÆKTARFÉLAGS ÍSLANDS 1989