Golf á Íslandi - 01.10.2011, Síða 22

G O L F
Óli Lofts á PGA
Íslendingurinn
sannaði sig á
stóra sviðinu
Ólafur Björn Loftsson úr Nes-
klúbbnum varð fyrsti íslenski
kylfingurinn til að leika á PGA-
mótaröðinni og var grátlega
nálægt því að komast í gegnum
niðurskurðinn. Vann sig í hug og
hjörtu íslenskra golfáhugamanna
Ólafur Björn Loftsson úr Nesklúbbnum braut blað í íslenskri golfsögu þegar
hann varð fyrsti íslenski kylfingurinn til að leika á PGA-mótaröðinni. Hann
vann sér inn keppnisrétt í Wyndham Championship mótinu sem fram fór
í borginni Greensboro, N-Karólínufylki 18.-21. ágúst. Ólafur vann sér inn
keppnisrétt í mótið með að vinna Cardinal áhugamannamótið sem fram fór
helgina á undan og fékk um leið tækifæri til að spreyta sig gegn mörgum
af bestu kylfingum heims. Enginn skortur var á stórum nöfnum í Wyndham
mótinu enda þurftu margir sterkir kylfingar að bæta stöðu sína á FedEx-
stigalistanum þar sem úrslitakeppnin á PGA-mótaröðinni var handan við
hornið. Margfaldir risameistarar líkt og Ernie Els, Vijay Singh, Retief Goosen
og fleiri stór nöfn urðu allt í einu keppinautar Ólafs sem stóð sig frábærlega
í mótinu. Að lokum varð Ólafur aðeins hársbreidd frá því að komast í
gegnum niðurskurðinn því aðeins munaði einu höggi á því að Ólafur
kæmist áfram. Íslenska þjóðin fylgdist spennt með ævintýrum Ólafs sem
stimplaði Ísland rækilega á kortið í golfheiminum með frammistöðu sinni.
22