Golf á Íslandi - 01.10.2011, Síða 45

„Það hefur verið frábær reynsla að vera í Wake Forest.
Ég hef þroskast mjög mikið sem einstaklingur við
að standa svona á eigin fótum og að lenda í erfiðum
áskorunum í daglegu lífi. Skólinn er mjög erfiður
námslega séð og það er ætlast til mikils af okkur í
golfinu. Það er bara æðislegt að vera í keppnisgolfi,
maður sér ótrúlega góða spilara, fær að ferðast og
keppa á flottum völlum. Það hjálpar manni að verða
betri að vera í svona góðum aðstæðum og að geta
æft svona mikið,“ segir Ólafía sem nemur hagfræði
samhliða golfinu.
„Háskólagolf er klárlega góður undirbúningur fyrir
atvinnumennsku. Ég vonast til að komast einn daginn
í atvinnugolf. Ég veit ekki nákvæmlega hvað mun
gerast eftir að ég útskrifast. Ég þarf að æfa meira en
hinir, hafa stutta spilið betra og læra betur inn á sjálfa
mig til að spjara mig í atvinnugolfinu.“
Ólafía á 60 sekúndum:
Klúbbur: GR
Forgjöf: 0,1
Uppáhalds lið í enska boltanum: Man
Utd.
Dræver: Titleist D Comp
Uppáhalds golfhola: 15. holan í
Grafarholti. Hún er bara svo krefjandi
og líka falleg.
Besta skor: 65 högg á Hellu, æfingar-
hringur fyrir Icelandic Junior Masters.
Uppáhalds golfvöllur: Grafarholtið
Besta höggið á ferlinum: Sló ofan í af
100 metra færi úr karganum á 1. holu á
Korpu í meistaramótinu. Fyrsta skipti
sem ég hef slegið ofan í holuna af
löngu færi.
Sjáið einkennisstafi
Wake Forest skólans
á skónum hjá Ólafíu.
Meistarafagn frá
pabba í sviðsljósi
sjónvarpsvéla.
Glæsileg golfsveifla
Íslandsmeistarans.
Kristinn faðir Ólafíu stóð sig vel í starfi kylfusveins. Gott
mót hjá honum því Alfreð sonur hans var í baráttunni.
45