Golf á Íslandi - 01.10.2011, Page 6

6 GOLF Á ÍSLANDI • www.golf.is
Haustið
SQUADRA Series.
Njóttu þess að spila með
hágæða gleraugum í golfið
og sólina frá TAGHeuer.
Sjón er sögu ríkari
F O R S E TA
pistill
Það er komið haust og golftímabilinu er að ljúka alla vega hér á Íslandi. Sumarið okkar
er stutt og okkur finnst að þegar golfvellirnir okkar eru hvað bestir, þá styttast dagarnir
og næturkuldinn dregur úr sprettu og flatirnar verpast. Þetta er það náttúrufar sem við
búum við og hvort sem okkur líkar það betur eða verr, þá er þetta staðreynd. Við gerum
bara gott úr því og notum okkur hina löngu björtu daga til hins ýtrasta.
Á þessum tímamótum er ekki úr vegi að líta til baka og meta hvað það var helst sem
vakti athygli á nýliðnu sumri. Enn fjölgar í golfhreyfingunni og er ætlað að félögum
í golfklúbbum hafi fjölgað um tvö prósent á þessu ári. Margir ungir kylfingar unnu
sína fyrstu sigra á golfmótum svo við getum horft bjartsýn til framtíðar hvað efni-
við snertir. Góður árangur ungra kylfinga hérlendis auðveldar þeim að komast að í
háskólum vestanhafs þar sem aðstæður til golfiðkunar eru fyrsta flokks.
Um miðjan ágúst fékk einn af okkar bestu kylfingum boð um að taka þátt í PGA
móti í Greensboro í Norður-Karólínu. Boðið kom í kjölfar sigurs á mjög sterku há-
skólamóti. Ólafur Björn Loftsson stundar háskólanám í Karólínu og upplifði það að
taka þátt í golfmóti þar sem margir af bestu kylfingum heimsins voru meðal þátt-
takenda. Algjör upplifun fyrir Ólaf Björn og vakti frammistaða hans mikla athygli.
Umfangið á slíku móti er geysimikið og má nefna að starfsmenn við mótið voru um
2000 og 500 blaðamenn sendu frá sér fréttir af mótinu. Þarna var brotið blað í íslenskri
golfsögu þar sem aldrei áður hefur íslendingur tekið þátt í golfmóti meðal þeirra bestu
á PGA mótaröðinni.
Ég vona að kylfingar hafi átt ánægjulegt golfsumar í ár og hér sunnanlands ber að
þakka veðurguðunum fyrir veðrið í ágúst og september.
Jón Ásgeir Eyjólfsson
Forseti G.S.Í.