Golf á Íslandi - 01.10.2011, Page 58

Íslandsmót unglinga í höggleik fór fram við frábærar
aðstæður á Grafarholtsvelli snemma í ágúst. Skor
kylfinga var sérlega glæsilegt og ljóst að Ísland á
fjöldann allan af ungum og efnilegum kylfingum
sem vafalaust eiga eftir að láta mikið að sér kveða
í framtíðinni. Birgir Björn Magnússon úr Keili, sem
leikur í strákaflokki, stal senunni í mótinu en hann
setti vallarmet á þriðja hring með að leika á 64
höggum eða sjö höggum undir pari vallarins. Hann
setti í kjölfarið nýtt og glæsilegt vallarmet af rauðum
teigum á Grafarholtsvelli. Gríðarleg eftirspurn var
eftir þátttöku í mótinu og komust færri að en vildu.
Í piltaflokki fór Bjarki Pétursson úr GB með sigur
af hólmi. Hann lék hringina þrjá á samtals tveimur
höggum undir pari og varð þremur höggum á undan
Sigurði Ingva Þorvaldssyni úr GHD sem varð annar.
Benedikt Sveinsson úr Keili varð þriðji á samtals
þremur höggum yfir pari.
Sigurganga Guðrúnar Brá Björgvinsdóttur úr Keili
í stúlknaflokki heldur áfram eftir góðan sigur á
Grafarholtsvelli. Guðrún Brá, sem hefur unnið öll mót
sumarsins á mótaröðinni, lék hringina þrjá á samtals
átta höggum yfir pari og varð sex höggum á undan
Sunnu Víðisdóttur úr GR. Halla Björk Ragnarsdóttir úr
GR varð í þriðja sæti.
Í drengjaflokki fór Ragnar Már Garðarsson úr GKG
með sigur af hólmi. Hann lék samtals á sex höggum
yfir pari í mótinu og varð þremur höggum á undan
Ísak Jasonarsyni úr Keili. Bráðabani á milli Árna Freys
Hallgrímssonar úr GR og Birnis Snæs Ingasonar úr GKj
um þriðja sætið fór alla leið á fimmtu holu þar sem
Árni hafði betur. Guðrún Pétursdóttir úr GR er Íslands-
meistari í telpnaflokki eftir spennandi keppni. Hún
lék samtals á 238 höggum og varð tveimur höggum á
undan Önnu Sólveigu Snorradóttur úr Keili sem varð
önnur. Særós Eva Óskarsdóttir úr GKG varð þriðja.
Í strákaflokki var Birgir Björn Magnússon úr Keili í al-
Frábært skor á Íslands-
mótinu í höggleik
ARION banka
mótaröðin
gjörum sérflokki og lék frábært golf. Hann lék samtals
á níu höggum undir pari eftir að hafa leikið lokahring-
inn á 64 höggum eða sjö höggum undir pari. Hann
setti í kjölfarið nýtt vallarmet af rauðum teigum.
Birgir varð 18 höggum á undan Gísla Sveinbergssyni
úr Keili en þessir tveir kylfingar hafa verið í sérflokki
í strákaflokki í sumar. Óðinn Þór Ríkharðsson úr GKG
hafði betur gegn Kristófer Orra Þórðarsyni úr GKG um
þriðja sætið en þeir urðu jafnir á samtals tólf höggum
yfir pari.
Í stelpuflokki vann Ragnhildur Kristinsdóttir úr GR
öruggan sigur. Hún lék samtals á 252 höggum í
mótinu og varð tólf höggum á undan Karen Ósk
Kristjánsdóttur úr GR sem varð önnur. Þriðja varð
Þóra Kristín Ragnarsdóttir úr Keili sem hafði betur
gegn Birtu Dís Jónsdóttur úr GHD eftir bráðabana um
þriðja sætið. Helstu úrslit má sjá hér að neðan.
Piltaflokkur, 17-18 ára:
1. Bjarki Pétursson GB  71-70-70=211 -2
2. Sigurður Ingvi Rögnvaldsson GHD  69-73-72=214 +1
3. Benedikt Sveinsson GK  69-72-75=216 +3
4. Emil Þór Ragnarsson GKG  72-72-74=218 +5
5. Dagur Ebenezersson GK  70-75-73=218 +5
Stúlknaflokkur, 17-18 ára:
1. Guðrún Brá Björgvinsdóttir GK  74-73-74=221 +8
2. Sunna Víðisdóttir GR  74-80-73=227 +14
3. Halla Björk Ragnarsdóttir GR  82-81-79=242 +29
4. Högna Kristbjörg Knútsdóttir GK  80-84-85=249+36
5. Saga Ísafold Arnarsdóttir GK  85-86-84=255 +42
Drengjaflokkur, 15-16 ára:
1. Ragnar Már Garðarsson GKG  74-70-75=219 +6
2. Ísak Jasonarson GK  78-71-73=222 +9
3. Árni Freyr Hallgrímsson GR  74-77-74=225 +12
(e. bráðabana)
4. Birnir Snær Ingason GKj  75-72-78=225 +12
5. Bogi Ísak Bogason GR  75-79-75=229 +16
Guðrún Brá
vann örugglega
í stúlknaflokki.
Guðrún Péturs-
dóttir vann eftir
jafna keppni.
Ragnar Már
sigraði í
drengjaflokki.
Telpnaflokkur, 15-16 ára:
1. Guðrún Pétursdóttir GR  83-76-79=238 +25
2. Anna Sólveig Snorradóttir GK  80-78-82=240 +27
3. Særós Eva Óskarsdóttir GKG  85-84-78=247 +34
4. Sara Margrét Hinriksdóttir GK  87-86-83=256 +43
5. Þórdís Rögnvaldsdóttir GHD  80-87-90=257 +44
Strákaflokkur, 14 ára og yngri:
1. Birgir Björn Magnússon GK  70-70-64=204 -9
2. Gísli Sveinbergsson GK  71-76-75=222 +9
3. Óðinn Þór Ríkharðsson GKG  78-72-75=225 +12
(e. bráðabana)
4. Kristófer Orri Þórðarson GKG  76-73-76=225 +12
5. Henning Darri Þórðarson GK  72-77-77=226 +13
Stelpuflokkur, 14 ára og yngri:
1. Ragnhildur Kristinsdóttir GR  85-87-80=252 +39
2. Karen Ósk Kristjánsdóttir GR  93-86-85=264 +51
3. Þóra Kristín Ragnarsdóttir GK  90-88-87=265 +52
(e. bráðabana)
4. Birta Dís Jónsdóttir GHD  85-96-84=265 +52
5. Laufey Jóna Jónsdóttir GS  95-86-89=270 +57
58